Hwèwulùwèlì 10:1 - Mokpwe: Bakwery (New Testament)

¹ Nà mà ɛnɛ èhvɛhvɛ aŋgèlì yà màyìmbì è uwɛ̀lɛ̀lɛ̀yi ò ŋmanyu yà lohwà, è rzihwa ò rze. È mà tòŋgahwa nà lìmbaki, è ŋguhwèlì hvɛ è mà hwɛ ò mòhvo mò eni. Worzo wò eni wò mà hvàyeyà hvɛ ndi nàa igbèyi, ndeŋgànɛlɛ mèèndè mà eni mè mà hwɛ ndi nàa lìhwondi ema lì oŋwa mùnya.

Hwèwulùwèlì 10:1 Mawu Ofanana

Matiyò 17:2

Aŋga rzɔ ndi Yerzù à mà atikòwɛ ò wòrzò wò awu, wòrzò wa eni wò ma hvànya ndi nàa igbèyi, lìhwatù la eni hvɛ lì ma ayèŋgòwɛ̀ mbɔmi yà ŋmàye mò rzɛŋgɛ-rzɛŋgɛ.

Lukàrzɛ̀ 21:27

Aŋgà ndi hwa ɛnɛ e Ŋmanà wà è mòtò wà Hwènàmà na òma a jà ò tenì yà lìmbàkì na ŋginyà nà èluhwe ndɛnɛ̀.

Hwègbèèlì 26:13

Ìi kìŋgɛ kòkò, ò eyàà yà kɔ̀rzi yà ŋmèrze, nà òma nà mà hwɛ ò yɔ̀ndɔ, nà ɛnɛ ŋmàye ema mò mà uwɛ̀lɛ̀lɛ̀yi ò ŋmanyu yà lohwà ema mò mà hvànya lì aka tɔ̀ ŋmàye mò igbe, ema mò mà nò tòŋga imba nà hwaŋga ema ì mà ɛ̀ndɛ̀lɛ̀nɛ̀.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 18:1

Ò mburza yà hwene hweyà, nà mà ɛnɛ è hvɛhvɛ aŋgèlì è mà uwɛ̀lɛ̀lɛ̀yi ò ŋmanyu yà lohwà lì rzihwa ò rze, è mà ohva wònja ndɛnɛ, ŋmàye mò eni mò mà hvààlɛ̀ è rze yà mɔ̀nyɛ̀ yà arzɛ.

Hwèwulùwèlì 18:21

Aŋgèlì ndɛnɛ rzìi e anjilɛ lìŋyàyi lì ndɛnɛ ema lì ma akɛnɛ lìŋyàyi lì ndɛnɛ ema hwa gbeyàna o lì nyuka hwènyɔ̀ɔ̀nì hwe hwehvùma, rzìi e lì undirzɛ o tenì ya ŋmànja, rzìi a ohwa nanù ema, “Nànù ndi hwa o undirzɛ e mbowà ndɛɛndɛ ya Babìlɔ̀nì o rze na mòhvùŋgu, ndeŋgànɛlɛ hwatò hwa rza o e ɛnɛhwɛ hvɛ.

Hwèwulùwèlì 20:1

Nà oma oŋgo mòtò à mà rzùùwànè hwàkɔ̀yèlì, rzìi nà ɛnɛ aŋgèlì ema è mà uwɛ̀lɛ̀lɛ̀yi ò ŋmanyu yà lohwà è rzìhwa, è mà ohva ìlìhvòwànì jà ehvɔ̀ndi ema è rza ohvɛ lìrzùkù. È mà tɛtɛ hvɛ ŋgɔ̀kɔ̀hwi ndɛnɛ ema è mà hwɛnɛ mòrzimbɔ̀.

Hwèwulùwèlì 4:3

È mɔ̀ ema à mà lìya o ŋmanyu ya eŋge konda rzìi à a hvànya kɛ̀yi-kɛ̀yi nàa màŋyàyi ma wòlìto emà mà hwɛ̀lɛ̀hwɛ̀ jarzipa na kànelìyànì. Ndeŋgànɛ̀lɛ̀ e ŋguhwelì yɔ̀hvɛ e ma lìŋga eŋge konda. Èŋge ŋguhwèlì e ma hvànya kɛ̀yi-kɛ̀yi nàa lìnyayi ema lì hwɛ̀lɛ̀hwɛ̀ ɛmɛ̀làdì.

Hwèwulùwèlì 5:2

Ndèŋganɛlɛ, nà ma ɛnɛ aŋgèlì ya màyìmbì e ohwa na lìlo ema lì kàrzàmi nanù ema, “Njɛnɛ a kànɛyi o lì gba mene mèjèkà rzìi a lìhvowa ene kààti ema e lìŋgɛ̀lɛ̀hwɛ e?”

Hwèwulùwèlì 8:13

Nà ma ɔ̀ŋgɔ, rzìi na ɛnɛ mbèŋgà ema e koohwa hvoo o ŋmanyu yà lìwòhwɛ̀ là ŋmanyu, rzìi eŋge mbèŋgà e ohwa na lìlo lì kàrzami nanù ema, “Mojema! Mojema! Mojema, mo o hwɛ na hwatò hwa arzɛ ema hwa lìya o rze ya mɔ̀nyɛ̀, o e hvonda ema inɛyi aŋgèlì jàyɛ jo o tòŋgɛ̀ màwɔ̀mi ma awu.”