Hwèwulùwèlì 1:2 - Mokpwe: Bakwery (New Testament)

² Ndeŋgànɛ̀lɛ̀ Yòwanìrzɛ̀ ndi à mà ohwa hweyà hwe arzɛ na oma mɔ̀ à mà hwe ɛneya. Hwene hweyà hwe ɔndi mɔ̀ à mà ohwe o lì hvomɛ̀nɛ̀ ŋmɛ̀ndì ema mo ò uwɛ̀lɛ̀lɛ̀yi o ma Lohwɛ̀ na e mboŋgi ema mɔ̀ à tɛmeya Yerzù Krirztò.

Hwèwulùwèlì 1:2 Mawu Ofanana

Yòwanìrzɛ̀ 1:32

Yòwanirzɛ rzìi à mò tɛ̀meyà mbòŋgi à òhwa nanù ema, “Nà mà ɛnɛ èlìŋgɛ̀ yà wòtani è uwɛlɛlɛ ò ŋmanyu yà lohwà nàa mbeŋga rzìi è tɛ̀mɛ̀ ò ŋmanyu yà eni.

Yòwanìrzɛ̀ 12:17

È ŋgindi ema è mà hwɛ nà Yerzù è hvònda ema à mà hwɛlɛ Làrzàrɔ̀rzì ò rzɔ̀ŋgɔ̀ rzìi à mò timbirzɛ ò lòŋgɛ, wɔ̀ hwa mà hwɛ lì nyàlirzɛ̀ meŋge meyàŋgò.

Yòwanìrzɛ̀ 19:35

È mòtò ema à mà ɛnɛ hwene hweyà na òma hwe ma gbèyɛ̀nɛ à mà tɛ̀mɛ̀ mbòŋgi, ndèŋgàna e mbòŋgi ya eni e hwèlì ndi e jɔ̀kɛ̀. A hwi nanù ema a òhwa ndi e jɔ̀kɛ̀, ndèŋgàna a òhwa ndi hwene hweyà nanù ema inyɔ hvɛ e lòkɛ̀.

Yòwanìrzɛ̀ 21:24

È mòòkòwèlì ò nò ema a tɛ̀mɛ̀ mbòŋgi ya hwene hweyà ndèŋgàna mɔ̀ ndì a hwe tilì. Ndèŋgana i hwi nanù ema tɔ̀ mamɛ a òhwi e hwèlì ndi e jɔ̀kɛ̀.

Yòwanìrzɛ̀ 3:11

Nà e òhweyà e jɔ̀kɛ̀ nanù ema irzɔ jò òhwa ndi mamɛ ema i hwi. I tɛ̀mɛ̀ mbòŋgi ò mamɛ ya arzɛ ema irzɔ i ma ɛnɛ. Ndi tɔ̀ nanù, tɔ̀ mɔ̀kɔ hwa anyu a rzi imanɛlɛ ò lìlòkɛ̀ hweyà ema i hwèlì jò òhwa.

Hwègbèèlì 22:15

O wa o ò nò tɛ̀meyà mbòŋgi ò lì òhweyà hwatò hwa arzɛ mamɛ ema ò wa ò ɛni na lì hweyà.

Hwègbèèlì 26:16

Ndi ò naŋgɛ tɛ̀mɛ̀nɛ̀ ò ŋmanyu, ehwànja imba nà ò wurzelì ndi ò lì ò hvɔ̀rzɔ̀ nàa è mògbèèlì wà ami ndèŋgànà nàa mbòŋgi ò hwahvɛhvɛ hwatò, ò lì hvòmɛ̀nɛ̀ hweyà ema ò mà ɛnɛ yawònò, nà hweŋge ema o ò ɛnɛ ò hvònda ema è ò jɛ̀ɛ̀.

Hwègbèèlì 4:20

Irzɔ i rza tànɛyi lì hwɛmɛ ò lì òhwa lì hvòmɛ̀nɛ̀ mamɛ irzɔ hwiti je ɛni na mìirzɔ̀ ma arzu na lì hwèyàna hvɛ màatò ma arzu.”

1 Kɔ̀rintìyà 1:6

Ène eyà è uŋmɛ̀lɛ̀ nanù ema ŋmɛ̀ndì mò ama Yerzù Krirztò mò mà è kakùmɛ̀nɛ̀ kɛ̀lɛ̀tɛ̀tɛ̀ ò tenì yà mèèmà mè anyu.

