Hwèwulùwèlì 11:2 - Mokpwe: Bakwery (New Testament)

² Ndi ò rzi mɛ̀nɛ̀ eŋge ewòka. Ò rzi è mɛ̀nɛ̀ ehwànja è mà ŋgbààhwà hwaŋga hwatò ema hwa rza enje wònyà Yudà. O mènimènìì mè ŋgbɛndɛ nà ihwakɛ, wɔ̀ hwa ò làalà è Mbowà ndɛnɛ yà Wòtani.

Hwèwulùwèlì 11:2 Mawu Ofanana

Matiyò 27:53

Hwà mà hwɛmɛ irzɔ̀ŋgɔ̀ ja awu, ò mburzà hwèhvùmùwèlì hwe ama Yerzù, hwa mà ɛ̀ndɛ ò Jèrurzalɛ̀mù ema rzayì-rzayì ja hwatò hwà mà hwa ɛnɛ.

Matiyò 4:5

Mòkarzɛ̀ rzìi à mò tìmbà à mò ɛ̀ndɛnɛ ò mbòwà ya wòtani yà Jèrurzalɛ̀mù. Rzìi à mò tɛ̀mɛ̀nɛ ò ŋmanyu yà è njòŋgò yà è Ndawò yà Lohwà.

Matiyò 5:13

“È hwèlì wòlitò ò mòŋgɛ mà hwatò hwa ene rze ŋgànà hvɔ̀kɔ nà òmà ikpa hvɛ i hwɛni wòlitò ò mòlèlì. Ndi ikpa i wɔ̀lɛ̀nɛyi tɛ̀ wòtɛ̀wu wò eni, nɛ i tànɛyi lì tɛ̀yirzɛ hvɛ e? Jɔ̀ i rzà hwɛnɛ hvɛ tɔ̀ eyà yà gbamù ò lì gbèya. O èŋgànɛ̀lɛ̀ i hvimbahwa ɔ̀nɛyi rzi hwatò hwa ji laala.

Lukàrzɛ̀ 21:24

Hwàŋga hwatò hwa ŋwa ò njùma. Hwa lɛ̀mbɛ lòŋgò là hwaŋga hwatò nàa hwàkutu, rzìi hwa hwà ɛ̀ndɛ̀nɛ̀ ò hwehvɛhvɛ hwèkòmè. Hwàŋga hwatò ema hwa rza enje wònyà Yudà hwa ò nyɔ̀kɔ̀ Jèrurzalɛ̀mù nà matàŋgà mà awu, natɛ̀ɛ è hvònda ema Lohwɛ̀ à mà ika, è uka ò lìrzùkù.”

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hwèwulùwèlì 11:11

Ndi ò mburza yà mèŋge mèènyà mè ayɛ̀ nà ehvàrzu, mùùlù mò lòŋgɛ ema mò uwɛ̀lɛ̀lɛ̀yi ò mà Lohwɛ̀ mò mà kpèeyà hwaŋga hwà-òhwèlì hwa hwèlìŋgɛ̀ hwahwàkɛ rzìi hwa tɛ̀mɛ̀ ò ŋmanyu. Wɔ̀ɔ̀ŋgɔ wò ndɛnɛ wò mà kpèeyà hwatò ema hwa mà hwa ɛnɛ.

Hwèwulùwèlì 11:3

Nà ŋgba imboŋgi jà ami jà ahwàkɛ è wònjà o lì ohwa hweyà ema hwe ò gbèyɛ̀nɛ ò tenì yà ikolì jɔ̀kɔ hwègbe hwehwakɛ nà mèni mòtòhwa mè mèènyà. Ndeŋgànɛ̀lɛ̀ hwa ò wɔ̀tɔ̀ mààtù mà màyɛ̀hwɛ̀.”

Hwèwulùwèlì 12:6

Oŋgo mòlana à mà hvàwuma a ɛndɛ o mòrzanjɛ̀ o èki ema Lohwɛ̀ à mà mo rzèkeya, èki ema a o woŋgòhwàhwɛ o ikolì jɔ̀kɔ hwègbe hwe hwàkɛ meni mòtohwa me mèenyà.

Hwèwulùwèlì 21:10

Èlìŋgɛ̀ yà wòtani rzìi e no rzihweyà, rzìi eŋge aŋgèlì e no ɛ̀ndɛ̀nɛ̀ o e ŋmanyu yà hvàko ema e kàrzàmi rzayi-rzayi. È mà no ika o ŋmanyu o lì no uŋmɛ̀lɛ̀ Jèrurzalɛ̀mù e mbowà ndɛ̀ɛndɛ̀ ya wòtani ema e rzàŋgi, na oma e uwɛ̀lɛ̀lɛ̀yi o ma Lohwɛ̀ o ŋmanyu yà lohwà.

Hwèwulùwèlì 21:2

Aŋga ndi nà à ɛnɛ e mbowà ndɛɛndɛ ya wòtani, e Jèrurzalɛ̀mù hvènya e uwɛ̀lɛ̀lɛ̀yi o ma Lohwɛ̀ o ŋmanyu yà lohwà. Lohwɛ̀ à mà mo rzekeya ndi nà oma hwalana hwa rzekeya mɔ̀ɔ̀mbì ema mo ɛndɛ o lìhwa.

Hwèwulùwèlì 22:19

È hwèlì tɛ nanù ema mòtò a kako tɛ tɔ̀ eyà ema e ma tìlahwɛ o tenì ya ene kààtì lì hvomɛ̀nɛ̀ hweyà ema hwe o gbèyɛ̀nɛ, Lohwɛ̀ a o kakòhwà lòŋgo la eni la hwehvùma ema hwe gbeyà mòtò o lì hwɛ o lòŋgɛ natɛ̀ɛ na o gbìndèyà. Ndeŋgànɛ̀lɛ̀ Lohwɛ̀ a o kakòhwà ehvolo ya eni o tenì ya e mbowà ndɛɛndɛ ya wòtani. Hwene hweyà ndi hwe tìlahwì o tenì ya ene kààtì.