Hwèwulùwèlì 13:6 - Mokpwe: Bakwery (New Testament)

⁶ Èŋge èembe e ma lìhvowa e wàna ya eni rzìi e wòteyà lì hwɛnyɛ Lohwɛ̀. È ma hwɛnyɛ lìinà la ama Lohwɛ̀, e ma hwɛnyɛ èki ema Lohwɛ̀ a lìya, ndèŋgànɛ̀lɛ̀ e ma hwɛnyɛ hwatò hwa arzɛ ema hwa hwèlì ò ŋmanyu yà lohwà.

Hwèwulùwèlì 13:6 Mawu Ofanana

Matiyò 12:34

Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni.

Matiyò 15:19

O ŋmèma mò eni ɔ̀ndi màlùtèyà ma wòhwe ema mà mò lìyɛ̀lɛ̀ ò lì òŋwa, lì gbeyà mòrzònje mò ndawò ya lìhwa, na lì gbeyà hvɛ la hwehvɛhvɛ hweyà hwe hwèŋgòmba. Manù màlùtèyà hvɛ ndi ma gbeyà a ihwa, ò lì tɛ̀mɛ̀ mbòŋgi ja mòlàŋgà na lì indà hwahvɛhvɛ hwatò.

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Ròmànì 3:13

È mbɔrzi ema e wurza ò i wàna ja awu e uŋgba ndi nàa erzunju ya rzɔ̀ŋgɔ̀ ema e hvuluwahwi. Hwa gbeyàna jɛ̀ɛ̀mɛ̀ ja awu ò lì lukɛlɛ hwatò. Jòòhwì ema i wurza ò iwàna ja awu i gbèyi ndi nàa e kɛ̀mbi ya hvèyi.

Kòlòrzìyà 1:19

Hwene hweyà hwe hwèlì ndi nanù ehwànja nanù ndi Lohwɛ̀ mɔ̀ ŋmitɛ-ŋmitɛ à hwèlì.

Kòlòrzìyà 2:9

È rzi emeyà nanù ema hwaŋga hwà-òkòlèlì hwa mòlàŋga hwa e lukɛlɛ, ehwànja e ŋginyà na ɛ̀ɛ̀mɛ̀ ya ama Lohwɛ̀ e hwèlì o tenì ya e nyo ya e mòtò wa hwènàmà ya ama Krirztò.

Hibrù 9:2

Lìwondo ema lì ma ohva tùu ihwàkɛ lì ma oŋgahwa. È tùu ema e ma hwɛ o worzo, e ma hwɛ̀lɛ̀hwɛ̀ nanù ema Èki ema e hwèlì wòtani, mboko ema ètùlù e tɛ̀mɛ̀ e ma hwɛ aŋga, tehwèlì e ma hwɛ na èhvòotò ema hwa ŋgbàna Lohwɛ̀ jàhwèyà.

Hibrù 9:24

Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.

Hwèwulùwèlì 11:12

Rzìi hwaŋga hwà-òhwèlì hwa hwèlìŋgɛ̀ hwa hweyà lìlo lì ndɛnɛ ema lì uwɛ̀lɛ̀lɛ̀yi ò ŋmanyu yà lohwà lì hwa ohweyà nanù ema, “È agbe ono ŋmanyu.” Rzìi hwa kpèeyà ò tenì yà lìmbaki hwa ɛndɛ o ŋmanyu yà lohwà rzìi hwàkɔ̀yèlì hwa awu hwa à hwa ɔ̀ŋgɔ nà oma hwa agba.

Hwèwulùwèlì 12:12

O èŋgànɛ̀lɛ̀ rzɔ, e ŋmanyu yà lohwà na hwaŋga hwatò hwa arzɛ ema hwa hwèlì aŋga hwa àŋgàmɛ̀nɛ̀yi lì oka mɔ̀nyɛ̀ŋgì. Ndi èwòmɛ̀ na hwatò ema hwa hwèlì o e rze ya mɔ̀nyɛ̀, na o ŋmànja, ehwànja e Dɛhvùlì à mà e rzihweyà na hwetato hwe ndɛnɛ, ehwànja a hwi nanù ema e hvonda ya eni e ma utuhwa.”

