Hwèwulùwèlì 11:6 - Mokpwe: Bakwery (New Testament)

⁶ Hwanu wùnyànà hwa ohvi è wònjà ya lì tɛmirzɛ lìwòhwɛ là ŋmanyu nanù ema lì rza yɔ̀lìrzɛ mbuwà e hvonda ema wɔ̀ hwa ohweyà hwatò hweyà ema Lohwɛ̀ a ohwi nanù ema hwe o gbèyɛ̀nɛ. Hwa hwɛni hvɛ e màyìmbì ma lì gbeyà nanù ema meyorzo me timbe màyija. Hwa hwɛni hvɛ màyìmbì ma lì nyàkohwa e rze na tɔ̀ ima nyayi ya kàndɛ ŋgɛlɛ-ŋgɛlɛ na oma wɔ̀ hwa àrzeyà.

Hwèwulùwèlì 11:6 Mawu Ofanana

Lukàrzɛ̀ 4:25

È hwiye nanù ema, è hvònda ya àma Èlàyijà, ò mà hwɛ mekurze rzayì-rzayì ò Irzàyɛ̀lì. O èŋge hvònda ò rzi yɔ mbuwà meya meyawò nà èhvàrzù. O èŋgànɛ̀lɛ̀ ò mà hwɛ njàwò ndɛnɛ̀ ò èkòmè ya Irzàyɛ̀lì ya àrzɛ.

Hwèwulùwèlì 11:3

Nà ŋgba imboŋgi jà ami jà ahwàkɛ è wònjà o lì ohwa hweyà ema hwe ò gbèyɛ̀nɛ ò tenì yà ikolì jɔ̀kɔ hwègbe hwehwakɛ nà mèni mòtòhwa mè mèènyà. Ndeŋgànɛ̀lɛ̀ hwa ò wɔ̀tɔ̀ mààtù mà màyɛ̀hwɛ̀.”

Hwèwulùwèlì 16:3

È aŋgèlì ema e ma ùkirzɛ̀ ihwakɛ e kòma hwètàtò hwe ndɛnɛ hwe ama Lohwɛ̀ ema hwe ma hwɛ o tenì ya eŋge ewoki ya eni o ŋmànja. Mòŋgo ŋmànja mo ma timba ndi nàa màyija ma ewembe. Ndeŋgànɛlɛ tɔ̀ ima yoma ema e ma hwɛ lòŋgɛ o tenì ya moŋgo ŋmànja e ma ŋwa.

Hwèwulùwèlì 16:4

È aŋgèlì ema e ma ùkirzɛ̀ iyàwò e ma koma hwètàtò hwe ndɛnɛ hwe ama Lohwɛ̀ ema hwe ma hwɛ o tenì ya ewoki ya eni o meyorzo na o hwètùŋgu hwe malìhwa rzi hwe àyèŋgòwɛ̀ màyija.

Hwèwulùwèlì 8:8

È aŋgèlì ema e ma ùkirzɛ̀ ihwakɛ e ma tòŋga e la eni lìyɔ̀mi. Rzìi yoma ema e ma àyɛ̀kɛ̀nɛ̀ hvàko ndɛnɛ ema e ma hwɛ lì rzèèya e ma unda o ŋmànja. Lòŋgo lɔ̀kɔ o tenì ya moŋgo mayàwo la ŋmànja lì ma àyiŋgòwɛ̀ màyija.