Hwèwulùwèlì 13:15 - Mokpwe: Bakwery (New Testament)

¹⁵ Èèmbe ema è ùkirzɛ̀ hwehwàkɛ è mà ŋgbààhwà wònjà ò lì rzìyoweya mùùlù mò lòŋgɛ ò eŋge èrzìrzà yà eŋge èembe yà worzo. È mà gbeyà ndi nanù, aŋga nanù eŋge èrzìrzà è ohwa ndèŋgànɛ̀lɛ̀ è ò oŋwa hwatò hwa arzɛ ema hwa rza èmèlɛ̀ lì è kanɛ̀.

Hwèwulùwèlì 13:15 Mawu Ofanana

Jèmìrzì 2:26

O eŋgànɛ̀lɛ̀ rzɔ, na oma e nyo ema e rza ohvɛ èlìŋgɛ̀ e ŋwaa, nanù mɛnɛ ndi lìlòkɛ̀ ema lì rza ohvɛ hwèwòlò lì ŋwaa.

Hwèwulùwèlì 13:1

Rzìi na ɛnɛ èembe e wurza o tenì ya ŋmàànja. Èŋge èembe e ma hwɛnɛ lìrzàmba la mèyòhvò na lìyomɛ̀ la mèrzehwa, na lìyomɛ la hwèkòòtò o merzehwà mà eni. Tɔ̀ ima mòohvo mo mà ohva lìnà ema lì hwɛnyɛ Lohwɛ̀.

Hwèwulùwèlì 13:12

È mà gbeyàna è wònja yà arzɛ yà è èembe yà worzò, ndèŋgànɛ̀lɛ̀ à mà gbeyà ndi nanù ò worzo wò eni. È mà aka nanù ema è rze yà mɔ̀nyɛ̀ yà arzɛ nà hwatò hwa arzɛ ema hwa hwèlì ò rze yà mɔ̀nyɛ̀, hwa kanɛ̀ eŋge èembe yà worzò. Èŋge èembe yà worzo è mà hwɛ ndi èembe ema è mà ohva èhwènà ndɛnɛ ndi eŋge èhwènà è mà wɔ̀hweyà.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 14:11

Yùùtùtù ema è ò wurza ò mùnya ema mò hwa rzɛ̀lɛ̀, è ò agba ò ŋmanyu natɛ̀ɛ nà ò gbìndèyà. Ò rza ò hwɛ tɔ̀ lìwɔ̀wìrzɛ̀ là nyo ŋmèrze nà wuu ò hwaŋga hwatò ema hwa kanɛ̀ eŋge èembe nà èrzìrzà yà eni. Ndeŋgànɛ̀lɛ̀ nanù ndi è àŋgàmɛ̀nɛ̀yi lì hwɛ nà tɔ̀ ima mòtò ema à ohvi eŋge embànelì ya lìinà la eŋge èembè.”

Hwèwulùwèlì 14:9

È aŋgèlì ema è mà ùkirzɛ̀ iyàwò yɔhvɛ rzi yo oŋgama iŋgi jà ahwakɛ jà worzò, è ohwa nà lìlo lì kàrzàmi nanù ema, “È hwèlì tɛ nanù ema mòtò à kanɛ̀ èembe ema è uwɛlɛlɛ ò ŋmànja, nà èrzìrzà yà eni, rzìi à lùwa embànelì yà eŋge èembe ò mbɔ̀mbɔ̀ yà eni tɔ̀ ò lìya là eni,

Hwèwulùwèlì 16:2

È aŋgèlì ya worzò e ma ɛ̀ndɛ rzìi e koma hwetato hwe ndɛnɛ hwe ama Lohwɛ̀ ema hwe ma hwɛ o tenì ya ewoki ya eni o e rze ya mɔ̀nyɛ̀. Hwèhwàŋgù ema hwe ma ɛneya ŋgandi ŋgandi ema hwe ma hwɛnɛ hvɛ mòrziyò rzayi-rzayi hwe ma wurza hwatò o nyo. Hwàŋga hwatò hwà mà hwɛ ndi hwatò ema hwà mà ohva embànèlì ya eŋge èembè o inyo ja awu na hwàmbaki hwa hwatò ema hwà mà ŋgba eŋge èrzìrzà èluhwe.

