Hwèwulùwèlì 14:14 - Mokpwe: Bakwery (New Testament)

¹⁴ Nà mà ɔ̀ŋgɔ, rzìi nà ɛnɛ ò worzo wò ami lìmbàki ema lì tàna. Ò mà lìya mòtò ò ŋmanyu yà lìŋgi lìmbaki ema à mà àyɛ̀kɛ̀nɛ̀ è Ŋmanà wà è mòtò wà hwènàmà. À mà wɔtɔ̀ ekòòtò yà gòòlù ò mòòhvò mò eni, ndèŋgànɛ̀lɛ̀ à mà ohva lùwɛ̀ndi là lìŋgɔ̀tɔ̀ ema lì eyàà ò lìya là eni.

Hwèwulùwèlì 14:14 Mawu Ofanana

Matiyò 13:30

È hwɛmɛ hwèwùlè na imbàrzi hwe òŋgɛnɛ natɛ̀ɛ e hvònda ya lì rzaŋga la e mbòtà. O eŋge hvònda na ò òhweyà hwàrzàŋgèlì hwa e mbòtà ò lì lòme lì wuŋguwa hwèwùlè, hwa hwe kake hwa hwe rzɛlɛ. O mburza hwene hwègbèèlì rzi hwa rzàŋga imbàrzi ò lì e ika ò tùu ya ami ya lùùtà.’”

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Makòrzì 4:29

Ndi hwèrzòŋgò hwe ma òŋwa tɛ, lìwòkimɛnɛ, è mòtò a wòwa è hvàwò à ɛndɛ ò rzàa èhwanja e mbòtà è mà òŋwa.”

Lukàrzɛ̀ 21:27

Aŋgà ndi hwa ɛnɛ e Ŋmanà wà è mòtò wà Hwènàmà na òma a jà ò tenì yà lìmbàkì na ŋginyà nà èluhwe ndɛnɛ̀.

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

Hwèwulùwèlì 1:13

O ìtììtènì ja lìŋgi lìrzamba la mboko, o ma tɛ̀mɛ̀ mɔ̀kɔ ema à mà akɛnɛ mòtò wa hwènàmà. A ma rzoŋgɛ mòŋgòmbè ema mo ma ɔ̀ndɔ̀ natɛ̀ɛ na o màtàŋgà mà eni ndèŋgànɛ̀lɛ̀ ŋgolì ya gòòlù e ma kakahwa o ŋgeŋge ya eni.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 10:1

Nà mà ɛnɛ èhvɛhvɛ aŋgèlì yà màyìmbì è uwɛ̀lɛ̀lɛ̀yi ò ŋmanyu yà lohwà, è rzihwa ò rze. È mà tòŋgahwa nà lìmbaki, è ŋguhwèlì hvɛ è mà hwɛ ò mòhvo mò eni. Worzo wò eni wò mà hvàyeyà hvɛ ndi nàa igbèyi, ndeŋgànɛlɛ mèèndè mà eni mè mà hwɛ ndi nàa lìhwondi ema lì oŋwa mùnya.

Hwèwulùwèlì 11:17

Hwa mà ohwa nanù ema, “Jò ò ŋgbelì jèka Rzàŋgo Lohwɛ̀ ema ò kàrzàmi, ò wà ema ò hwèlì, ndèŋgànɛ̀lɛ̀ ema ò mà hwɛ. Jò ò èki ehwànja ò gbeyànì màyìmbì mà aŋgɔ màndɛ̀nɛ̀ ò lì wòteyà lì kànèyà.

Hwèwulùwèlì 19:12

Mìirzɔ ma eni ma hwɛ o tenì nàa mùnya ema mo oŋwa ndèŋgànɛ̀lɛ̀ a wɔ̀ti hwèkòòtò rzayi-rzayi o mòòhvò mo eni. A ohvi lìinà ema lì tìlahwì o nyo ya eni nanù ema tɔ̀ mòtò a rza hwiyɛ lì aka tɛ mɔ̀ ŋmìti.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.

Hwèwulùwèlì 6:2

Nà mà ɔŋgɔ, rzi na ɛnɛ wɔ̀rzi ema wo tanà. È mòtò ema à mà e lìya o ŋmanyu à mà tɛ̀ɛ̀tɛ̀ɛ lìkɔ̀rzi, ndèŋgànɛlɛ à mà ŋgbahwa ekòotò. A ma hwɛ ndi mòtò ema à mà hwɛ lì rzùùwa injùmà ihvonda ja arzɛ, ndèŋgànɛ̀lɛ̀ à mà woŋgirzɛnɛ o lì rzùùwa ehvɛhvɛ njuma ema à mà anane hwàkɔ̀yèlì.