Hwèwulùwèlì 12:5 - Mokpwe: Bakwery (New Testament)

⁵ Oŋgo molàna à mà ŋyàa ŋmanà wa munyanà, ŋmanà wa munyanà ema mɔ̀ ndi à o kànèyà hwèkòmè hwe arzɛ hwa e rze ya mɔ̀nyɛ̀, na màa ema mà eti. È ŋmanà wa ama oŋgo molàna à mà hvùmahwa, rzìi hwa mo ɛ̀ndɛ̀nɛ̀ o èki ema Lohwɛ̀ a hwèlì ema e konda ya lìkànèyà ya ama Lohwɛ̀ e hwèlì.

Hwèwulùwèlì 12:5 Mawu Ofanana

Matiyò 1:25

Ndi natɛ̀ɛ Màlìyɛ̀ à mà ŋya è ŋmanà, Jòrzɛ̀hvù à rzi mò hwiye nà jòjìyɛ̀ yà eni. Jòrzɛ̀hvù rzìi à kpɛ̀ òŋgò ŋmanà lìinà Yerzù.

Makòrzì 16:19

Ò mburzà hvònda ema Rzàŋgò Yerzù à mà hwa òhweyà hwenè hweyà, rzìi Lohwɛ̀ à mò gbeyà à kòòhwà ò ŋmanyu yà Lohwà. À mà lìyà ò lìya là mòmɛ̀ là ama Lohwɛ̀.

2 Kɔ̀rintìyà 12:2

Nà hwi eyà ema e ma gbeeyɛnɛ mòtò wa Krirztò mɔ̀kɔ lìyomɛ la meya na menì me ma aka. Lohwɛ̀ à mà mo hvùma a mo ɛ̀ndɛ̀nɛ̀ o ŋmanyu yà lohwà lì karzami, na rza hwi ŋga à mà ɛ̀ndɛ ndi o èlìŋgɛ̀ ŋga o nyàmà ya nyo, Lohwɛ̀ mɛnɛ ndi à hwi mamɛ e ma gbèyɛ̀nɛ.

2 Kɔ̀rintìyà 12:4

Krirztò à mà mo hvùma rzi à mà ɛndɛ o Pàlàdìrzì. Àŋga ndi Lohwɛ̀ à mà mo òhweyà hweyà ema mɔ̀ à rzi hwɛmɛ ema e mòtò wa hwènàmà a ohweyà hwahvɛhvɛ hwatò.

Hwèwulùwèlì 11:12

Rzìi hwaŋga hwà-òhwèlì hwa hwèlìŋgɛ̀ hwa hweyà lìlo lì ndɛnɛ ema lì uwɛ̀lɛ̀lɛ̀yi ò ŋmanyu yà lohwà lì hwa ohweyà nanù ema, “È agbe ono ŋmanyu.” Rzìi hwa kpèeyà ò tenì yà lìmbaki hwa ɛndɛ o ŋmanyu yà lohwà rzìi hwàkɔ̀yèlì hwa awu hwa à hwa ɔ̀ŋgɔ nà oma hwa agba.

Hwèwulùwèlì 12:13

Nà oma e dragɔ̀ni e ma ɛnɛ nanù ema, e ma hvimbahwa o rze ya mɔ̀nyɛ̀, e wòteyà lì oŋgama oŋgo mòlana ema à mà ŋyàa oŋgo ŋmanà wa munyanà.

Hwèwulùwèlì 12:2

Oŋgo mòlana à mà lìta lemi, rzìi a kombɛnɛ e hvonda ya lìyàlì. Morziyo na mo tàkà mo lìyàlì ema à mà hweye mo ma mo gbeyà a bama luwa.

Hwèwulùwèlì 19:15

Rzɔ̀lɔ̀ ema e eeya rzayi-rzayi ema à mà gbeyàne o lì anana hwatò hwa hwèkòmè hwe e rze ya mɔ̀nyɛ̀ e ma wurza o tenì ya e wàna ya eni. Mɔ̀ ŋmìti a o hwa kànèyà na màa emà mà eti. Mɔ̀ ŋmìti a o yàaya hwehvùma ema hwa nyuka o lì gbeyà mìimba, o lì uŋmɛ̀lɛ̀ hwètàtò hwe ndɛnɛ hwe ama Lohwɛ̀ lì kàrzàmi.