Hwèwulùwèlì 14:11 - Mokpwe: Bakwery (New Testament)

¹¹ Yùùtùtù ema è ò wurza ò mùnya ema mò hwa rzɛ̀lɛ̀, è ò agba ò ŋmanyu natɛ̀ɛ nà ò gbìndèyà. Ò rza ò hwɛ tɔ̀ lìwɔ̀wìrzɛ̀ là nyo ŋmèrze nà wuu ò hwaŋga hwatò ema hwa kanɛ̀ eŋge èembe nà èrzìrzà yà eni. Ndeŋgànɛ̀lɛ̀ nanù ndi è àŋgàmɛ̀nɛ̀yi lì hwɛ nà tɔ̀ ima mòtò ema à ohvi eŋge embànelì ya lìinà la eŋge èembè.”

Hwèwulùwèlì 14:11 Mawu Ofanana

Matiyò 11:28

“È je na imba, inyɔ hwatò hwa arzɛ ema e ma ɔ̀tɔ̀ ò lì hwanɛ̀ miyuna ema me lìti, na e ŋgbà lì arziyòlɛ.

Matiyò 25:41

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Hibrù 1:8

Ndi Lohwɛ̀ à mà ohwa lì hvomɛ̀nɛ̀ e Ŋmanà wà eni nanù ema, “Ìi Lohwà, lìkànèyà la aŋgɔ, lì o hwɛ o gbìndèyà na o gbìndèyà. O ò kànèyà hwatò hwa aŋgɔ nyayi ema e hvomɛ̀nɛ̀.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 13:12

È mà gbeyàna è wònja yà arzɛ yà è èembe yà worzò, ndèŋgànɛ̀lɛ̀ à mà gbeyà ndi nanù ò worzo wò eni. È mà aka nanù ema è rze yà mɔ̀nyɛ̀ yà arzɛ nà hwatò hwa arzɛ ema hwa hwèlì ò rze yà mɔ̀nyɛ̀, hwa kanɛ̀ eŋge èembe yà worzò. Èŋge èembe yà worzo è mà hwɛ ndi èembe ema è mà ohva èhwènà ndɛnɛ ndi eŋge èhwènà è mà wɔ̀hweyà.

Hwèwulùwèlì 13:15

Èèmbe ema è ùkirzɛ̀ hwehwàkɛ è mà ŋgbààhwà wònjà ò lì rzìyoweya mùùlù mò lòŋgɛ ò eŋge èrzìrzà yà eŋge èembe yà worzo. È mà gbeyà ndi nanù, aŋga nanù eŋge èrzìrzà è ohwa ndèŋgànɛ̀lɛ̀ è ò oŋwa hwatò hwa arzɛ ema hwa rza èmèlɛ̀ lì è kanɛ̀.

Hwèwulùwèlì 13:17

Tɔ̀ ima mòtò ema a rzi hwɛnɛ ene èmɛ̀nɛ̀nì à rzi tànɛyi lì anda tɔ̀ lì àhwìrzɛ̀ è nyòŋga. Ène èmɛ̀nɛ̀nì è hwèlì ndi lìinà là èŋge èembe, tɔ̀ mɔ̀rzɔ̀ŋgi mò lìinà là eni.

Hwèwulùwèlì 14:9

È aŋgèlì ema è mà ùkirzɛ̀ iyàwò yɔhvɛ rzi yo oŋgama iŋgi jà ahwakɛ jà worzò, è ohwa nà lìlo lì kàrzàmi nanù ema, “È hwèlì tɛ nanù ema mòtò à kanɛ̀ èembe ema è uwɛlɛlɛ ò ŋmànja, nà èrzìrzà yà eni, rzìi à lùwa embànelì yà eŋge èembe ò mbɔ̀mbɔ̀ yà eni tɔ̀ ò lìya là eni,

Hwèwulùwèlì 18:18

na oma hwà mà ɛnɛ Yùutùtù ema e wurza na oma à mà hwɛ lì rzeeya. Hwà mà tɛ nanù ema, “O rzì hwɛ a hwɛ ehvɛhvɛ mbowà ndɛɛndɛ nàa ene mbowà ndɛɛndɛ!”

Hwèwulùwèlì 18:9

Ikìŋgɛ ja e rze ya mɔ̀nyɛ̀ ema i ma gbeyà mòrzònje na mɔ̀, ndèŋgànɛ̀lɛ̀ hwà mà hwɛ o mòndeŋgè na mɔ̀ o lì ohva e nyɔ̀ŋgi ya lì gbeyà hweyà hwe wòhwe, hwa o eeya na lì ɛhwɛ na oma hwa o ɛnɛ yutùtù na oma e wurza e hvonda ema a rzeeya.

Hwèwulùwèlì 19:3

Rzìi hwa tɛ hvɛ nanù ema, “Jèka i hwɛ na Lohwɛ̀. Yutùtù ema e uwɛlɛlɛ o tenì ya ene mbowà ndɛɛndɛ ema e rzeeya nanù e hwèlì e agba o ŋmanyu natɛ̀ɛ na o gbìndèyà.”

Hwèwulùwèlì 20:10

Rzìi e Dɛhvùlì ema è mà hwa lùkɛ̀lɛ̀, è mà hvimbahwa ò yùlu yà mùnya ema e tumbana rzayi-rzayi, o èki ema eŋge nyàmà yà wòhwe na hwà-òhwèlì hwa hwèlìŋgɛ̀ hwa mòlàŋgà, hwa hwèlì. Ndeŋgànɛlɛ aŋga ndi wɔ̀ hwa o tàkɛ rzayi-rzayi ŋmèrze nà wuu natɛ̀ɛ nà ò gbìndèyà.

Hwèwulùwèlì 22:5

O rza o hwɛ hvɛ wuu. Wɔ̀ hwa rza o arza hvɛ tɔ̀ ètùlù tɔ̀ ŋmàye, tɔ̀ moombe mo igbèyi ehwànja Rzàŋgo Lohwɛ̀ a o hwɛ ŋmàye mo awu, ndèŋgànɛlɛ wɔ̀ hwa o kànèyà natɛ̀ɛ na o gbìndèyà.

Hwèwulùwèlì 7:12

Hwa mà hwɛ lì ohwa nanù ema, “Inyɛ̀ wò lìya nanù! Mònàmɛ̀, lì ekàhwà, lìhwiyè, jèka, èluhwe, màyìmbì nà ŋginyà inyɛ hwe hwɛ nà Lòohwà la arzu natɛ̀ɛ nà ò gbìndèyà! Inyɛ̀ wò lìya nanù.”