Hwèwulùwèlì 16:5

Nà mà hweyà e aŋgèlì ema e ma hwɛ o lì kànèyà malìhwa e ohwa nanù ema, “O wa o tɛmi ehve-ehve o hwene hwèkàyìrzèlì ema o gbèyi. O wa ema o hwèlì, ndeŋgànɛlɛ ema o ma hwɛ. O wa ema o hwèlì wòtani.

Hwèwulùwèlì 17:14

Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 17:17

Hwa ò gbeyà ndi nanù ehwànja, Lohwɛ̀ à mà ika nà oma mɔ̀ àrzeyà nanù ema hwa gbèèyè ò mèèmà mè awu. Lohwɛ̀ à mà rzèkeyà nanù ema hwèŋge hwèembe hwe ohve ndi janda jɔ̀kɔ, ò lì mò gbèeyà nàa mòtò mɔ̀kɔ. Wɔ̀ hwa ò ŋgba eŋge nyàmà yà wòhwe màyìmbì mà awu mà lìkànèyà natɛ̀ɛ nà ò è hvonda ema hweyà ema Lohwɛ̀ à mà ohwe hwe ò ondìrzɛ̀hwɛ̀.

Hwèwulùwèlì 17:6

Nà ma ɛnɛ nanù ema oŋgo molanà à mà woma na màyija ma hwatò hwa wòtani hwa ama Lohwɛ̀, màyija ma hwaŋga hwatò ema hwà mà oŋwahwa ehwànja hwa oŋgàma Yerzù. Nà ma tàmà rzayi-rzayi e hvonda ema nà mà mo ɛnɛ.

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 18:24

Lohwɛ̀ à mà kɔ̀kìrzɛ̀ Babìlɔ̀nì ehwànja, hwatò hwa Babìlɔ̀nì hwà mà oŋwa hwà-òhwèlì hwa hwèlìŋgɛ̀, hwatò hwa wòtani hwa ama Lohwɛ̀ na hwahvɛhvɛ hwatò ema hwà mà ŋwɛ o e rze ya mɔ̀nyɛ̀.

Hwèwulùwèlì 19:20

Rzìi hwa lɛmbɛ eŋge nyàmà yà wòhwe nà hwà-òhwèlì hwa hwèlìŋgɛ̀ hwa mòlàŋgà. Oŋgo mòòhwèlì wà èlìŋgɛ̀ wà mòlàŋga à mà hwɛ ò worzo wò eni, à mà hwɛ lì uŋmɛ̀lɛ̀ embànelì ò lì lùkɛ̀lɛ̀lɛ̀ hwatò ema hwa mà luwɛ eembànelì yà eŋge nyàmà yà wòhwe ndèŋgànɛ̀lɛ̀ hwa mà hwɛ lì kanɛ̀ eŋge elìŋgɛ̀. È hvonda ema hwà mà hwɛ lòŋgɛ hwà mà hwa hvimba wɔ̀ hwahwàkɛ o tenì ya ehvɔ̀ndi ya mùnya, ndèŋgànɛ̀lɛ̀ hwà mà rzeeya na mùùnya ema mo ma hwɛ lì tumbana rzayi-rzayi.

Hwèwulùwèlì 20:4

Rzìi na ɛnɛ ikonda ja màkànèyà ema hwatò ema hwà mà ji lìya wɔ̀ ndi Lohwɛ̀ à mà ŋgbe e wònja o lì kànèyà hwatò. Rzìi na ɛnɛ e mòtò wa tenì wa hwatò ema hwà mà ŋwɛɛ. Hwà mà hwa oŋwa ehwànja hwà mà hwɛ lì ohwa e jɔ̀kɛ̀ ema Yerzù à mà jàne ehwànja hwà mà hwɛ lì ohwa ŋmɛ̀ndì ema mo uwɛ̀lɛ̀lɛ̀yi o ma Lohwɛ̀. Wɔ̀ hwà mà hwa oŋwa ehwànja wɔ̀ hwa rzi kanɛ̀ eŋge nyàmà yà wòhwe tɔ̀ èlìŋgɛ̀ ya eni ehwànja wɔ̀ hwa rzì emeyà lì luwa èèmbanelì ya eni o imbɔ̀mbɔ tɔ̀ o màà mà awu. Wɔ̀ hwà mà tìmba o lòŋgɛ rzìi hwa hwɛ na Krirztò o lìkànèyà o tenì ya ikolì ja meya.