1 Kɔ̀rintìyà 2:1

Wònyamòwè è hvònda ema nà mà e jèeyà, ò lì e ùkirzɛ̀lɛ̀lɛ̀ ŋmɛ̀ndì mò Wòtani mo ama Lohwɛ̀, na rzì e ohwane tɔ̀ mbɔrzi e mà e mà imbama tɔ̀ lìhwìyè hvɛ ema lì mà karzama.

1 Yòwanìrzɛ̀ 1:1

Nà e tìleya o lì hvomɛ̀nɛ̀ e mɔ̀ ema a hwèlì e mbɔrzi yama Lohwɛ̀ ema e jànà lòŋgɛ. Mɔ̀ à mà hwɛ nàtɛ̀ɛ na o hwewotelì, I ma hweya hweyà o lì mo hvomɛ̀nɛ̀, i ma mo ɛnɛ̀ na mìirzɔ ma arzu, i ma mo ɔ̀ŋgɔ, ndèŋgànɛlɛ i ma mo tahva na màà mà arzù.

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.

3 Yòwanìrzɛ̀ 1:12

Tɔ̀ ima mòtò a ohwa nanù ema Dɛ̀mɛ̀trìyùrzì a hwèlì ndi mòtò wa gbamù. Lòŋgɛ la jɔ̀kɛ̀ ema mɔ̀ à lìya lì uŋmɛ̀lɛ̀ nanù ema a hwèlì ndi mòtò wa jɔ̀kɛ̀. Nà e ohweyà hvɛ nanù ema, mɔ̀ à hwèlì ndi mòtò wa gbamù, ndèŋgànɛlɛ e hwi nanù ema tɔ̀ mamɛ ema no òhwa e hwèlì ndi e jɔ̀kɛ̀.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 1:19

O eŋgànɛ̀lɛ̀ rzɔ, tìla mamɛ ema o ma ɛnɛ, ema hwe hwèlì hwe gbèyɛ̀nɛ naŋgɛ ndèŋgànɛ̀lɛ̀ ema hwe o gbèyɛ̀nɛ.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 12:17

Rzìi eŋge dragɔ̀ni e tàtànà oŋgo molàna, rzìi e ɛndɛ o lì anana enɛyi nyɔ̀ŋgɔ̀ni ya ama oŋgo molàna, na hwatò hwa arzɛ ema hwa gbeyà na oma Lohwɛ̀ a àrzeyà, ndèŋgànɛ̀lɛ̀ hwaŋga ema hwa tɛmeya Yerzù e mboŋgi.

Hwèwulùwèlì 20:4

Rzìi na ɛnɛ ikonda ja màkànèyà ema hwatò ema hwà mà ji lìya wɔ̀ ndi Lohwɛ̀ à mà ŋgbe e wònja o lì kànèyà hwatò. Rzìi na ɛnɛ e mòtò wa tenì wa hwatò ema hwà mà ŋwɛɛ. Hwà mà hwa oŋwa ehwànja hwà mà hwɛ lì ohwa e jɔ̀kɛ̀ ema Yerzù à mà jàne ehwànja hwà mà hwɛ lì ohwa ŋmɛ̀ndì ema mo uwɛ̀lɛ̀lɛ̀yi o ma Lohwɛ̀. Wɔ̀ hwà mà hwa oŋwa ehwànja wɔ̀ hwa rzi kanɛ̀ eŋge nyàmà yà wòhwe tɔ̀ èlìŋgɛ̀ ya eni ehwànja wɔ̀ hwa rzì emeyà lì luwa èèmbanelì ya eni o imbɔ̀mbɔ tɔ̀ o màà mà awu. Wɔ̀ hwà mà tìmba o lòŋgɛ rzìi hwa hwɛ na Krirztò o lìkànèyà o tenì ya ikolì ja meya.

Hwèwulùwèlì 22:21

Inyɛ̀ è ndèli yà ama è Rzàŋgo Yerzù è hwɛ nà hwatò hwa arzɛ.

Hwèwulùwèlì 6:9

E Ŋguma ya Mɔ̀lɛ̀ŋgù rzìi e rzolowa mòjèkà ema mo ma ùkirzɛ̀ meta. Rzìi na ɔŋgɔ o rze ya ètàwo ya itùwà rzi na ɛnɛ hwèlìŋgɛ̀ hwe hwatò ema hwà mà oŋwahwa ehwànja hwà mà hwɛ o lì ohwa eyà yà Lohwà ndèŋgànɛ̀lɛ̀ hwà mà hwɛ lì ohwa hweyà hwe jɔ̀kɛ̀ lì hvomɛ̀nɛ̀ Lohwɛ̀ nyayi ema irzɔ i hwi nanù ema hwe hwèlì ndi e jɔ̀kɛ̀.