Hwèwulùwèlì 11:19 - Mokpwe: Bakwery (New Testament)

¹⁹ Aŋga ndi nà à ɛnɛ è Ndawò yà Lohwà ema è hwèlì ò ŋmanyu yà lohwà yà à lìhvoweya. Ndeŋgànɛ̀lɛ̀ ò tenì yà eŋge Ndawò yà Lohwà, nà mà ɛnɛ Iwòŋgo jà eni jà Yòmbo. Lìŋmɛti lì mà aka, mɔ̀tɔ̀wù mòndɛnɛ mò mà wurza ò ŋmanyu, è ŋgalà yà lohwà è mà kàndeyà, mònyìŋgìrzɛ̀nɛ̀ mò mà hwɛ, ndèŋgànɛ̀lɛ̀ è mbuwà yà màŋyàyi màndɛ̀nɛ̀ è mà yɔ̀ɔ̀.

Hwèwulùwèlì 11:19 Mawu Ofanana

Hwèwulùwèlì 11:13

Ò lìŋgi lìrzàkò mɛnɛ ò mà hwɛ monyìŋgìrzɛ̀nɛ̀ mòndɛnɛ rzìi lòŋgò lɔ̀kɔ ò tenì yà lìyòmè là eŋge mbowà ndɛ̀ɛ̀ndɛ̀ è wuhweyà. Mɔ̀rzɔ̀ŋgi mò hwatò ema mò mà ŋwa ò moŋgo mònyìŋgìrzɛ̀nɛ̀ mò mà hwɛ hwèkolì lìrzamba. È wɔ̀ ema hwa mà kàrzowà hwa mà oka wɔ̀ŋgɔ̀ rzìi hwa eka Lohwɛ̀ là màyìmbì ema lì hwèlì ò ŋmanyu yà lohwà.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 12:1

Èmbànelì ndɛnɛ ya mànyàkà e ma wurza o ŋmanyu yà lohwà. Nà ma ɛnɛ mòlana ema a wɔ̀tìrzɛhwɛyi ndi igbe. Ŋmɛ̀ɛlì mɔ̀hvɛ mo ma hwɛ ndi o rze ya màtaŋgà mà eni. O ma hwɛ ekooto ema e ma hwɛnɛ lìyome la rzombe na ihwakɛ o mohvo mo eni.

Hwèwulùwèlì 16:1

Nà ma hweyà hvɛ lìlo lì kàrzàmi lì uwɛ̀lɛ̀lɛ̀yi o e Ndawò ya Lohwà lì ma ohwàna i aŋgèlì lìrzàmba nanù ema, “È ɛ̀ndɛ, e kome hwetàtò hwe ndɛnɛ hwe ama Lohwɛ̀ ema hwe hwèlì o tenì ya hwewoki lìrzamba, o rze ya mɔ̀nyɛ̀.”

Hwèwulùwèlì 16:18

Ò mà hwɛ lìŋmɛti, lìwòhwɛ̀ là ŋmanyu lì mà hwɛnɛ ndùndùmèlì, mɔ̀tɔ̀wù mò è ŋgala lohwà. Ò mà hwɛ mònyìŋgìrzɛ̀nɛ̀ mò ndɛnɛ nyayi ema è rzi gbèyɛ̀nɛ̀ hvɛ lì wòteyà hwewotelì hwe è mòtò wà hwènàmà anu rze yà mɔ̀nyɛ̀. Mono mònyìŋgìrzɛ̀nɛ̀ mò mà nyìŋgìrzɛ̀nɛ̀ è rze nyayi yà màwɔ̀ŋgɔ̀.

Hwèwulùwèlì 16:21

È mbuwà yà màŋyàyi ema è mà ohva eyà yà menimenì nà mèta mè kilo ò lìŋyàyi lɔ̀kɔ ò morzìmbɔ̀ è mà uwɛ̀lɛ̀lɛ̀yi ò ŋmanyu ò lì undeya hwatò. Hwàŋga hwatò hwa mà jema Lohwɛ̀ ehwànja eŋge mbuwà yà màŋyàyi ema è mà lìteya è mà hwɛ wòhwe rzayi.

