Hwèwulùwèlì 1:19 - Mokpwe: Bakwery (New Testament)

¹⁹ O eŋgànɛ̀lɛ̀ rzɔ, tìla mamɛ ema o ma ɛnɛ, ema hwe hwèlì hwe gbèyɛ̀nɛ naŋgɛ ndèŋgànɛ̀lɛ̀ ema hwe o gbèyɛ̀nɛ.

Hwèwulùwèlì 1:19 Mawu Ofanana

Hwèwulùwèlì 1:1

Ène kààtì e ohwa ndi lì hvomɛ̀nɛ̀ hweyà ema hwe o gbèyɛ̀nɛ ema Yerzù Krirztò a gbèyi ndèŋgànà hwe o e hwiyɛnɛ. Lohwɛ̀ à mà mo ŋgba hwene hweyà nanù ema hwe hwiyɛnɛ aŋga nanù mɔ̀ à uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ. Krirztò à mà gbeyà e mògbèèlì wa eni Yòwanìrzɛ̀ o lì hwiye hwenè hweyà na oma à mà mo òmeya e aŋgèlì ya eni.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 1:12

Nà ma ayeŋgòwɛ̀ o lì ɔ̀ŋgɔ lìlo ema lì ma hwɛ lì na ohwìrzɛ̀nɛ̀. È hvonda ema nà mà ayeŋgòwɛ̀, nà mà ɛnɛ mboko lìrzamba ja gòòlù ema hwètùlù hwe tɛmi o ŋmanyu.

Hwèwulùwèlì 10:4

Nà oma lìrzamba là ŋgalà yà lohwà lì mà rzìŋge, nà mà arza lì wòteyà lì tìla hweyà ema lì mà ohwe. Ndi nà mà hweyà lìlo lì mà uwɛ̀lɛ̀lɛ̀yi ò ŋmanyu yà lohwà lì ohwa nanù ema, “È utè hweyà ema lìrzamba là ŋgalà lohwa lì mà ohwɛ, hwe àŋgàmɛ̀nɛ̀yi ndi lì hwɛ wùndɛ̀, ndèŋgànɛlɛ o rzi hwe tìla o rze.”

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”