Hwèwulùwèlì 13:11 - Mokpwe: Bakwery (New Testament)

¹¹ Nà mà ɛnɛ èhvɛhvɛ èembe, ema è mà wurza ò rze yà mɔ̀nyɛ̀. È mà ohva mèrzehwa mèhwàkɛ̀ nàa ŋmɛ̀ŋgɛ mò è Ŋguma yà Mɔ̀lɛ̀ŋgù, ndi è mà ohwa ndi nàa è dragɔ̀ni.

Hwèwulùwèlì 13:11 Mawu Ofanana

Matiyò 7:15

“È aŋgòhweya hwà-òhwèlì hwa hwèlìŋgɛ̀ hwa mòlàŋgà. Wɔ̀ hwa ɛnɛ ndi ŋmɛɛ nàa mɛ̀lɛ̀ŋgù, ndi ò tenì yà mèèmà mè awu hwa hwèlì wòhwe nàa njuwɛ.

Ròmànì 16:18

È rzi keka lì hwa òŋgama èhwanja hwa rza gbèeyà ndi e Rzàŋgò ya arzu Krirztò, ndi hwa gbèeyà ndi nanù ò lì òndìrzɛ̀ e nyɔ̀ŋgi ya awu. Hwa gbeyàna e mbɔrzi ya awu ya gbamù na jòòhwì ja gbamù ò lì lukɛlɛ hwatò ema hwa rza rzɔ̀ŋgɔ lì rzɔ̀ŋgìtɛ̀nɛ̀.

2 Tɛ̀rzàlonìyà 2:4

Mɔ̀ à ò teŋgɛ̀nɛ̀ tɔ̀ ima yoma ema è hwɛ̀lɛ̀hwɛ̀ lìinà nanù ema lohwà, tɔ̀ enìmìnìmì ema hwa kànɛ̀lɛ̀lɛ̀, rzìi à ò akàrzɛ mɔ̀ ŋmìti ò lì hwa aka. À ò kpèeyà, rzìi a o lìya tɔ̀ ò tenì yà è ndawò yà Lohwà, rzìi à ahwɛlɛ mɔ̀ ŋmìti nanù ema à hwèlì ndi Lohwɛ̀.

Hwèwulùwèlì 11:7

È hvonda ema wɔ̀ hwa ò kulɛ ò lì ohwa hweyà ema hwa mà ohwahwɛlɛ ò lì ohwa, eŋge èembe ema è ò uwɛ̀lɛ̀lɛ̀yi ò tenì yà ehvɔ̀ndi ema è rza ohvɛ lìrzùkù è ò hwa urzùweyà. Èŋge èembè è ò hwa aka màyìmbì ndeŋgànɛlɛ è hwa oŋwa.

Hwèwulùwèlì 12:17

Rzìi eŋge dragɔ̀ni e tàtànà oŋgo molàna, rzìi e ɛndɛ o lì anana enɛyi nyɔ̀ŋgɔ̀ni ya ama oŋgo molàna, na hwatò hwa arzɛ ema hwa gbeyà na oma Lohwɛ̀ a àrzeyà, ndèŋgànɛ̀lɛ̀ hwaŋga ema hwa tɛmeya Yerzù e mboŋgi.

Hwèwulùwèlì 13:1

Rzìi na ɛnɛ èembe e wurza o tenì ya ŋmàànja. Èŋge èembe e ma hwɛnɛ lìrzàmba la mèyòhvò na lìyomɛ̀ la mèrzehwa, na lìyomɛ la hwèkòòtò o merzehwà mà eni. Tɔ̀ ima mòohvo mo mà ohva lìnà ema lì hwɛnyɛ Lohwɛ̀.

Hwèwulùwèlì 13:17

Tɔ̀ ima mòtò ema a rzi hwɛnɛ ene èmɛ̀nɛ̀nì à rzi tànɛyi lì anda tɔ̀ lì àhwìrzɛ̀ è nyòŋga. Ène èmɛ̀nɛ̀nì è hwèlì ndi lìinà là èŋge èembe, tɔ̀ mɔ̀rzɔ̀ŋgi mò lìinà là eni.

Hwèwulùwèlì 13:4

Hwàto hwà mà hwɛ lì kanɛ̀ eŋge dragɔ̀ni ehwànja e ma ŋgbà èŋge èembe wònjà. Hwà mà hwɛ lì kanɛ̀ hvɛ eŋge èembe, rzìi hwa a ohwa nanù ema, “Njɛnɛ a hwèlì nàa ene èembe e? Njɛnɛ a tànɛyi lì mo teŋgɛ̀nɛ̀ e njuma e?”

Hwèwulùwèlì 16:13

Rzìi na ɛnɛ hwèlìŋgɛ̀ hweyàwò hwe wòhwe, ema hwe ma akɛnɛ hwètɔ̀lɔ̀lɔ̀ hwe ma hwɛ lì wurza. Hweŋge hwèlìŋgɛ̀, yɔ̀kɔ e ma wurza o e wàna ya e dragɔ̀ni, yɔ̀kɔ e ma wurza o e wàna ya eŋge èembè ema e ma uwɛlɛlɛ o ŋmànja, ndèŋgànɛ̀lɛ̀ inɛyi jɔ̀hvɛ i ma wurza o e wàna ya e mòòhwèlì wà èlìŋgɛ̀ wa mòlàŋgà.

Hwèwulùwèlì 17:6

Nà ma ɛnɛ nanù ema oŋgo molanà à mà woma na màyija ma hwatò hwa wòtani hwa ama Lohwɛ̀, màyija ma hwaŋga hwatò ema hwà mà oŋwahwa ehwànja hwa oŋgàma Yerzù. Nà ma tàmà rzayi-rzayi e hvonda ema nà mà mo ɛnɛ.

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.