Hwèwulùwèlì 19:11

Nà ma ɛnɛ e ŋmanyu yà lohwà e lìhvohwèlì. Rzìi na ɔŋgɔ rzìi na ɛnɛ wɔ̀rzi ema e tana, e mòtò ema à mà e lìya o ŋmanyu à mà hwɛ̀lɛ̀hwɛ̀ ndi Èhve-ehve na Jɔ̀kɛ̀. Mɔ̀ a kàyìrzɛ hwatò ŋgànà ema e hvomɛ̀nɛ̀yi ndèŋgànɛ̀lɛ̀ a anana hwàkɔ̀yèlì.

Hwèwulùwèlì 4:1

O mburza hwene hwèyòhwèlì, nà mà luwa ihvɛhvɛ jɛ̀nɛ̀nì rzii na ɛnɛ lìyohva lì lìhvowahwi o lìkànèyà la ama Lohwɛ̀. Ndeŋgàna lìŋgi lìlo ema imba nà mà lome lì hweyà ema lì ma hwɛ lì no ohwirzɛnɛ nàa lìyɔ̀mi, lì ohwa nanù ema, “Jà ono ŋmanyu, na uŋmɛ̀lɛ̀ hwèèmà ema hwe hwɛni lì gbèyɛ̀nɛ o mburza ya ene hvonda.”

Hwèwulùwèlì 4:5

O eŋge konda ya lìkànèyà, lìŋmɛti lì ma hwɛ lì wurza, mɔ̀tɔ̀wù mo ma hwɛ lì wurza, ndèŋgànɛ̀lɛ̀ e ŋgala lohwà yɔ hvɛ e ma hwɛ lì kèhwa. Lìrzàmba la mekàko ema me ma hwɛ lì hvàyèya, lì ma hwɛ o worzo wo eŋge konda ya lìkànèyà. Liŋgi lìrzàmba la mekàko lì hwèlì ndi lìrzàmba la hwèlìŋgɛ̀ hwe ama Lohwɛ̀.

Hwèwulùwèlì 7:15

O eŋgànɛlɛ rzɔ, wɔ hwa hwèlì o worzò wo e konda ya lìkànèyà la ama Lohwɛ̀, ndèŋgànɛ̀lɛ̀ hwa ŋgba Lohwɛ̀ èluhwe wuu na ŋmerze tɛɛ. Mɔ̀ ema a lìyayi o e konda ya lìkànèyà, a hwèlì aŋga o ihvonda ja arzɛ o lì hwa ɔ̀ŋgeyà.

Hwèwulùwèlì 8:5

Èŋge aŋgèlì rzìi e wowa eŋge ewoki ya gòòlù ema itùwà i ma onde o tenì, a e ondìrzɛ̀ na mùùnya ema mo ma uwɛ̀lɛ̀lɛ̀yi o ètàwo ya itùwà, rzìi a e koma o e rze ya mɔ̀nyɛ̀. Ène eyà e ma gbeyà e ŋmanyu yà lohwà e ma hwɛ lì kèhwa, mɔ̀tɔ̀wu mo a wurza, lìŋmɛti lì ma mɔ̀tɛ̀lɛ̀ mònyìŋgìrzɛ̀nɛ̀ hvɛ mo hwɛ.

Hwèwulùwèlì 8:7

È aŋgèlì yà wòrzo e ma toŋga lìyɔ̀mi la eni. Aŋga ndi e mbuwà ya màŋyàyi na mùùnya emà ma mà hviyànɛlɛhwɛ na màyija mà ma wòteyà o lì komeya o rze yà mɔ̀nyɛ̀. Lòŋgo lɔ̀kɔ o tenì ya moŋgo mayàwò ma e rze ya mɔ̀nyɛ̀ lì ma rzeeya la arzɛ. Lòŋgo lɔ̀kɔ o tenì ya moŋgo mayàwo ma mayi na hweyàlì hwe arzɛ hwe ma rzèèya.