Hwèwulùwèlì 10:11 - Mokpwe: Bakwery (New Testament)

¹¹ Rzìi nà ohwahwɛlɛ hvɛ nanù ema, “O aŋgàmɛnɛyi lì ohwa lì hvomɛ̀nɛ̀ hweyà ema hwe o gbèyɛ̀nɛ o rzayi-rzayi ja hwèkòmè, nyayi na nyayi ja hwatò, nyayi na nyayi ja mbɔrzi na rzayi-rzayi ja kiŋgɛ̀.”

Hwèwulùwèlì 10:11 Mawu Ofanana

Hwèwulùwèlì 10:10

Nà ma wòwa oŋgo ŋmanà kààti ema e lìŋgɛ̀lɛ̀hwɛ o lìya la ama e aŋgèlì rzìi na e làa. È ma tɛɛ ndi lɛŋgulɛŋgu o wàna ya ami nàa wòo. Ndi imba nà mà e ŋmɛɛ, e kàkìrzɛ luŋga la ami.

Hwèwulùwèlì 11:1

Nà ma ŋgbààhwà eeye ema e ma hwɛ ndi nàa eeye ya lìmɛ̀nì, rzìi na ohwahwɛlɛ nanù ema, “Ɛndɛ o mɛnɛ e Ndawò ya Lohwà ya ama Lohwɛ̀, na ètàwo ya itùwà, rzìi o aŋga mɔ̀rzɔ̀ŋgi mo hwatò ema hwa ŋgba Lohwɛ̀ èluhwe àŋga.

Hwèwulùwèlì 11:9

Ò tenì yà mèènyà meyàwò nà ehvàrzu, hwatò hwa mà uwɛ̀lɛ̀lɛ̀yi ò hwèkòmè nà hwèkòmè, màtumba nà màtumba, nyàyi nà nyàyi jà mbɔrzi, nà nyàyi nà nyàyi jà hwatò, wɔ̀ hwa ò ɔŋgɔ ŋmìimbà mè awu ndèŋgànɛ̀lɛ̀ hwa rza ò emeyà nanù ema hwa mè imeya.

Hwèwulùwèlì 14:6

Nà mà ɛnɛ ehvɛhvɛ aŋgèlì è kòòhwà hvòò ò ŋmanyu yà lìwòhwɛ̀ là ŋmanyu. Èŋge aŋgèlì è mà jànà ŋmɛ̀ndì mò gbamù ema mò hwèlì natɛ̀ɛ nà ò gbìndèyà. Moŋgo ŋmɛ̀ndì mò gbamù mɔ̀ ndi à mà hwɛ lì ohweyà hwatò ema hwa hwèlì ò è rze yà mɔ̀nyɛ̀, nyàyi nà nyàyi jà hwatò, màtumba nà màtumba, nyàyi nà nyàyi jà mbɔrzi nà hwèkòmè nà hwèkòmè.

Hwèwulùwèlì 17:10

Ò ìtììtènì jà iŋgi kiŋgɛ lìrzàmba, ita ì ma mà lì ŋwa, mɔ̀kɔ à è hwèlì ò lìkànèyà ndi mɔ̀kɔ à rzi jelì ò lìkànèyà. Ndi mɔ̀ à jelì tɛ, à àŋgàmɛ̀nɛ̀ ndi lìkànèyà ò ŋmanà hvòkà hvonda mɛnɛ.

Hwèwulùwèlì 17:12

Lìyomɛ̀ là mèrzehwa mè eŋge nyàmà ema ò ɛ̀neyàyì, mè hwèlì ndi lìyomɛ̀ là ikìŋgɛ ema ì rzi lù lìkànèyà, ndi ema ò awa hvɔ̀kɔ hwa ò lùwa lìkànèyà nàa ikìŋgɛ molàndàko mɔ̀kɔ nà è nyàmà yà wòhwe.

Hwèwulùwèlì 17:15

Èŋge aŋgèlì rzìi è nò òhweyà nanù ema, “Màlìhwa ema ò ɛ̀neyàyi, ema oŋgo molanà wà àkpàlà à lìyàyi, mà hwèlì ndi hwatò, ŋgindi jà hwatò, hwèkòmè nà hwèkòmè, nà ihvɛhvɛ imbɔrzi.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.