Hwèwulùwèlì 14:13 - Mokpwe: Bakwery (New Testament)

¹³ Rzìi nà hweyà lìlo lì uwɛ̀lɛ̀lɛ̀yi ò ŋmanyu yà lohwà lì ohwa nanù ema, “Tìla ò rze nanù ema, ò lì wòteyà nàŋgɛ, mònàmɛ̀ nà hwatò ema hwa ŋwelì, ehwànja hwa lòkɛ̀yì è Rzàŋgo.” Èlìŋgɛ̀ yà wòtani è ohwi nanù ema, “Ɛ̀ɛ̀, wɔ̀ hwa ò lùwa lì arzìyòlɛ̀ ò nyòla èwòlò ema hwa mà gbeyɛ, ndèŋgànɛ̀lɛ̀ hwa ò lùwa mòrzàhwèlì ò nyòla hwèwòlò hwe gbamù ema hwa mà gbèyɛ.”

Hwèwulùwèlì 14:13 Mawu Ofanana

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Lukàrzɛ̀ 16:25

Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

Lukàrzɛ̀ 16:9

Yerzù rzìi a hwa òhweyà nanù ema, “Nà è òhweyà ema è gbeyànè mònàmɛ̀ mò anyu mò ène rze, ò lì làtana hweyòrza hwe anyu. Èhwanja lìrzàkò mòŋgò mònàmɛ̀ mò kùwa, e kàrzɛ̀hwɛ̀ nàa hwàyɛ̀ni ò èkòmè ya mòlìkɛ̀.

Ròmànì 14:8

Irzɔ, i hwèlì tɛ ò lòŋgɛ, nanù òma i hwèlì ndi ò lòŋgɛ ò lì gbeyà mamɛ ema e Rzaŋgò ya arza. Ndèŋgànɛ̀lɛ̀ i ŋwelì tɛ, nanù ò ma i ŋwelì ndi ò lì lìŋgirzɛ e Rzàŋgò. O èŋgànɛ̀lɛ̀ rzɔ, tɔ̀ i hwɛ lòŋgɛ, tɔ̀ i ŋwa, i hwèlì ndi ò màà mà ama e Rzàŋgò.

1 Kɔ̀rintìyà 15:18

È uŋmɛ̀lɛ̀ hvɛ ndi nanù ema hwaŋga hwatò ema hwà mà lòkɛ̀ Krirztò ema hwà mà ŋwɛɛ hwa wɔ̀.

1 Kɔ̀rintìyà 15:20

Ndi e jɔ̀kɛ̀ e hwèlì ndi nanù ema, Lohwɛ̀ ama hvùmùlɛ̀ Krirztò o kpelì. Krirztò ndi à hwèlì e mòtò wa worzò o lì hvùmùwà o kpelì, o tenì ya hwatò hwa arzɛ e ma hwà mà ŋwɛɛ.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

2 Kɔ̀rintìyà 5:8

Ja àhvìtɛ̀ nanù ema a jo ŋgba nyo hvènya ndèŋgàna i hwɛni lì rzɔnjɛ̀lɛ̀ i nyo ja arzu o lì ɛndɛ lì hwɛ na Rzàŋgo Yerzù.

Hvìlipìyà 2:17

Nà o hwɛ ndi nàa mohvo mo mimba emà mà rzɔ̀lɛhwɛ o nyòla èwòlò ema inyɔ e gbeyà, nàa jàhwèyà o nyòla lìlòkɛ̀ ema inyɔ e hwɛni. Nà tànɛyi lì taka tɔ lì ŋwa ehwànja na ohwa ŋmɛ̀ndì mò gbamù ŋgànà hvɔ̀kɔ na oma inyɔ hvɛ e hwèlì e tàkàà ehwànja e mo lòkɛ̀. Ndi na hwèlì na lìŋgà na lì e okana inyɔ hwa arzɛ mɔ̀nyɛ̀ŋgi.

