Hwèwulùwèlì 13:4 - Mokpwe: Bakwery (New Testament)

⁴ Hwàto hwà mà hwɛ lì kanɛ̀ eŋge dragɔ̀ni ehwànja e ma ŋgbà èŋge èembe wònjà. Hwà mà hwɛ lì kanɛ̀ hvɛ eŋge èembe, rzìi hwa a ohwa nanù ema, “Njɛnɛ a hwèlì nàa ene èembe e? Njɛnɛ a tànɛyi lì mo teŋgɛ̀nɛ̀ e njuma e?”

Hwèwulùwèlì 13:4 Mawu Ofanana

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

2 Tɛ̀rzàlonìyà 2:4

Mɔ̀ à ò teŋgɛ̀nɛ̀ tɔ̀ ima yoma ema è hwɛ̀lɛ̀hwɛ̀ lìinà nanù ema lohwà, tɔ̀ enìmìnìmì ema hwa kànɛ̀lɛ̀lɛ̀, rzìi à ò akàrzɛ mɔ̀ ŋmìti ò lì hwa aka. À ò kpèeyà, rzìi a o lìya tɔ̀ ò tenì yà è ndawò yà Lohwà, rzìi à ahwɛlɛ mɔ̀ ŋmìti nanù ema à hwèlì ndi Lohwɛ̀.

Hwèwulùwèlì 12:3

Èhvɛhvɛ embànelì ya mànyàkà e ma wurza o ŋmanyu yà lohwà. Aŋga ndi e dragɔ̀ni ya a wurza jègba. È ma olowa rzayi-rzayi ndèŋgànɛ̀lɛ̀ e ma teya. È ma hwɛnɛ lìrzamba la mèyòhvò na lìyome la merzehwa. Tɔ̀ ima mohvo ma mà wɔ̀tɔ̀ ekooto.

Hwèwulùwèlì 12:4

A ma lùùtà lòŋgò lɔ̀kɔ la moŋgo màyàwo la irzombe ema i ma kɛ̀ɛ̀mɛ o ŋmanyu ya lìwòhwɛ la ŋmanyu na moondo mo eni, a ji undirzɛ o rze ya mɔ̀nyɛ̀. Èŋge dragɔ̀ni e ma tɛ̀mɛ̀ o worzo wo ama oŋgo molàna ema à mà arza lì ŋyàa, àŋga nanù a ŋyàa tɛ a mo laana e ŋmanà wa eni.

Hwèwulùwèlì 13:11

Nà mà ɛnɛ èhvɛhvɛ èembe, ema è mà wurza ò rze yà mɔ̀nyɛ̀. È mà ohva mèrzehwa mèhwàkɛ̀ nàa ŋmɛ̀ŋgɛ mò è Ŋguma yà Mɔ̀lɛ̀ŋgù, ndi è mà ohwa ndi nàa è dragɔ̀ni.

Hwèwulùwèlì 13:15

Èèmbe ema è ùkirzɛ̀ hwehwàkɛ è mà ŋgbààhwà wònjà ò lì rzìyoweya mùùlù mò lòŋgɛ ò eŋge èrzìrzà yà eŋge èembe yà worzo. È mà gbeyà ndi nanù, aŋga nanù eŋge èrzìrzà è ohwa ndèŋgànɛ̀lɛ̀ è ò oŋwa hwatò hwa arzɛ ema hwa rza èmèlɛ̀ lì è kanɛ̀.

Hwèwulùwèlì 13:2

Èŋge èembe ema nà mà ɛnɛ̀ e ma àyɛkɛ̀nɛ ndi ikɔ̀ ja njɔ̀ɔ, ndi màtaŋgà mà eni ma mà àyɛkɛ̀nɛ matàŋgà mà mòòŋgì, ndèŋgànɛlɛ e wàna ya eni hvɛ e ma àyɛkɛ̀nɛ e wàna ya njila. È dragɔ̀ni e ma ŋgbàà eŋge èembe e konda na e wònja ya eni ya lìkànèyà.

Hwèwulùwèlì 17:14

Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 18:18

na oma hwà mà ɛnɛ Yùutùtù ema e wurza na oma à mà hwɛ lì rzeeya. Hwà mà tɛ nanù ema, “O rzì hwɛ a hwɛ ehvɛhvɛ mbowà ndɛɛndɛ nàa ene mbowà ndɛɛndɛ!”

Hwèwulùwèlì 9:20

Hwanɛyi hwatò hwà hwènàmà hwa arzɛ ema ini kàndɛ i rzi oŋwɛ, hwa rzi hwɛmɛ o lì kànɛ mòohwà ema wɔ̀ hwiti hwà mà wèkè. Hwa rzi hwɛmɛ o lì gbèeyà hwèlìŋgɛ̀ hwe wòhwe, hwa rzi hwɛmɛ o lì gbèeyà mahvɛhvɛ mohwà, mohwà ema hwà mà wondɛ na gòòlù, na rzìlìhwà, na brɔ̀nrzi tɔ̀ màŋyàyi, tɔ̀ hwèhwàmbo, mohwà ema mà rza tanɛ lì ɛnɛ, ma rza tanɛ lì hweyà na e mɔ̀ ema mà rza tanɛ lì ɛndɛ.