Hwèwulùwèlì 12:10 - Mokpwe: Bakwery (New Testament)

¹⁰ Àŋga ndi na a hweyà lìlo lì kàrzàmi o ŋmanyu yà lohwà lì ohwa nanù ema, “O naŋgɛ, lìrzùŋgàhwa la ama Lohwɛ̀ lì ma jà. Lohwɛ̀ à mà ùŋmɛlɛ màyìmbì ma eni o lì kànèyà nàa kìŋgɛ. È Krirztò ya eni e ma àwùŋmɛlɛ màyìmbì ma eni nàŋgɛ. Èhwànja e mɔ̀ ema à mà hwɛ lì ohwa o worzo wo ama Lohwɛ̀ ŋmerze na wuu, nanù ema wònyànyàŋgo hwa arzu hwa gbeyà wòhwe, hwà mà mo hvimba o e rze ya mɔ̀nyɛ̀. A ma hwɛ lì hwa hwɛ̀lɛ ŋmerze na wuu o ŋgundu o worzo wo ama Lohwɛ̀.

Hwèwulùwèlì 12:10 Mawu Ofanana

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Matiyò 6:10

Inyɛ̀ lìkànèyà là aŋgɔ̀ lì jèe, lì jò kànèyà. Inyɛ̀ hwatò hwà ene rze yà mɔ̀nyɛ̀ hwa gbèèyè hweyà ema ò wà ò arza, nà òma è gbèyɛ̀nɛ̀ ò ŋmanyu yà lohwà.

Lukàrzɛ̀ 11:2

Yerzù à mà hwa òhweyà nanù ema, “È àrzà tɛ lì kanɛ̀ e òhwe nanù èma, ‘Ìi Tatɛ̀, inyɛ lìinà la aŋgɔ̀ lì lòkɛ̀hwɛ̀. Inyɛ̀ lìkànèyà la aŋgɔ̀ lì jèe.

Lukàrzɛ̀ 22:31

“Rzìmɔ̀nì e, ìi Rzìmɔ̀nì e, òkànèyà tɛ! Mòkarzɛ̀ à lu wònjà ò lì e kèkirzɛ nà ò lì e kakòwa. À ikà e hwa gbamù nà è hwa wòhwe. Nà òmà mòtò a rzɛ̀ŋgbɛ ì mbàrzi ò lì ulɛ hweyarza.

1 Kɔ̀rintìyà 5:4

È arzàŋganɛ tɛ e ɛ̀nèyà ndi nàa Imba nà hwèlì nà inyɔ, Rzàŋgo wà arzu Yerzù Krirztò à è ŋgbaà ŋginyà ò lì gbeyà tɔ̀ mamɛ ema inyɔ ya arza o lì gbeyà.

2 Kɔ̀rintìyà 12:9

Ndi mamɛ ema à mà no òhweyà e hwèlì ndi nanù ema, “È ndèli ya ami ema no ò ŋgbelì e o loŋgamɛnɛyi. Nà ma o ètìrzɛ̀ aŋga nanù o hwɛ o ŋmanyu ya mètàkà me arzɛ ema o lu. Èhwanja e hvonda ema e ŋginyà e rza enje o mòtò, eŋge hvonda ndi e ŋginyà ya ami e mo ètìrzɛ̀.” O nàŋgɛ nanù na oka mɔ̀nyɛ̀ŋgì o lì kumba lìya la ami o kòkò ò hweyà ema hwe uŋmɛ̀lɛ̀ nanù ema na ohvi ndi nyo ya mòtò wa hwènàmà, aŋga nanù hwatò hwa ɛnɛ nanù ema e ŋginyà ya ama Krirztò e hwèlì o tenì ya ami ndèŋgànɛlɛ yɔ ndi e no ètìrzɛ̀.

Tàyìtùrzì 2:3

Ŋgànà hvɔ̀kɔ hvɛ mɛnɛ, o òkolɛ hwàwululu hwa hwalanà o lì gbeyà hweyà nyayi ema e ŋgbàà Lohwɛ̀ èluhwe o tɔ̀ mamɛ ema wɔ̀ hwa gbeyà. O hwa ohweyà nanù ema hwa rzi keka lì inda tɔ̀ mòtò, hwa rzi aŋgbɛ wɔ hwiti o lì nyɔ mimba emà mà hwa wòmirzɛ̀. Ndi o hwa ohweyà nanù ema hwa okòlɛ̀ hwatò hweyà ema hwe hvomɛ̀nɛ̀.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 2:26

Hwàto ema hwa lìya lì aka hweyà hwe wòhwe, ndèŋgànɛ̀lɛ̀ ema hwa gbeyà hweyà ema imba nà hwa ohweyà ò lì gbeyà, natɛ̀ɛ nà ò lìrzùkù là lòŋgɛ là awu anu rze, nà ò hwa ŋgba è wònja yà lì kànèyà hwèkòmè hwe arzɛ hwe anu rze yà mɔ̀nyɛ̀.

Hwèwulùwèlì 7:10

Èŋge ŋgindi è mà tɛ̀ɛ̀ nà lìlo lì kàrzàmi nanù ema, “Lì oŋgirzɛhwɛ là è mòtò wà hwènàmà lì uwɛ̀lɛ̀lɛ̀yi ndi nà Lòohwà là arzu, Lohwɛ̀ ema à lìyàyi ò kònda yà lìkànèyà, ndèŋgànɛ̀lɛ̀ lì uwɛ̀lɛ̀lɛ̀yi ò mà è Ŋguma yà Mɔ̀lɛ̀ŋgù yà eni.”