1 Tɛ̀rzàlonìyà 4:14

Nà oma irzɔ i lòkɛ̀ nanù ema Yerzù à mà ŋwa rzìi a hvùmùwà o kpelì, o eŋgànɛ̀lɛ rzɔ̀ i lòkɛ̀ nanù ema e hvonda ema Yerzù a o timbɛ o rze, Lohwɛ̀ a o gbeyà hwaŋga hwàlòkèlì hwa arzɛ hwa ama Krirztò ema hwà mà lomɛ lì ŋwa o lì hvùmùwà rzìi hwa hwɛ na Krirztò.

1 Tɛ̀rzàlonìyà 4:16

Rzàŋgo Yerzù mɔ̀ ŋmìti à ò rzihwa o ŋmanyu yà lohwà ndèŋganɛlɛ hwatò hwa o hweyà mòrzeyà mo ndɛnɛ, ndèŋgànɛ̀lɛ̀ hwatò hwa o hweyà na oma e aŋgèlì ema e kànèyà e ohwa na lìlo lì kàrzàmi, ndèŋgànɛ̀lɛ̀ hwatò hwa o hweyà na oma e aŋgèlì e o tòŋgɛ lìyɔ̀mi la ama Lohwɛ̀. Rzìi eyà ya worzo e o hwɛ ndi nanù ema hwaŋga hwàlòkèlì hwa ama Krirztò ema hwà mà ŋwɛɛ hwa o hvùmùwà.

1 Tɛ̀rzàlonìyà 5:10

Yerzù à mà jo ŋwèeyà aŋga nanù, i hwɛ lòŋgɛ tɔ̀ i ŋwa, e hvonda ema a o jɛ̀ɛ̀, irzɔ jo ò hwɛ na mɔ̀.

1 Tìmotì 5:24

Lòŋgo la hwatò wɔ̀ hwa gbeyà wòhwe o mote ndèŋgàna hwa kàyìrzɛ̀hwɛ. Hwanɛyi hvɛ hwa gbèeyà wòhwe o jututa, ema hwatò hwa rza hwiyɛ, hwa hwiya ndi natɛ̀ɛ hwà mà arzìirzɛ̀ tɛ.

1 Tìmotì 5:25

Nànù mɛnɛ hvɛ ndi loŋgo la hwatò hwa gbeyà hweyà hwe gbamù ema hwe hwiyɛnɛyi na hwatò hwa arzɛ. Loŋgo la hwatò hvɛ hwa gbeyà hweyà hwe gbamù o jututa ema hwatò hwa rza hwiya natɛ̀ɛ hwa arzìirzɛ̀.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 10:4

Nà oma lìrzamba là ŋgalà yà lohwà lì mà rzìŋge, nà mà arza lì wòteyà lì tìla hweyà ema lì mà ohwe. Ndi nà mà hweyà lìlo lì mà uwɛ̀lɛ̀lɛ̀yi ò ŋmanyu yà lohwà lì ohwa nanù ema, “È utè hweyà ema lìrzamba là ŋgalà lohwa lì mà ohwɛ, hwe àŋgàmɛ̀nɛ̀yi ndi lì hwɛ wùndɛ̀, ndèŋgànɛlɛ o rzi hwe tìla o rze.”

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 11:19

Aŋga ndi nà à ɛnɛ è Ndawò yà Lohwà ema è hwèlì ò ŋmanyu yà lohwà yà à lìhvoweya. Ndeŋgànɛ̀lɛ̀ ò tenì yà eŋge Ndawò yà Lohwà, nà mà ɛnɛ Iwòŋgo jà eni jà Yòmbo. Lìŋmɛti lì mà aka, mɔ̀tɔ̀wù mòndɛnɛ mò mà wurza ò ŋmanyu, è ŋgalà yà lohwà è mà kàndeyà, mònyìŋgìrzɛ̀nɛ̀ mò mà hwɛ, ndèŋgànɛ̀lɛ̀ è mbuwà yà màŋyàyi màndɛ̀nɛ̀ è mà yɔ̀ɔ̀.

