Hwèwulùwèlì 14:6 - Mokpwe: Bakwery (New Testament)

⁶ Nà mà ɛnɛ ehvɛhvɛ aŋgèlì è kòòhwà hvòò ò ŋmanyu yà lìwòhwɛ̀ là ŋmanyu. Èŋge aŋgèlì è mà jànà ŋmɛ̀ndì mò gbamù ema mò hwèlì natɛ̀ɛ nà ò gbìndèyà. Moŋgo ŋmɛ̀ndì mò gbamù mɔ̀ ndi à mà hwɛ lì ohweyà hwatò ema hwa hwèlì ò è rze yà mɔ̀nyɛ̀, nyàyi nà nyàyi jà hwatò, màtumba nà màtumba, nyàyi nà nyàyi jà mbɔrzi nà hwèkòmè nà hwèkòmè.

Hwèwulùwèlì 14:6 Mawu Ofanana

Matiyò 10:27

Mamɛ ya arzɛ ema na e òhweyà ò jìtìtì, inyɔ e òhwa wùùnyà wò a ɛnɛ̀ tɛ. Ndèŋgànà hweŋge hweyà hwe arzɛ e ma e hweya nàa wùndɛ̀ e ò hwe òhwa ò mòtè.

Makòrzì 16:15

À mà hwa òhweyà nanù ema, “È ɛ̀ndɛ̀, e àyinɛ̀lɛ̀ ò e rze ya arzɛ, e hwa òhweyà Ŋmɛ̀ndì mò Gbamù.

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

1 Pètrò 1:25

Ndi eyà ya ama Rzàŋgo e hwèlì ihvonda ja arzɛ.” Ŋmɛ̀ndì mò Gbamù mono ema mo ma e ohwahwɛlɛ.

Hwèwulùwèlì 10:11

Rzìi nà ohwahwɛlɛ hvɛ nanù ema, “O aŋgàmɛnɛyi lì ohwa lì hvomɛ̀nɛ̀ hweyà ema hwe o gbèyɛ̀nɛ o rzayi-rzayi ja hwèkòmè, nyayi na nyayi ja hwatò, nyayi na nyayi ja mbɔrzi na rzayi-rzayi ja kiŋgɛ̀.”

Hwèwulùwèlì 10:7

Ndi o mèenyà ema e aŋgèlì ema e ùkirzɛ̀ lìrzamba e o tòŋga lìyɔ̀mi la eni, Lohwɛ̀ a o gbeyà eyà ema mɔ̀ à mà kàkɛ̀nɛ̀ nanù ema a o gbeyà o wùndɛ̀. A e gbeyà na oma mɔ̀ à mà ohweyà hwàgbèèlì hwa eni hwà-òhwèlì hwa hwèlìŋgɛ̀.”

Hwèwulùwèlì 13:7

Lohwɛ̀ è mà ŋgba eŋge èembe è wònjà o lì anana hwatò hwa eni nà ò lì hwa rzùùwanà. À mà ŋgbààhwà wònjà ò lì kànèyà màtumba nà màtumba, hwèkòmè nà hwèkòmè, tɔ̀ ima imbɔrzi nà ì nyàyi nà nyàyi jà hwatò.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.

Hwèwulùwèlì 8:13

Nà ma ɔ̀ŋgɔ, rzìi na ɛnɛ mbèŋgà ema e koohwa hvoo o ŋmanyu yà lìwòhwɛ̀ là ŋmanyu, rzìi eŋge mbèŋgà e ohwa na lìlo lì kàrzami nanù ema, “Mojema! Mojema! Mojema, mo o hwɛ na hwatò hwa arzɛ ema hwa lìya o rze ya mɔ̀nyɛ̀, o e hvonda ema inɛyi aŋgèlì jàyɛ jo o tòŋgɛ̀ màwɔ̀mi ma awu.”