Hwèwulùwèlì 15:5

O mburza ene, nà mà ɛnɛ hwa lìhvo lìwondo la ama Lohwɛ̀ o tenì ya e ndawò yà Lohwà.

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 21:3

Nà ma hweyà lìlo lì ndɛnɛ ema lì uwɛlɛlɛyi o konda ya lìkànèyà lì ohwa nanù ema, “È ɔŋgɔ̀ tɛ, o naŋgɛ èki ya hwèlìyelì hwe ama Lohwɛ̀ e hwèlì ndi na hwatò hwa hwènàmà! Lohwɛ̀ a o lìiya na wɔ̀ èki yɔ̀kɔ ndèŋgànɛ̀lɛ̀ wɔ̀ hvɛ hwa o hwɛ ndi hwatò hwa eni. Lohwɛ̀ a o lìiya èki yɔ̀kɔ na wɔ̀.

Hwèwulùwèlì 4:1

O mburza hwene hwèyòhwèlì, nà mà luwa ihvɛhvɛ jɛ̀nɛ̀nì rzii na ɛnɛ lìyohva lì lìhvowahwi o lìkànèyà la ama Lohwɛ̀. Ndeŋgàna lìŋgi lìlo ema imba nà mà lome lì hweyà ema lì ma hwɛ lì no ohwirzɛnɛ nàa lìyɔ̀mi, lì ohwa nanù ema, “Jà ono ŋmanyu, na uŋmɛ̀lɛ̀ hwèèmà ema hwe hwɛni lì gbèyɛ̀nɛ o mburza ya ene hvonda.”

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.

Hwèwulùwèlì 5:13

Rzìi nà hweyà hwèwèkelì hwe arzɛ ema hwe hwèlì ò ŋmanyu yà lohwà, nà ò è rze yà mɔ̀nyɛ̀, ò èkòmè ya hwatò ema hwa mà ŋwɛ̀ɛ̀, ò tenì yà ŋmànja, nà hwèèmà hwe arzɛ ema hwe hwèlì ò tenì yà ŋmàànja hwe emba nanù ema, “Jèka, èluhwe, wònyaki nà màyìmbì, inyɛ hwe hwɛ ò è mɔ̀ ema à lììyàyi ò konda yà lìkànèyà, ndèŋgànɛ̀lɛ̀ inyɛ hwe hwɛ nà è Ŋgumà yà Mɔ̀lɛ̀ŋgù, ò gbìndèyà nà ò gbìndèyà.”

Hwèwulùwèlì 7:15

O eŋgànɛlɛ rzɔ, wɔ hwa hwèlì o worzò wo e konda ya lìkànèyà la ama Lohwɛ̀, ndèŋgànɛ̀lɛ̀ hwa ŋgba Lohwɛ̀ èluhwe wuu na ŋmerze tɛɛ. Mɔ̀ ema a lìyayi o e konda ya lìkànèyà, a hwèlì aŋga o ihvonda ja arzɛ o lì hwa ɔ̀ŋgeyà.

Hwèwulùwèlì 7:9

Ò mburzà yà hwenè hweyà hwe arzɛ, ɔndi nà à ɛnɛ ŋgìndì ndɛnɛ yà hwatò. Hwa mà kòka nyayi ema tɔ̀ mòtò à rzìi tànɛ ò lì hwa aŋga. Hwa mà uwɛ̀lɛ̀lɛ̀yi ò èkomè nà èkomè, hwa mà uwɛ̀lɛ̀lɛ̀yi ò màtumba nà màtumba, hwa mà hwɛ inyayi ja hwatò jà arzɛ rzìi hwa à ohwa hvɛ ò ihvɛhvɛ mbɔrzi. Hwa mà tɛ̀mɛ̀ ò worzo wò è konda yà lìkànèyà nà ò worzo wò è Ŋguma yà Mɔ̀lɛ̀ŋgù. Hwa mà wɔtɔ̀ meŋgombe mè mbɔ̀mi rzìi hwa tɛtɛ hvɛ ì nyàŋgo ò màa mà awu.