Hwèwulùwèlì 12:1 - Mokpwe: Bakwery (New Testament)

¹ Èmbànelì ndɛnɛ ya mànyàkà e ma wurza o ŋmanyu yà lohwà. Nà ma ɛnɛ mòlana ema a wɔ̀tìrzɛhwɛyi ndi igbe. Ŋmɛ̀ɛlì mɔ̀hvɛ mo ma hwɛ ndi o rze ya màtaŋgà mà eni. O ma hwɛ ekooto ema e ma hwɛnɛ lìyome la rzombe na ihwakɛ o mohvo mo eni.

Hwèwulùwèlì 12:1 Mawu Ofanana

Matiyò 12:38

Wùnyà wɔ̀kɔ Hwà-òkòlèlì wà è mbenda nà Ihvàlìrzàyì hwa ma ja rzìi hwa òhweyà Yerzù nanù ema, “Mòòkòlèlì kòkò, i arza ema ò jò uŋmɛ̀lɛ̀ embànèlì ema e uŋmɛ̀lɛ̀ nanù ema e ŋginyà ya aŋgɔ̀ e uwɛ̀lɛ̀lɛ̀yi ndi òma Lohwɛ̀.”

Matiyò 24:30

O eŋge hvònda e ò ɛnɛ èmɛ̀nɛ̀nì ya è Ŋmanà wà è Mòtò wà Hwènàmà e uwɛ̀lɛ̀lɛ̀yi ò lìwòhwɛ̀ la ŋmanyu, rzìi matumbà mà arzɛ ma hwatò ma e rze ya arzɛ ma ò wòteyà lì ahvahvɛ. Hwatò hwa ò ɛnɛ è Ŋmanà wà è Mòtò wà Hwènàmà na òma a jà ò lìmbàkì la e ŋmanyu yà lohwà na ŋginyà na èluhwe ndɛnɛ.

Makòrzì 13:25

ìrzòmbe ja ŋmanyu jò undà ò rze, ìŋginyà ja ŋmanyu ì nyiŋga ò hwèki hwe awu.’

Lukàrzɛ̀ 21:11

O ò hwɛ mònyìŋgìrzɛ̀nɛ̀ mò ndɛnɛ̀ è rze ya mɔ̀nyɛ̀ ya àrzɛ. Njàwò ndɛnɛ̀, nà nyàmbɛ ja wòhwe rzayì-rzayì, èki tɛ. Hweyà ema hwe òkìrzɛ̀nɛ wɔ̀ŋgɔ̀ nà hwèmbànèlì hwe ndɛnɛ̀ ema hwe uhweyà ò ŋmanyu.

Lukàrzɛ̀ 21:25

“O ò hwɛ hwèmɛ̀nɛ̀nì ò ìgbe, ŋmɛ̀ɛlì nà ìrzòmbe. O ò hwɛ lìtàke lì ndɛnɛ̀ nà hwètamirzelì, ò hwèkòmè hwe àrzɛ hwe ène rze. Hwèhvùŋgùwèlì hwe hwèmùnɛ̀ nà hweèhwe hwe ŋmanjà hwe ò hwa òkirzɛ wɔ̀ŋgɔ̀.

Yòwanìrzɛ̀ 3:29

Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

Hwègbèèlì 2:19

Imba na ò uŋmɛ̀lɛ̀ hweyà hwe mànyakà ò ŋmanyu yà lohwà, ndèŋgànɛ̀lɛ̀ na uŋmɛ̀lɛ̀ hwembànèlì ò rze ya mɔ̀nyɛ̀. Màyìjà mò ò rzòweya, mùnya mò òŋwa na yutùtù hvɛ e wurza.

Ròmànì 13:14

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

2 Kɔ̀rintìyà 11:2

Nà e nonelì e ŋgàna ema Lohwɛ̀ a e nonelì. Inyɔ e gbèyi ndi nàa mɔ̀ɔmbɔ̀ mo ŋgɔndɔ. Moŋgo mɔ̀ɔmbɔ̀ mo ŋgɔndɔ, mɔ̀ ndi nà mà ohwe nanù ema mòtò mɔ̀kɔ a o hwaa, ndèŋgànɛlɛ oŋgo mòtò a hwèlì ndi Yerzù Krirztò.

Gàletìyà 3:27

Nà oma è mà lùhwìrzɛ̀hwɛ̀, ò eŋgànɛ̀lɛ̀ è hwèlì ndi mɔ̀kɔ naŋgɛ nà Krirztò, ndeŋgànɛ̀lɛ̀ è hwɛni wònjà nàa mɔ̀.

Gàletìyà 4:26

Ndi è molanà wà wònja à kìtìrzɛ̀nɛ̀ nà è Jèrurzalɛ̀mù yà è ŋmanyu yà Lohwà. Ndèŋgànà oŋgo molanà mɔ̀ ndi à hwèlì è nyàŋgo yà arzu.

