Hwèwulùwèlì 11:10 - Mokpwe: Bakwery (New Testament)

¹⁰ Hwatò ema hwa hwèlì ò rze yà mɔ̀nyɛ̀ hwa ò lìŋgeyà è kpelì yà hwanu hwatò hwààhwàkɛ. Hwa ò wòŋgìrzɛ̀nɛ̀ ndèma, ndèŋgànɛ̀lɛ̀ hwa ò aŋgbàànɛ màhwèyà mɔ̀kɔ nà ɔnɛyi ò lì uŋmɛ̀lɛ̀ màlìŋgo. Hwa ò gbèeyà nanù ehwànja, hwanu hwà-òhwèlì hwa hwèlìŋgɛ̀ hwahwàkɛ hwa mà tàkirzɛ̀ hwatò è hvonda ema hwa mà hwɛ ò è rze yà mɔ̀nyɛ̀.

Hwèwulùwèlì 11:10 Mawu Ofanana

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Yòwanìrzɛ̀ 16:20

Nà e òhweyà ndi e jɔ̀kɛ̀, e ò èya na lì ɛhwɛ ndi e rze e hwɛ ò mɔ̀nyɛ̀ŋgì. È ò hwɛ ndi rzɔ̀lùu, ndi e rzɔ̀lùu e anyu e ò tìmba ndi mɔ̀nyɛ̀ŋgì.

Yòwanìrzɛ̀ 7:7

È rze e rza tànɛyi lì e kɔ̀u ndi è nò kɔwu imba èhwanja nà è rzàmbà nanù ema è gbeyà wòhwe.

Hwègbèèlì 5:33

Nà òma hwatò hwa wòŋgò wòlìya hwa mà hweye nanù hwà mà tata natɛ̀ɛ hwà mà arza nanù ema hwa òŋwe iŋgi àpɔ̀rzìtòlò.

1 Kɔ̀rintìyà 13:6

È mòtò ema a uŋmɛ̀lɛ̀ hwatò e ndìŋgɛ, e rza oka mɔ̀nyɛ̀ŋgì o hweyà hwe wòhwe ndi à okana hweyà hwe jɔ̀kɛ̀ mɔ̀nyɛ̀ŋgì.

Hwèwulùwèlì 12:13

Nà oma e dragɔ̀ni e ma ɛnɛ nanù ema, e ma hvimbahwa o rze ya mɔ̀nyɛ̀, e wòteyà lì oŋgama oŋgo mòlana ema à mà ŋyàa oŋgo ŋmanà wa munyanà.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.

Hwèwulùwèlì 16:10

È aŋgèlì ema e ma ùkirzɛ̀ ita, e ma koma hwètàtò hwe ndɛnɛ hwe ama Lohwɛ̀ ema e ma hwɛ o tenì ya ewoki ya eni o ŋmanyu ya e konda ya lìkànèyà ya eŋge èembè ema e ma uwɛlɛlɛ o ŋmànja. Jììtìtì rzìi i lìŋga lìkànèyà la eni. Hwàto ema hwà mà hwɛ lì oŋgama eŋge èembè hwà mà wòteyà lì kɔ̀kɔ̀ mehvehve me awu ehwànja o mòrziyò ema hwà mà hweye.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.