Hwèwulùwèlì 13:3 - Mokpwe: Bakwery (New Testament)

³ Mòòhvò mɔ̀kɔ mo èŋge èembe mo ma ɛneya ndi o a ɛnɛ oma mo ma hwènìrzɛ̀hwɛ̀ ŋginyà, ndi èhwènà ndɛnɛ e ma hwɛ e ma wɔ̀wɔ̀. Hwàto hwa e rze ya mɔ̀nyɛ̀ ya arzɛ hwà mà tàmà rzìi hwa wòteya lì oŋgama èŋge èembe.

Hwèwulùwèlì 13:3 Mawu Ofanana

Lukàrzɛ̀ 2:1

O hwèŋge hwèyu, ema Àgurzitùrzì, Kayirzà yà Ròmànì à mà akɛlɛ e njàmbɛ̀, à ma hwatò hwa arzɛ ema hwa hwèlì ò rze yà lìkànèyà la eni, hwa ɛ̀ndɛ hwa tìle mìinà me awu.

Yòwanìrzɛ̀ 12:19

Ihvàlìrzàyì rzìi i àwòhwànɛ̀lɛ̀ mɔ̀kɔ nà ɔ̀nɛyi nanù ema, “È ɔ̀ŋgɔ tɔ̀ nàŋgɛ nanù ì rza tànɛyi lì gbeyà tɔ̀ eyà. È rze ya arzɛ e hwèlì e mò òŋgama.”

Hwègbèèlì 8:13

Rzimɔ̀ni mɔ̀ ŋmìti, mɔ̀ hvɛ à mà lòkɛ̀ rzìi a lùhwìrzɛ̀hwɛ̀. A ma òŋgama Hvìlìpì ò ekì ya arzɛ ema à mà ɛndɛ, ndèŋgànɛ̀lɛ̀ à mà jejeya hweyà hwe mànyakà hwe ndɛnɛ na hwembànèlì ema à mà ɛnɛ Hvìlìpì a gbeyà.

Hwèwulùwèlì 13:12

È mà gbeyàna è wònja yà arzɛ yà è èembe yà worzò, ndèŋgànɛ̀lɛ̀ à mà gbeyà ndi nanù ò worzo wò eni. È mà aka nanù ema è rze yà mɔ̀nyɛ̀ yà arzɛ nà hwatò hwa arzɛ ema hwa hwèlì ò rze yà mɔ̀nyɛ̀, hwa kanɛ̀ eŋge èembe yà worzò. Èŋge èembe yà worzo è mà hwɛ ndi èembe ema è mà ohva èhwènà ndɛnɛ ndi eŋge èhwènà è mà wɔ̀hweyà.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 17:10

Ò ìtììtènì jà iŋgi kiŋgɛ lìrzàmba, ita ì ma mà lì ŋwa, mɔ̀kɔ à è hwèlì ò lìkànèyà ndi mɔ̀kɔ à rzi jelì ò lìkànèyà. Ndi mɔ̀ à jelì tɛ, à àŋgàmɛ̀nɛ̀ ndi lìkànèyà ò ŋmanà hvòkà hvonda mɛnɛ.

Hwèwulùwèlì 17:11

È nyàmà yà wòhwe ema è mà hwɛ rzìi è rza enje naŋgɛ, yɔ̀ ndi è ùkirzɛ̀ è kìŋgɛ wàmbi. À hwèlì ndi mɔ̀kɔ hwa ikìŋgɛ lìrzàmba ndèŋgànɛlɛ a ɛndɛ o èki ema à hwɛni lì ŋwèeyà.

Hwèwulùwèlì 17:13

Lini lìyomɛ̀ là kiŋgɛ jo ohvi ndi jànda jɔ̀kɔ, o eŋgànɛlɛ rzɔ, hwa mà ŋgbàà eŋge nyàmà yà wòhwe màyìmbi nà màkànèyà mà awu.

Hwèwulùwèlì 17:17

Hwa ò gbeyà ndi nanù ehwànja, Lohwɛ̀ à mà ika nà oma mɔ̀ àrzeyà nanù ema hwa gbèèyè ò mèèmà mè awu. Lohwɛ̀ à mà rzèkeyà nanù ema hwèŋge hwèembe hwe ohve ndi janda jɔ̀kɔ, ò lì mò gbèeyà nàa mòtò mɔ̀kɔ. Wɔ̀ hwa ò ŋgba eŋge nyàmà yà wòhwe màyìmbì mà awu mà lìkànèyà natɛ̀ɛ nà ò è hvonda ema hweyà ema Lohwɛ̀ à mà ohwe hwe ò ondìrzɛ̀hwɛ̀.

Hwèwulùwèlì 17:6

Nà ma ɛnɛ nanù ema oŋgo molanà à mà woma na màyija ma hwatò hwa wòtani hwa ama Lohwɛ̀, màyija ma hwaŋga hwatò ema hwà mà oŋwahwa ehwànja hwa oŋgàma Yerzù. Nà ma tàmà rzayi-rzayi e hvonda ema nà mà mo ɛnɛ.

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.