Hwèwulùwèlì 13:10 - Mokpwe: Bakwery (New Testament)

¹⁰ È hwèlì tɛ nanù ema mòtò à hwɛni lì ɛ̀ndɛ̀ ò hwèwòwà inyɛ à ɛ̀ndɛ̀ ò hwèwòwà, è hwèlì tɛ nanù ema mòtò à ò oŋwàhwà ndi nà è rzɔ̀lɔ̀ à ò oŋwàhwà ndi nà è rzɔ̀lɔ̀. Ène eyà è hwèlì ndi nanù ema, hwatò hwa ama Lohwɛ̀ hwa àŋgàmɛ̀nɛ̀yi lì ajùlɛ nà lì alɛ̀mbɛ̀nɛ̀ eyà yà Lohwà.

Hwèwulùwèlì 13:10 Mawu Ofanana

Matiyò 26:52

Yerzù rzìi à mò òhweyà nanù ema, “Timbirzɛ è rzɔ̀lɔ̀ yà aŋgɔ̀ ò ekpa yà rzɔ̀lɔ̀, tɔ̀ ima mɔ̀ ema à ana nà rzɔ̀lɔ̀, rzɔ̀lɔ̀ ndi hwa mà òŋwàna.

Matiyò 7:2

Nà òma è kàyìrzɛ̀ mòtò, nanù mɛnɛ hvɛ ndi Lohwɛ̀ à è kàyìrzɛ̀. Ndèŋgana, lìmɛni ema è gbeyànà ò lì kàyìrzɛ̀ hwahvɛhvɛ hwatò, lɔ̀hvɛ mɛnɛ ndi Lohwɛ̀ à gbeyànà lì è kàyìrzɛ̀.

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Kòlòrzìyà 1:11

Ì kanɛ̀ hvɛ nanù mɛnɛ ema Lohwɛ̀ à è embɛ nà è ŋginyà yà eni ndɛnɛ, aŋga nanù è tànɛ ò lì ajùlɛ̀, è kakè mèèmà mè anyu, ò lì okànà hweyà hwe arzɛ mɔ̀nyɛ̀ŋgì.

Hibrù 6:12

Irzɔ i rza arza nanù ema inyɔ e hwɛ rzìŋgà, ndi inyɔ e hwɛ nàa hwaŋga ema hwa lòkɛ̀yi rzìi hwa ohvi la àjùlɛ̀, ndi e hwɛ nàa hwaŋga ema hwa wowa yòma ema Lohwɛ̀ à mà kàkɛ̀nɛ.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 11:18

Hwàto ema hwa rza ò gbèeyà hwa mà tatà ehwànja hwètàtò hwe aŋgɔ hwe màyìmbì hwe mà jà. È hvonda è mà uka ò lì kàyìrzɛ hwatò ema hwa ŋwelì. È hvonda è mà uka ema hwàgbèèlì hwa aŋgɔ, hwà-òhwèlì hwa hwèlìŋgɛ̀, nà hwatò hwa aŋgɔ hwa ò gbèeyà ema hwa ò ŋgba èluhwe, hwatò hwa arzɛ, tɔ̀ hwatò ema hwa hwèlì wòlìto tɔ̀ hwa rza hwɛnɛ wòlìtò, ò hwa rzàweyà. Ò eŋge hvonda ndi o ò hvaŋga hwatò ema hwa hvàŋga hwatò ò è rze yà mɔ̀nyɛ̀!”

Hwèwulùwèlì 14:12

Ène eyà è hwèlì ndi nanù ema, hwatò hwa wòtani hwa ama Lohwɛ̀ hwa àŋgàmɛ̀nɛ̀ lì ajùlɛ̀ ò tenì yà mètàkà, ò lì ika imbenda jà ama Lohwɛ̀ nà ò lì kombɛ̀ lìlòkɛ̀ là awu nà Yerzù.

Hwèwulùwèlì 16:6

È mbako ya aŋgɔ e hvomɛ̀nɛ̀ ehwànja, wɔ̀ hwa mà koma màyija ma ama hwatò na hwà-òhwèlì hwa hwèlìŋgɛ̀ hwa aŋgɔ. O eŋgànɛlɛ o ma hwa ŋgba màyija o lì nyɔ. È kɔ̀kìrzɛ̀ ene ema wɔ̀ hwa àŋgàmɛ̀nɛ̀yi lì luwa.”

Hwèwulùwèlì 17:11

È nyàmà yà wòhwe ema è mà hwɛ rzìi è rza enje naŋgɛ, yɔ̀ ndi è ùkirzɛ̀ è kìŋgɛ wàmbi. À hwèlì ndi mɔ̀kɔ hwa ikìŋgɛ lìrzàmba ndèŋgànɛlɛ a ɛndɛ o èki ema à hwɛni lì ŋwèeyà.

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.

Hwèwulùwèlì 2:19

Nà hwi èwòlò ema è gbeyà. Nà hwi è ndìŋgɛ ema è nò hwɛ̀nèlì, ndèŋgànɛ̀lɛ̀ nà hwi hvɛ lìlòkɛ̀ ema è nò hwɛ̀nèlì. Nà hwi nà oma è nò gbèeyà, ndèŋgànɛ̀lɛ̀ nà oma è kàki mèèmà nà lì ajùlɛ. Ndeŋgànɛ̀lɛ̀ nà hwi nanù ema, èwòlò ema è hwèlì è gbeyà nàŋgɛ, è akayi è yɔ̀ ema è mà lòme lì gbeyà.

Hwèwulùwèlì 2:2

Nà hwi hweyà hwe arzɛ ema è gbeyà. Nà hwi hwèwòlò hwe anyu hwe ŋginyà ema è gbeyà ndèŋgànɛlɛ nà hwi nanù ema è kaki mèèmà o lì àjùlɛ̀. Nà hwi nanù ema o rza tanɛyi lì emeyà hwatò hwa wòhwe. Nà hwi na oma e gbeyà rzìi e emba hwatò ema hwa ahwàŋgɛ̀lɛ̀ nanù ema hwa hwèlì ndi i àpɔ̀rzìtòlò ema hwa rza enje àpɔ̀rzìtòlò, rzìi inyɔ e àyèmbɛ nanù ema hwa hwèlì ndi hwà-òhwèlì hwa hwèlìŋgɛ̀ hwa mòlaŋgà.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.

Hwèwulùwèlì 3:3

Ò eŋgànɛlɛ rzɔ, è ɔ̀ŋgɛ̀lɛ̀ hweyà ema inyɔ è mà okowe nà è hwèyɔ̀ ema è mà hwèye, è hwe ika ndèŋgànɛ̀lɛ̀ è ayèŋgowɛ̀ ò wòhwe wò anyu. Ndi inyɔ è rzi imowì tɛ, imba nà ò jà ndi nàa ŋmìhwɛ, ndeŋgànɛlɛ è rza ò hwiya è hvonda ema nà ò jɛ̀ɛ̀.