Hwèwulùwèlì 1:6 - Mokpwe: Bakwery (New Testament)

⁶ À jò gbèyi ì hwèlì ndi nàa Ipilìrzi ema i gbèeyà Lohwɛ̀ è Tatɛ̀ yà eni ema è hwa kànèyà. Inyɛ̀ èluhwe nà lìkànèyà là eni lì hwɛ ò gbìndèyà nà ò gbìndèyà. Inyɛ̀ wò lìya nanù.

Hwèwulùwèlì 1:6 Mawu Ofanana

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Ròmànì 11:36

Lohwɛ̀ ndi à wèkì hwèèmà hwe arzɛ. Mɔ̀ ndi à gbèyi ndèŋgànà hweŋge hwèèmà hwe arzɛ hwe hwèlì lòŋgɛ. Ndèŋgànɛ̀lɛ̀ mɔ̀ ndi à hwɛni hweŋge hwèèmà hwe arzɛ. Èluhwe è hwɛ nà Lohwɛ̀ ò gbìndèyà nà ò gbìndèyà. Inyɛ̀ wò lìya nanù.

Ròmànì 15:6

Àŋga nanù lì a àrzàŋgànɛ̀ lì anyu lì gbeyà e òhwa ndi eyà yɔ̀kɔ ò lì eka Lohwɛ̀, e Tatɛ̀ ya ama e Rzàŋgò ya arzu Yerzù Krirztò.

Hvìlipìyà 2:11

Hwàto hwa arzɛ hwa o ohwa nanù ema Yerzù Krirztò ndi à hwèlì e Rzàŋgo. Aŋga nanù Lohwɛ̀ ema a hwèlì e Tatɛ̀ a o luwa èluhwe.

1 Tìmotì 6:16

Mɔ̀ ndi hvɛ a hwèlì e mɔ̀ mɛnɛ ema a hwɛni e ŋginyà o lì hwɛ natɛ̀ɛ na o gbìndèyà, mɔ̀ ndi hvɛ a hwèlì ŋmàye ema mo mɔ̀tɛ̀lɛ̀ rzayi-rzayi ema tɔ̀ mòtò tɔ̀ mɔ̀kɔ a rza tànɛyi lì kombɛnɛ. Mɔ̀ ndi à hwèlì e mɔ̀ ema tɔ̀ mòtò a rza ɛni. Ndèŋgàna tɔ̀ mòtò tɔ̀ mɔ̀kɔ a rza tànɛyi lì mo ɛnɛ. Èluhwe e hwɛ na mɔ̀ ndèŋgàna mɔ̀ à o hwɛ ndi o lìkànèyà natɛ̀ɛ na o gbìndèyà. Inyɛ̀ wo lìya nanù.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

1 Pètrò 5:11

Iŋginyà ja arzɛ ì hwèlì ndi è jà eni natɛ̀ɛ nà ò gbìndèyà. Inyɛ̀ wò lìya nanù.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

Judɛ 1:25

Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 20:6

Mònàmɛ̀ mo o hwɛ na hwaŋga ema hwa o hwɛ o hwehvùmuwelì hwe worzo. Hwa hwèlì ndi hwatò ema hwa hwèlì wòtani. È kpelì ema e hwèlì e kpelì ya hwèlìŋgɛ̀, e rza hwɛnì màyìmbì o ŋmanyu ya hwatò ema hwa hwèlì o hwehvùmuwelì hwe kpelì hwe worzo. Ndi wɔ̀ hwa o hwɛ ipilìrzi ja ama Lohwɛ̀ na e ja ama Krirztò, ndèŋgànɛ̀lɛ̀ wɔ̀ hwa o hwɛ na mɔ̀ o lìkànèyà o tenì ya ikolì ja meya.

Hwèwulùwèlì 4:11

“Ìi Rzàŋgo hwa arzu nà Lòohwà là arzu, ò àŋgàmɛ̀nɛ̀yi lì lùwa wonyàki, èluhwe nà màyìmbì, ehwànja ò wà ndi ò hwèlì è mɔ̀ ema à wèki hwèèmà hwe arzɛ, ndèŋgànɛlɛ ò lì emeyà là aŋgɔ hwe arzɛ hwe mà wèkàhwà nà lì hwɛnɛ hwèhwɛ̀ɛ̀lì hwe awu.”

Hwèwulùwèlì 5:10

À mà hwa gbeyà ò lì hwɛ ipilìrzi ema ì gbèeyà Lòohwà là arzu, ndèŋgànɛ̀lɛ̀ wɔ̀ hwa ò kànèyà è rze yà mɔ̀nyɛ̀.”