Hwèwulùwèlì 1:3 - Mokpwe: Bakwery (New Testament)

³ Mònàmɛ̀ na tɔ̀ njɛnɛ ema a làŋgi ene kààti, aŋga nanù hwahvɛhvɛ hwatò hwa o hweyà mono ŋmɛ̀ndì o lì hvomɛ̀nɛ̀ hweyà ema hwe o gbèyɛ̀nɛ. Ndeŋgànɛ̀lɛ̀ mònàmɛ̀ mo hwɛ na tɔ̀ njɛnɛ ema a hweye mono ŋmɛ̀ndì rzìi a ika hvɛ hweyà ema hwe tìlahwì o tenì ya ene kààti. È hvonda e ma kombɛ̀nɛ̀ ema hwene hweyà hwe arzɛ hwe o gbèyɛ̀nɛ.

Hwèwulùwèlì 1:3 Mawu Ofanana

Matiyò 24:15

“O èŋgànɛ̀lɛ̀ rzɔ inyɔ è ò ɛnɛ ò èki ya wòtani yòma ya ŋgandi ema e ma jànɛ ìrzɔnì ò wòrzò wò ama Lohwɛ̀, ema e ma gbèyɛ̀nɛ ò e ndawò yà Lohwà na òma e Mòòhwèlì wà èlìŋgɛ̀ Dànìyɛ̀lì à mà òhwe ama e ò gbèyɛ̀nɛ.” (Inyò ema e hwèlì e laŋga hwene hweyà, e hwe rzɔ̀ŋgìtɛ̀nɛ̀ kɔ̀yi-kɔ̀yi).

Lukàrzɛ̀ 11:28

Yerzù rzìi a mò alàhwɛ̀ nanù ema, “Mònàmɛ̀ mò hwɛ ndi nà hwaŋga ema hwa hweyà Eyà ya Lohwà, rzìi hwa gbeyà nà òmà ya òhwì.”

Ròmànì 13:11

Ndeŋgànɛlɛ è hwi nanù ema è hvònda è mà uka ema inyɔ è hwɛni lì imòwa ò ijɔ. È hwɛni lì imòwa ò ijɔ èhwanja ò naŋgɛ hwèkɔ̀tèlì hwe arzu hwe mà kòmbɛnɛ lì aka eŋge hvònda ema i mà lòme lì lòkɛ̀ Krirztò.

Ròmànì 13:12

Jììtìtì i mà lìŋga ŋmanà mbɔ̀ òma wùùnya wò ma yahwa ò eŋgànɛ̀lɛ̀ rzɔ, inyɛ i rzɔ̀njɛ̀lɛ hweyà hwe wòhwe ema i ma hwɛ lì gbeyà. Inyɛ̀ i wɔ̀te màwɔ̀ti ma njuma ò lì ana e njuma ya ŋmàye.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

2 Pètrò 3:8

Imbùnda ja ami kòkò, e rzi hvoŋgà ene eyà ya awɔ̀kɛ, o rza enje tɔ hwètìkòwèlì o mirzɔ̀ ma ama e Rzàŋgo lì hvomɛ̀nɛ̀ wùnyà wɔ̀kɔ na ikolì ja meya. O mɔ̀ hwe ahwàkɛ, hwe hwèlì ndi nyayi hvɔ̀kɔ.

Hwèwulùwèlì 22:10

Èŋge aŋgèlì rzìi e no òhweyà hvɛ nanù ema, “È rzi uteya hwatò hweyà ema hwe o gbèyɛ̀nɛ ema hwe tìlahwì o tenì ya ene kààti, ehwànja hwe o gbèyɛ̀nɛ ŋmanà mbɔ̀.

Hwèwulùwèlì 22:12

Yerzù a ohwi nanù ema, “È ɔŋgɛ tɛ, na ja ŋmanà mbɔ̀, o lì rzaweyà tɔ̀ ima mòtò lì wowàna èwòlò ema mɔ̀ à gbèyi.

Hwèwulùwèlì 22:20

È mɔ̀ ema a tɛmi e mbòŋgi ya hwene hweyà hwe arzɛ a ohwi nanù ema, “Ò jɔ̀kɛ̀, na o jà ŋmanà mbɔ̀.” Inyɛ̀ wo lìya nanù, jà, ìi Rzàŋgo Yerzù.

Hwèwulùwèlì 3:11

Nà ò jà ŋmàna mbɔ̀, è ika ndi mèèmà mè anyu nà imba nanù mɛnɛ, aŋga nanù tɔ̀ mòtò tɔ̀ mɔ̀kɔ à rza tànɛ lì wòwa ììtàŋgi yà anyu.