Hwèwulùwèlì 14:7 - Mokpwe: Bakwery (New Testament)

⁷ Èŋge aŋgèlì è mà ohwa nà lìlo lì kàrzami nanù ema, “È ŋgbe Lohwɛ̀ èluhwe, ndèŋgànɛ̀lɛ̀ è hwɛ ndi ò lì mò eka, ehwànja è hvonda yà eni yà lì kàyìrzɛ hwatò è mà ɔlɛ̀. È mò kanɛ̀ mɔ̀ ema à wèki è ŋmanyu yà lohwà, è rze yà mɔ̀nyɛ̀, ŋmàànjà nà hwètùŋgu hwe malìhwa.”

Hwèwulùwèlì 14:7 Mawu Ofanana

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Lukàrzɛ̀ 17:18

Tɔ̀ mɔ̀kɔ wà àwu à rza tìmbì ò lì eka Lohwɛ̀, lì akà tɛ ònò mòjilì ŋmìti e?”

Hwègbèèlì 14:15

“Mamɛ ndèŋgàtɛ è gbeyà nanù e? Irzɔ hvɛ ì hwèlì ndi hwatò hwa hwènàmà nà òma è hwèlì. Irzɔ ì mà jà anu ò lì è òhweyà ŋmɛ̀ndì mò gbamù mò ama Yerzù, aŋga nanù è hwɛ̀mɛ̀ hwenè hweyà ema hwe hwèlì ŋgundu, aŋga nanù è òŋgama Lohwɛ̀ là lòŋgɛ ema mɔ̀ ndi à hwèki è ŋmanyu nà è rze nà ŋmàànjà nà hwèèmà hwe arzɛ ema hwe hwèlì ò tènì yà awu.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

Hwèwulùwèlì 11:13

Ò lìŋgi lìrzàkò mɛnɛ ò mà hwɛ monyìŋgìrzɛ̀nɛ̀ mòndɛnɛ rzìi lòŋgò lɔ̀kɔ ò tenì yà lìyòmè là eŋge mbowà ndɛ̀ɛ̀ndɛ̀ è wuhweyà. Mɔ̀rzɔ̀ŋgi mò hwatò ema mò mà ŋwa ò moŋgo mònyìŋgìrzɛ̀nɛ̀ mò mà hwɛ hwèkolì lìrzamba. È wɔ̀ ema hwa mà kàrzowà hwa mà oka wɔ̀ŋgɔ̀ rzìi hwa eka Lohwɛ̀ là màyìmbì ema lì hwèlì ò ŋmanyu yà lohwà.

Hwèwulùwèlì 11:18

Hwàto ema hwa rza ò gbèeyà hwa mà tatà ehwànja hwètàtò hwe aŋgɔ hwe màyìmbì hwe mà jà. È hvonda è mà uka ò lì kàyìrzɛ hwatò ema hwa ŋwelì. È hvonda è mà uka ema hwàgbèèlì hwa aŋgɔ, hwà-òhwèlì hwa hwèlìŋgɛ̀, nà hwatò hwa aŋgɔ hwa ò gbèeyà ema hwa ò ŋgba èluhwe, hwatò hwa arzɛ, tɔ̀ hwatò ema hwa hwèlì wòlìto tɔ̀ hwa rza hwɛnɛ wòlìtò, ò hwa rzàweyà. Ò eŋge hvonda ndi o ò hvaŋga hwatò ema hwa hvàŋga hwatò ò è rze yà mɔ̀nyɛ̀!”

Hwèwulùwèlì 15:4

Ìi Rzàŋgo, njɛnɛ a rza o oka wɔ̀ŋgɔ̀ e? Njɛnɛ a rza o ŋgba èluhwe e? O wà witi mɛnɛ ndi o hwèlì wòtani. Hwàto hwa hwèkòmè hwe arzɛ hwe e rze ya mɔ̀nyɛ̀ hwa o jà o lì o kànɛ. Èhwànja hwègbèèlì hwe aŋgɔ hwe ehve-ehve hwe ma wulùwahwà.”

Hwèwulùwèlì 16:9

Hwàto hwà mà rzeeya o tenì ya eŋge etùmbàtùmbà ndɛnɛ. Rzìi wɔ̀ hwa jema lìinà la ama Lohwɛ̀ ema a kàneya mene mekona. Ndi wɔ hwa rzi ayèŋgowɛ̀ o wòhwe wo awu, o lì ŋgba Lohwɛ̀ èluhwe.

