Hwèwulùwèlì 10:6 - Mokpwe: Bakwery (New Testament)

⁶ rzìi aàtɛ o lìna la ama Lohwɛ̀ ema a hwèlì lòŋgɛ natɛ̀ɛ na o gbìndèyà. Mɔ̀ ndi à hwèlì e mɔ̀ ema a weki e ŋmanyu yà lohwà, e rze ya mɔ̀nyɛ̀, ŋmàànja na hwèèmà hwe arzɛ ema hwe hwèlì o tenì. Ène aŋgèlì e ma ohwa nanù ema, “O rza hwɛ hvɛ tɔ̀ lì hvaŋga la hvonda hvɛ.

Hwèwulùwèlì 10:6 Mawu Ofanana

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 12:12

O èŋgànɛ̀lɛ̀ rzɔ, e ŋmanyu yà lohwà na hwaŋga hwatò hwa arzɛ ema hwa hwèlì aŋga hwa àŋgàmɛ̀nɛ̀yi lì oka mɔ̀nyɛ̀ŋgì. Ndi èwòmɛ̀ na hwatò ema hwa hwèlì o e rze ya mɔ̀nyɛ̀, na o ŋmànja, ehwànja e Dɛhvùlì à mà e rzihweyà na hwetato hwe ndɛnɛ, ehwànja a hwi nanù ema e hvonda ya eni e ma utuhwa.”

Hwèwulùwèlì 16:17

È aŋgèlì ema è mà ùkirzɛ̀ lìrzàmba è mà koma hwètàtò hwe ndɛnɛ hwe ama Lohwɛ̀ ema è mà hwɛ ò tenì yà ewoki yà eni ò yùlulì. Lìlo lì ndɛnɛ lì mà uwɛlɛlɛ ò è konda yà lìkànèyà ò tenì yà è Ndawò yà Lohwà lì mà ohwa nanù ema, “È mà gbèyɛ̀nɛ.”

Hwèwulùwèlì 21:6

Rzìi à nò òhweyà hvɛ nanù ema, “È mà ondìrzɛ̀hwɛ̀! Imba ndi nà hwèlì Àlhvà ndèŋgànɛ̀lɛ̀ nà hwèlì Omèga, imba ndi nà hwèlì hwèwòtèlì nà lìrzùkù. Tɔ̀ njɛnɛ ema à hwɛni nyìrzɛ̀ nà mò ŋgba malìhwa ema mà uwɛ̀lɛ̀lɛ̀ ò ìtùŋgù jà malìhwa ema mòtò à nyɔ̀ɔ̀ rzìi à hwɛ ò lòŋgɛ nà ò gbìndèyà. Ndeŋgànɛ̀lɛ̀ na e ŋgba e yɔ o ŋgundu.

Hwèwulùwèlì 4:10

È hvonda ema hwe mà hwɛ lì emba, eŋge mbàŋgɛ yà hwàmbaki nà hwànìi hwa mà kpa ò worzo wò ama è mɔ̀ ema à lìyayi ò konda yà lìkànèyà, ema à hwèlì ò lòŋgɛ ò gbìndèyà nà ò gbìndèyà. Wɔ̀ hwa mà hwɛ lì mò ŋgba èluhwe, rzìi hwa hvimba hwèkòòtò hwe awu ò rze, ò worzo wò è konda yà lìkànèyà rzìi hwa à emba nanù ema,

Hwèwulùwèlì 4:11

“Ìi Rzàŋgo hwa arzu nà Lòohwà là arzu, ò àŋgàmɛ̀nɛ̀yi lì lùwa wonyàki, èluhwe nà màyìmbì, ehwànja ò wà ndi ò hwèlì è mɔ̀ ema à wèki hwèèmà hwe arzɛ, ndèŋgànɛlɛ ò lì emeyà là aŋgɔ hwe arzɛ hwe mà wèkàhwà nà lì hwɛnɛ hwèhwɛ̀ɛ̀lì hwe awu.”

Hwèwulùwèlì 4:9

Hweŋge hwèembe hwe aaniyɛ hwe ma hwɛ lì embeya ò è mɔ̀ ema à lìyayi ò è konda yà lìkànèyà, mɔ̀ ema à hwèlì lòŋgɛ ò gbìndèyà nà ò gbìndèyà. Hwe mà hwɛ lì mò embeya mɛ̀rzɔ̀kɔ̀ ema mè mò ŋgba wònyaki, èluhwe, nà jèka.

Hwèwulùwèlì 6:11

Ndeŋgànɛlɛ tɔ̀ ima mɔ̀kɔ wa awu à mà ŋgbahwa mòŋgombè mò mbɔ̀mi, rzìi hwa ohwàhwɛlɛ nanù ema hwa ambɛ̀lɛ̀ hvɛ ŋmanà hvoka hvonda, natɛ̀ɛ na e hvonda ema mɔ̀rzɔ̀ŋgi mo hwahvɛhvɛ hwàgbèèlì ema hwa hwèlì nàa wɔ na wònyànyàŋgò hwa awu hwa ama Krirztò ema hwà mà hwɛnɛ lì oŋwahwa na oma wɔ̀hvɛ hwà mà oŋwahwɛ mo ondìrzɛ̀hwɛ.