Hwèwulùwèlì 12:3 - Mokpwe: Bakwery (New Testament)

³ Èhvɛhvɛ embànelì ya mànyàkà e ma wurza o ŋmanyu yà lohwà. Aŋga ndi e dragɔ̀ni ya a wurza jègba. È ma olowa rzayi-rzayi ndèŋgànɛ̀lɛ̀ e ma teya. È ma hwɛnɛ lìrzamba la mèyòhvò na lìyome la merzehwa. Tɔ̀ ima mohvo ma mà wɔ̀tɔ̀ ekooto.

Hwèwulùwèlì 12:3 Mawu Ofanana

Hwèwulùwèlì 12:1

Èmbànelì ndɛnɛ ya mànyàkà e ma wurza o ŋmanyu yà lohwà. Nà ma ɛnɛ mòlana ema a wɔ̀tìrzɛhwɛyi ndi igbe. Ŋmɛ̀ɛlì mɔ̀hvɛ mo ma hwɛ ndi o rze ya màtaŋgà mà eni. O ma hwɛ ekooto ema e ma hwɛnɛ lìyome la rzombe na ihwakɛ o mohvo mo eni.

Hwèwulùwèlì 12:13

Nà oma e dragɔ̀ni e ma ɛnɛ nanù ema, e ma hvimbahwa o rze ya mɔ̀nyɛ̀, e wòteyà lì oŋgama oŋgo mòlana ema à mà ŋyàa oŋgo ŋmanà wa munyanà.

Hwèwulùwèlì 12:17

Rzìi eŋge dragɔ̀ni e tàtànà oŋgo molàna, rzìi e ɛndɛ o lì anana enɛyi nyɔ̀ŋgɔ̀ni ya ama oŋgo molàna, na hwatò hwa arzɛ ema hwa gbeyà na oma Lohwɛ̀ a àrzeyà, ndèŋgànɛ̀lɛ̀ hwaŋga ema hwa tɛmeya Yerzù e mboŋgi.

Hwèwulùwèlì 12:4

A ma lùùtà lòŋgò lɔ̀kɔ la moŋgo màyàwo la irzombe ema i ma kɛ̀ɛ̀mɛ o ŋmanyu ya lìwòhwɛ la ŋmanyu na moondo mo eni, a ji undirzɛ o rze ya mɔ̀nyɛ̀. Èŋge dragɔ̀ni e ma tɛ̀mɛ̀ o worzo wo ama oŋgo molàna ema à mà arza lì ŋyàa, àŋga nanù a ŋyàa tɛ a mo laana e ŋmanà wa eni.

Hwèwulùwèlì 12:7

Rzìi o hwɛ njuma o ŋmanyu yà lohwà. Màyìkɛ̀lì na i aŋgèlì ja eni hwà mà wòteya lì anana eŋge dragɔ̀ni. Èŋge dragɔ̀ni na i aŋgèlì ja eni wɔ̀ hvɛ hwa wòteyà lì hwa anana.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:1

Rzìi na ɛnɛ èembe e wurza o tenì ya ŋmàànja. Èŋge èembe e ma hwɛnɛ lìrzàmba la mèyòhvò na lìyomɛ̀ la mèrzehwa, na lìyomɛ la hwèkòòtò o merzehwà mà eni. Tɔ̀ ima mòohvo mo mà ohva lìnà ema lì hwɛnyɛ Lohwɛ̀.

Hwèwulùwèlì 13:2

Èŋge èembe ema nà mà ɛnɛ̀ e ma àyɛkɛ̀nɛ ndi ikɔ̀ ja njɔ̀ɔ, ndi màtaŋgà mà eni ma mà àyɛkɛ̀nɛ matàŋgà mà mòòŋgì, ndèŋgànɛlɛ e wàna ya eni hvɛ e ma àyɛkɛ̀nɛ e wàna ya njila. È dragɔ̀ni e ma ŋgbàà eŋge èembe e konda na e wònja ya eni ya lìkànèyà.