Gàletìyà 6:14

Ndi o imba na o ayèkirzɛ̀ ndi, lì ayèkirzɛ̀ la ami lì hwèlì ndi e kpelì ema e Rzàŋgo ya arzu Yerzù Krirztò e ŋwɛlɛlɛ o mbàrza o nyòla arzu. È kpelì ya eni e ma no gbeyà ema hweyà hwe ene rze hwe rza enje tɔ̀ eyà o mirzɔ̀ ma ami. Ndeŋgànɛ̀lɛ̀ na rza ohvi tɔ̀ eyà o lì gbeyàna ene rze.

Ɛ̀hvìrzìyà 5:32

Ène eyà e hwèlì ndi eyà ndɛnɛ ema tɔ̀ mòtò a rza tànɛyi lì rzɔ̀ŋgìtɛ̀nɛ̀. Ndi na lòkɛ̀ nanù ema hwene hweyà hwa hwe ohwa ndi lì hvomɛ̀nɛ̀ Krirztò nà la arzàŋganɛ la hwatò hwa Lohwà.

Hwèwulùwèlì 1:20

È wùndɛ̀ ema e hwèlì lì hvomɛ̀nɛ̀ lìrzàmba la rzombe ema lì hwèlì o lìya la ami la mome na lìrzamba la mboko ja gòòlù ja hwètùlù hwe hwèlì ndi: Lìrzàmbà la rzombe lì hwèlì ndi i aŋgèlì lìrzàmba ja lìrzàmba la mèèmbà, ndeŋgànɛlɛ lìrzàmba la mboko ja gòòlù ja hwètùlù hwe hwèlì ndi lìŋgi lìrzàmba la mèèmbà.”

Hwèwulùwèlì 11:19

Aŋga ndi nà à ɛnɛ è Ndawò yà Lohwà ema è hwèlì ò ŋmanyu yà lohwà yà à lìhvoweya. Ndeŋgànɛ̀lɛ̀ ò tenì yà eŋge Ndawò yà Lohwà, nà mà ɛnɛ Iwòŋgo jà eni jà Yòmbo. Lìŋmɛti lì mà aka, mɔ̀tɔ̀wù mòndɛnɛ mò mà wurza ò ŋmanyu, è ŋgalà yà lohwà è mà kàndeyà, mònyìŋgìrzɛ̀nɛ̀ mò mà hwɛ, ndèŋgànɛ̀lɛ̀ è mbuwà yà màŋyàyi màndɛ̀nɛ̀ è mà yɔ̀ɔ̀.

Hwèwulùwèlì 12:3

Èhvɛhvɛ embànelì ya mànyàkà e ma wurza o ŋmanyu yà lohwà. Aŋga ndi e dragɔ̀ni ya a wurza jègba. È ma olowa rzayi-rzayi ndèŋgànɛ̀lɛ̀ e ma teya. È ma hwɛnɛ lìrzamba la mèyòhvò na lìyome la merzehwa. Tɔ̀ ima mohvo ma mà wɔ̀tɔ̀ ekooto.

Hwèwulùwèlì 15:1

Nà ma ɛnɛ o ŋmanyu yà lohwà ehvɛhvɛ embànelì ndɛnɛ ndèŋgànɛ̀lɛ̀ nà mà tàmà. Nà ma ɛnɛ aŋgèlì lìrzamba ema i ma ohva lìrzamba la kàndɛ ja lìrzùkù. Ini kàndɛ i ma hwɛ e jà lìrzùkù ehwànja jɔ ndi jo ondìrzɛ̀ hwètàtò hwe ama Lohwɛ̀.

Hwèwulùwèlì 21:14

Èŋge ŋgawo ya eŋge mbowà ndɛɛndɛ e ma oŋgahwa ndi o ŋmanyu ya lìyome la mènɔ̀ŋgɔ̀ na mehwakɛ, mìinà mà lìyome la àpɔ̀rzìtòlò na mahwakɛ me ama e Ŋgumà ya Mɔ̀lɛ̀ŋgù me mà tìlahwa o ŋmanyu ya mene mènɔ̀ŋgɔ.

Hwèwulùwèlì 21:23

Ène mbowà ndɛɛndɛ e rza arza igbèyi tɔ̀ ŋmɛ̀ɛlì o lì e hvàyeya ehwànja èluhwe ya ama Lohwɛ̀ yɔ̀ ndi e hwèlì ŋmàye mo eni, ndèŋgànɛ̀lɛ̀ e Ŋgumà ya Mɔ̀lɛ̀ŋgù ndi à gbèyi nàa ètùlu ya eni.