Hwèwulùwèlì 1:7 - Mokpwe: Bakwery (New Testament)

⁷ È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 1:7 Mawu Ofanana

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 24:30

O eŋge hvònda e ò ɛnɛ èmɛ̀nɛ̀nì ya è Ŋmanà wà è Mòtò wà Hwènàmà e uwɛ̀lɛ̀lɛ̀yi ò lìwòhwɛ̀ la ŋmanyu, rzìi matumbà mà arzɛ ma hwatò ma e rze ya arzɛ ma ò wòteyà lì ahvahvɛ. Hwatò hwa ò ɛnɛ è Ŋmanà wà è Mòtò wà Hwènàmà na òma a jà ò lìmbàkì la e ŋmanyu yà lohwà na ŋginyà na èluhwe ndɛnɛ.

Matiyò 25:31

“Ndi e hvònda ema è Ŋmanà wà è Mòtò wà Hwènàmà a ò jɛ̀ɛ̀ nàa Kiŋgɛ, na i aŋgèlì ja arzɛ ja ama Lohwà a ò lìya ndi ò kònda ya eni ya lìkànèyà là èluhwe ò lì kàyìrzɛ̀ hwatò.

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Makòrzì 13:26

O èŋge hvònda hwatò hwa ò ɛ̀nɛ̀ è Ŋmanà wà è Mòtò wà Hwènàmà a jà ò lìmbàkì nà ŋginyà ndɛnɛ̀ nà èluhwe.

Makòrzì 14:62

Yerzù rzìi à òhwa nanù ema, “Imba ndi nà hwèlì. Ndì o ò ɛnɛ è Ŋmanà wà è Mòtò wà Hwènàmà a lìyayi ò lìya là mòmɛ̀ lì ama Lohwà lì Karzami. O ò mò ɛnɛ à jà ò lìmbàki ema lì uwɛ̀lɛ̀lɛ̀yi ò ŋmanyu yà Lohwà.”

Lukàrzɛ̀ 21:27

Aŋgà ndi hwa ɛnɛ e Ŋmanà wà è mòtò wà Hwènàmà na òma a jà ò tenì yà lìmbàkì na ŋginyà nà èluhwe ndɛnɛ̀.

Yòwanìrzɛ̀ 19:34

Ndi tɔ̀ nanù ŋmanèlì wa njuma mɔ̀kɔ à mà mò uŋmana lìyɔ̀ŋgɔ̀ ò tòŋgòŋgò ya eni. Lìwòkìmɛnɛ rzìi màyija na malìhwa rzìi ma wurza.

Yòwanìrzɛ̀ 19:37

Ndèŋgana è tìlahwì ò Kaàti yà Lohwà nanù ema, “Hwa ɔ̀ŋgɔ è mɔ̀ ema à uŋmahwi lìyɔ̀ŋgɔ̀.”

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

1 Tɛ̀rzàlonìyà 4:17

O mburza nanù, irzɔ ema i hwèlì lòŋgɛ o rze yà mɔ̀nyɛ̀, jo ò hwa làta, ndèŋgànɛ̀lɛ̀ jo ò agba o ŋmanyu o tenì ya lìmbàki o lì uŋmànɛlɛ Krirztò o yulùlì. Ndèŋgànɛ̀lɛ̀ nanù ndi jo ò hwɛ na Rzàŋgo natɛ̀ɛ nà ò gbìndèyà.

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hibrù 6:6

È hwèlì tɛ nanù ema hwaŋga hwatò hwà mà màa lì ɛnɛ hweŋge hweyà, rzìi hwa kìnyɛ̀lɛ̀ màlòkɛ̀ ma awu, tɔ̀ mòtò a rza tanɛ lì hwa tìmbìrzɛ hvɛ o lì àyèŋgowɛ̀ o wòhwe o lì nɔ̀ŋgɔ̀ Lohwɛ̀. Nà oma hwa rzɔ̀njɛlɛ è Ŋmanà wà Mùnyanà wa ama Lohwɛ̀, e hwèlì ndi o a ɛnɛ oma hwà mà mo wòmeyà hvɛ o mbàrza. Ndeŋgànɛ̀lɛ̀ hwà mà mo gbeyà o lì oka irzɔ̀ni o worzo wo hwatò.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Judɛ 1:14

Ènɔ̀kù è mɔ̀ ema à mà ùkirzɛ̀ è nyɔ̀ŋgɔ̀nì lìrzamba ò mòtende mò ama Adàmu, à mà hwɛ à mà ohwa nà è kòòwà lì hvomɛ̀nɛ̀ mamɛ ema è ò gbèèyɛnɛ hwanù hwatò. À mà ohwa nanù ema, “È okànèyà tɛ! È Rzàŋgo è hwèlì è jà nà hwèkòlì nà hwèkòlì hwe aŋgèlì jà eni jà wòtani.

Hwèwulùwèlì 22:20

È mɔ̀ ema a tɛmi e mbòŋgi ya hwene hweyà hwe arzɛ a ohwi nanù ema, “Ò jɔ̀kɛ̀, na o jà ŋmanà mbɔ̀.” Inyɛ̀ wo lìya nanù, jà, ìi Rzàŋgo Yerzù.

Hwèwulùwèlì 22:4

Hwa o ɛnɛ Lohwɛ̀ worzo na worzo ndèŋgànɛ̀lɛ̀ lìinà la eni lì o hwɛ o imbɔ̀mbɔ ja awu ja meyohvo.