Hwèwulùwèlì 13:4

Hwàto hwà mà hwɛ lì kanɛ̀ eŋge dragɔ̀ni ehwànja e ma ŋgbà èŋge èembe wònjà. Hwà mà hwɛ lì kanɛ̀ hvɛ eŋge èembe, rzìi hwa a ohwa nanù ema, “Njɛnɛ a hwèlì nàa ene èembe e? Njɛnɛ a tànɛyi lì mo teŋgɛ̀nɛ̀ e njuma e?”

Hwèwulùwèlì 15:1

Nà ma ɛnɛ o ŋmanyu yà lohwà ehvɛhvɛ embànelì ndɛnɛ ndèŋgànɛ̀lɛ̀ nà mà tàmà. Nà ma ɛnɛ aŋgèlì lìrzamba ema i ma ohva lìrzamba la kàndɛ ja lìrzùkù. Ini kàndɛ i ma hwɛ e jà lìrzùkù ehwànja jɔ ndi jo ondìrzɛ̀ hwètàtò hwe ama Lohwɛ̀.

Hwèwulùwèlì 16:13

Rzìi na ɛnɛ hwèlìŋgɛ̀ hweyàwò hwe wòhwe, ema hwe ma akɛnɛ hwètɔ̀lɔ̀lɔ̀ hwe ma hwɛ lì wurza. Hweŋge hwèlìŋgɛ̀, yɔ̀kɔ e ma wurza o e wàna ya e dragɔ̀ni, yɔ̀kɔ e ma wurza o e wàna ya eŋge èembè ema e ma uwɛlɛlɛ o ŋmànja, ndèŋgànɛ̀lɛ̀ inɛyi jɔ̀hvɛ i ma wurza o e wàna ya e mòòhwèlì wà èlìŋgɛ̀ wa mòlàŋgà.

Hwèwulùwèlì 17:12

Lìyomɛ̀ là mèrzehwa mè eŋge nyàmà ema ò ɛ̀neyàyì, mè hwèlì ndi lìyomɛ̀ là ikìŋgɛ ema ì rzi lù lìkànèyà, ndi ema ò awa hvɔ̀kɔ hwa ò lùwa lìkànèyà nàa ikìŋgɛ molàndàko mɔ̀kɔ nà è nyàmà yà wòhwe.

Hwèwulùwèlì 17:16

Lìyome là mèrzehwa ema ò ɛ̀neyàyi nà eŋge nyàmà yà wòhwe hwe ò kɔ̀ɔ̀ oŋgo molanà wà àkpàlà. Hwe ò mò wòwàna hwèèmà hwe arzɛ ema à ohvi, rzìi hwa ò mò gbeyà ò lì hwɛ mòrzombo. Hwa ò làa è nyàma nyo yà eni, ndèŋgànɛ̀lɛ̀ hwa ò mò rzɛ̀lɛ̀ ò mùnya.

Hwèwulùwèlì 17:7

È aŋgèlì è mà nò ijòwa nanù ema, “Mamɛ ndèŋgatɛ ò tàmì e? Nà ò telɛ̀lɛ̀ è wùndɛ̀ yà ama ono molàna nà è wùndɛ̀ yà è nyàmà yà wòhwe ema è mò ɛ̀ndɛ̀nɛ̀, ema è ohvi lìrzàmba là mèyòhvò nà lìyome là mèrzehwa.

Hwèwulùwèlì 19:12

Mìirzɔ ma eni ma hwɛ o tenì nàa mùnya ema mo oŋwa ndèŋgànɛ̀lɛ̀ a wɔ̀ti hwèkòòtò rzayi-rzayi o mòòhvò mo eni. A ohvi lìinà ema lì tìlahwì o nyo ya eni nanù ema tɔ̀ mòtò a rza hwiyɛ lì aka tɛ mɔ̀ ŋmìti.

Hwèwulùwèlì 20:2

Èŋge aŋgèlì è hvùma è dragɔ̀ni, wòŋgo gbahwà wò è hvonda yà kòwàà, ema wò hwèlì è Dɛhvùlì nà Mòkarzɛ̀. È aŋgèlì è mà mò kàka ò tenì yà ikolì jà meya.