Hwèwulùwèlì 14:1 - Mokpwe: Bakwery (New Testament)

¹ Nà ma ɔ̀ŋgɔ rzìi na ɛnɛ è Ŋguma yà Mɔ̀lɛ̀ŋgù e tɛmi o Hvàko ema e hwɛ̀lɛ̀hwɛ̀ Rzàyɔ̀nì. Mɔ̀rzɔ̀ŋgi mo hwatò ema mo ma hwɛ na mɔ̀ mo ma hwɛ egbe yɔ̀kɔ na mènìmènì me hwekolì, ema hwà mà ohva lìinà la eni na lìinà la ama e Tatɛ̀ wa eni o imbɔ̀mbɔ̀ ja awu.

Hwèwulùwèlì 14:1 Mawu Ofanana

Lukàrzɛ̀ 12:8

“Nà è òhweyà è jɔ̀kɛ̀ ema, tɔ̀ njɛnɛ ema à nò tɛ̀mèlì mbòŋgi ò màrzò ma hwatò, imba hvɛ è Ŋmanà wà è Mòtò wà Hwènàmà nà mò tɛ̀meyà mbòŋgì, ò màrzò ma i aŋgèlì ja ama Lohwɛ̀.

Ròmànì 9:33

È tìlahwì ò e kààtì ya Lohwà lì hvòmɛ̀nɛ̀ eŋge nanù ema, “Inyɔ e ɔ̀ŋgɔ tɛ, na ikayi lìŋyàyi ò Rzàyɔ̀nì ema lì ma gbeyà hwatò ò lì ayirzɛ màtaŋgà mà awu, ewòmɛ ya lìŋyàyi ema e gbeyà ò lì nòŋgòwa. Ndi tɔ̀ njɛnɛ ema a mò lòkɛ̀yì, a rza ò timba màa màtò.”

Hwèwulùwèlì 14:14

Nà mà ɔ̀ŋgɔ, rzìi nà ɛnɛ ò worzo wò ami lìmbàki ema lì tàna. Ò mà lìya mòtò ò ŋmanyu yà lìŋgi lìmbaki ema à mà àyɛ̀kɛ̀nɛ̀ è Ŋmanà wà è mòtò wà hwènàmà. À mà wɔtɔ̀ ekòòtò yà gòòlù ò mòòhvò mò eni, ndèŋgànɛ̀lɛ̀ à mà ohva lùwɛ̀ndi là lìŋgɔ̀tɔ̀ ema lì eyàà ò lìya là eni.

Hwèwulùwèlì 14:3

Èŋge egbe yɔ̀kɔ na mènìmènì me hwekolì hwe hwatò hwe ma emba mɔ̀rzɔ̀kɔ̀ mohvènya o worzò wo e konda ya lìkànèyà ya ama Lohwɛ̀, ndèŋgànɛ̀lɛ̀ o worzo wo hweŋge hwèembè hwe aniyɛ ema hwe hwèlì lòŋgɛ, na o worzo wo hwàmbaki. Tɔ̀ mòtò a rzi tànɛ lì okowa moŋgo mɔ̀rzɔ̀kɔ̀ lì aka tɛ eŋge egbe yɔ̀kɔ na mènìmènì me hwekolì hwe hwatò ema Lohwɛ̀ à mà kɔ̀te o e rze ya mɔ̀nyɛ̀.

Hwèwulùwèlì 15:5

O mburza ene, nà mà ɛnɛ hwa lìhvo lìwondo la ama Lohwɛ̀ o tenì ya e ndawò yà Lohwà.

Hwèwulùwèlì 22:4

Hwa o ɛnɛ Lohwɛ̀ worzo na worzo ndèŋgànɛ̀lɛ̀ lìinà la eni lì o hwɛ o imbɔ̀mbɔ ja awu ja meyohvo.

Hwèwulùwèlì 3:12

Hwàto ema hwa lìya lì aka hweyà hwe wòhwe, nà ò hwa ika ò lì hwɛ màwòndì ò è ndawò yà ama Lòohwà là ami ndèŋgànɛ̀lɛ̀ hwa rza ò anjiya ò tenì hvɛ. Nà ò tìla lìinà là ama Lòohwà là ami ò inyo jà awu, nà ò tìla lìinà là è mbowà ndɛnɛ yà ama Lòohwà là ami, è Jèrurzalɛ̀mù hvènya ema è uwɛlɛlɛyi ò ŋmanyù yà lohwà ò mà Lòohwà là ami. Nà ò tìla hvɛ lìinà là ami lì hvènya ò inyo jà awu.

Hwèwulùwèlì 4:1

O mburza hwene hwèyòhwèlì, nà mà luwa ihvɛhvɛ jɛ̀nɛ̀nì rzii na ɛnɛ lìyohva lì lìhvowahwi o lìkànèyà la ama Lohwɛ̀. Ndeŋgàna lìŋgi lìlo ema imba nà mà lome lì hweyà ema lì ma hwɛ lì no ohwirzɛnɛ nàa lìyɔ̀mi, lì ohwa nanù ema, “Jà ono ŋmanyu, na uŋmɛ̀lɛ̀ hwèèmà ema hwe hwɛni lì gbèyɛ̀nɛ o mburza ya ene hvonda.”

Hwèwulùwèlì 6:8

Nà ma ɔ̀ŋgɔ, rzìi na ɛnɛ wɔ̀rzi ema e ma ɛneya mɔ̀rzɔ̀nɔ̀ nàa hwèwùlè ema hwe rzɔ̀ɔnji. Lìina la ama e mòtò ema à mà e lìya o ŋmanyu lì ma hwɛ̀lɛ̀hwɛ̀ ndi Kpelì, ndèŋgànɛ̀lɛ̀ èkomè yà hwatò ema hwa mà ŋwɛɛ e ma mo oŋgàma o mburzà. Hwà mà ŋgbahwa è wònjà o lì kànèyà lìkayi lɔ̀kɔ la e rze ya mɔ̀nyɛ̀ o ìtììtènì ja màkayi manii ja e rze ya mɔ̀nyɛ̀. Hwà mà ohwa nanù ema inyɛ a gbeyàne e rzɔ̀lɔ̀, e njawu, inyàmbɛ, na inyàmà ja wòhwe o lì oŋwa hwatò o e rze ya mɔ̀nyɛ̀.