Hwèwulùwèlì 16:17

È aŋgèlì ema è mà ùkirzɛ̀ lìrzàmba è mà koma hwètàtò hwe ndɛnɛ hwe ama Lohwɛ̀ ema è mà hwɛ ò tenì yà ewoki yà eni ò yùlulì. Lìlo lì ndɛnɛ lì mà uwɛlɛlɛ ò è konda yà lìkànèyà ò tenì yà è Ndawò yà Lohwà lì mà ohwa nanù ema, “È mà gbèyɛ̀nɛ.”

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”

Hwèwulùwèlì 2:1

Oŋgo ema à mà àyɛ̀kɛ̀nɛ̀ è mòtò wà hwènàmà rzìi à nò òhweyà nanù ema, “Tìleyà è aŋgèlì ema è hwèlì ò ŋmèmba mò Ɛ̀hvɛ̀rzɔ̀rzì nanù ema, è mòtò ema à tɛ̀tì lìrzàmba là rzòmbe ò lìya là enì là momɛ̀, ema à ɛ̀ndeyà ò ìtììtènì jà lìrzamba là mboko jà gòòlù ema jò ohvi hwètùlù, mɔ̀ ndi à omi mono ŋmɛ̀ndì.

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 20:6

Mònàmɛ̀ mo o hwɛ na hwaŋga ema hwa o hwɛ o hwehvùmuwelì hwe worzo. Hwa hwèlì ndi hwatò ema hwa hwèlì wòtani. È kpelì ema e hwèlì e kpelì ya hwèlìŋgɛ̀, e rza hwɛnì màyìmbì o ŋmanyu ya hwatò ema hwa hwèlì o hwehvùmuwelì hwe kpelì hwe worzo. Ndi wɔ̀ hwa o hwɛ ipilìrzi ja ama Lohwɛ̀ na e ja ama Krirztò, ndèŋgànɛ̀lɛ̀ wɔ̀ hwa o hwɛ na mɔ̀ o lìkànèyà o tenì ya ikolì ja meya.

Hwèwulùwèlì 21:5

Mɔ̀ ema à mà lìyà o konda ya lìkànèyà rzìi a ohwa nanù ema, “È ɔŋgɔ tɛ nà mà gbeyà hweyà hwe arzɛ hwe hvènya!” Rzìi à no ohweyà hvɛ nanù ema, “Tila hwene hweyà ehwànja hwene hweyà ema na ohwa hwe hwèlì ndi e jɔ̀kɛ̀ ndèŋgànɛlɛ hwe hwèlì ndi hweyà ema tɔ̀ ima mòtò a àŋgàmɛ̀nɛ̀yi lì lòkɛ̀.”

Hwèwulùwèlì 22:17

Èlìŋgɛ̀ ya ama Lohwɛ̀ nà Mɔ̀ɔmbì hwa ohwa nanù ema, “Jà.” Tɔ̀ njɛnɛ ema a hweyi ene eyà mɔ̀ hvɛ a ohwa nanù ema, “Jà.” Tɔ̀ njɛnɛ ema a hwɛni nyìrzɛ ya malìhwa inyɛ a jèe a nyɔ malìhwa emà mà gbeyà hwatò hwa hwɛ o lòŋgɛ natɛ̀ɛ na o gbìndèyà. Tɔ̀ njɛnɛ ema a arzi manù malìhwa à mà luwa ŋgundu.

Hwèwulùwèlì 6:11

Ndeŋgànɛlɛ tɔ̀ ima mɔ̀kɔ wa awu à mà ŋgbahwa mòŋgombè mò mbɔ̀mi, rzìi hwa ohwàhwɛlɛ nanù ema hwa ambɛ̀lɛ̀ hvɛ ŋmanà hvoka hvonda, natɛ̀ɛ na e hvonda ema mɔ̀rzɔ̀ŋgi mo hwahvɛhvɛ hwàgbèèlì ema hwa hwèlì nàa wɔ na wònyànyàŋgò hwa awu hwa ama Krirztò ema hwà mà hwɛnɛ lì oŋwahwa na oma wɔ̀hvɛ hwà mà oŋwahwɛ mo ondìrzɛ̀hwɛ.