Hwèwulùwèlì 18:10

Hwa o tɛ̀mɛ̀ hvoo ehwànja hwa oka wɔ̀ŋgɔ̀ nanù ema wɔ̀ hvɛ hwa o taka na oma mɔ̀hvɛ a taka. Ndeŋgànɛ̀lɛ̀ hwa o tɛ nanù ema, “Jiyeyi, jiyeyi, ene mbowà ndɛɛndɛ ya màyìmbi, Bàbìlɔ̀nì, o hvoka ya awa hvɔ̀kɔ mɛnɛ ɔndi o lu e kɔ̀kìrzɛ̀ nanù e?”

Hwèwulùwèlì 18:17

O awa hvɔ̀kɔ mɛnɛ mono mònàmɛ̀ mo arzɛ mo ma nyɔ̀ŋgɔ̀.” Hwàto ema hwa kànèyà mèelì me ŋmànja, na hwatò ema hwa ɛndɛ yɔ̀ndɔ na mèelì me ŋmànja, hwatò ema hwa gbeyà èwòlò o tenì ya mèelì me ŋmànja, hwatò ema hwa anda na lì awìrzɛ̀ inyoŋga o tenì ya ŋmànja, hwà mà tɛ̀mɛ̀ hvoo,

Hwèwulùwèlì 18:19

Aŋga ndi hwa a koma e rzɔ̀hwɛ o mèyòhvò me awu ehwànja hwà mà hwɛ lì eeya, na lì ɛhwɛ, na lì ohwa nanù ema, “Jiyeyi, jiyeyi, na e mbowà ndɛɛndɛ, ema hwaŋga ema hwà mà ohva mèelì me ŋmànja ema hwà mà nàmeyà o nyòla ya hwèèmà hwe eni. O awa hvɔ̀kɔ mɛnɛ à mà wɔ̀lɛnɛ hwene hwèèmà hwe arzɛ.”

Hwèwulùwèlì 19:5

Rzìi lìlo lì ma uwɛ̀lɛ̀lɛ̀yi o e konda ya lìkànèyà lì ohwa nanù ema, “È eke Lòohwà la arzu, inyɔ hwa arzɛ ema e hwèlì hwàgbèèlì hwa eni, inyɔ ema e mo ŋgbàà èluhwe, tɔ̀ e hwɛ ndi hwatò ema hwa hwèlì wòlìto tɔ̀ e wɔ̀ ema hwa rza enje wòlìto.”

Hwèwulùwèlì 4:11

“Ìi Rzàŋgo hwa arzu nà Lòohwà là arzu, ò àŋgàmɛ̀nɛ̀yi lì lùwa wonyàki, èluhwe nà màyìmbì, ehwànja ò wà ndi ò hwèlì è mɔ̀ ema à wèki hwèèmà hwe arzɛ, ndèŋgànɛlɛ ò lì emeyà là aŋgɔ hwe arzɛ hwe mà wèkàhwà nà lì hwɛnɛ hwèhwɛ̀ɛ̀lì hwe awu.”

Hwèwulùwèlì 4:9

Hweŋge hwèembe hwe aaniyɛ hwe ma hwɛ lì embeya ò è mɔ̀ ema à lìyayi ò è konda yà lìkànèyà, mɔ̀ ema à hwèlì lòŋgɛ ò gbìndèyà nà ò gbìndèyà. Hwe mà hwɛ lì mò embeya mɛ̀rzɔ̀kɔ̀ ema mè mò ŋgba wònyaki, èluhwe, nà jèka.

Hwèwulùwèlì 8:10

È aŋgèlì ema e ma ùkirzɛ̀ iyàwò e ma tòŋga lìyɔ̀mi la eni. Aŋga ndi rzombe ndɛnɛ ema e ma oŋwa nàa mòkàkò e ma uwɛ̀lɛ̀lɛ̀yi o ŋmanyu ya lìwòhwɛ là ŋmanyu rzìi e undeya lòŋgò lɔ̀kɔ o tenì ya moŋgo mayàwo ma meyorzo na hwètùŋgu hwe màlìhwa.