Hwèwulùwèlì 1:16 - Mokpwe: Bakwery (New Testament)

¹⁶ O lìya la eni la momɛ̀, à mà tɛtɛ rzombe lìrzamba. Rzɔ̀lɔ̀ ema e ma eeya rzayi-rzayi o hwèhvàrzù hwe-ahwakɛ yɔ̀hvɛ e ma wurza o wàna ya eni. Wòrzo wa eni wɔ̀ hvɛ wo ma hvànya na ŋginyà nàa igbèyi ja kɔ̀rzi ya ŋmerze.

Hwèwulùwèlì 1:16 Mawu Ofanana

Matiyò 17:2

Aŋga rzɔ ndi Yerzù à mà atikòwɛ ò wòrzò wò awu, wòrzò wa eni wò ma hvànya ndi nàa igbèyi, lìhwatù la eni hvɛ lì ma ayèŋgòwɛ̀ mbɔmi yà ŋmàye mò rzɛŋgɛ-rzɛŋgɛ.

Hwègbèèlì 26:13

Ìi kìŋgɛ kòkò, ò eyàà yà kɔ̀rzi yà ŋmèrze, nà òma nà mà hwɛ ò yɔ̀ndɔ, nà ɛnɛ ŋmàye ema mò mà uwɛ̀lɛ̀lɛ̀yi ò ŋmanyu yà lohwà ema mò mà hvànya lì aka tɔ̀ ŋmàye mò igbe, ema mò mà nò tòŋga imba nà hwaŋga ema ì mà ɛ̀ndɛ̀lɛ̀nɛ̀.

Ɛ̀hvìrzìyà 6:17

È ɛndɛ tɛ o lì ana njuma, inyɔ e hwiye nanù ema e ma luwa lì oŋgirzɛ o màà mà ama Lohwɛ̀ o eŋgànɛ̀lɛ̀ rzɔ tɔ̀ mòtò a rza tànɛyi a e gbeyà tɔ̀ eyà. È o hwɛ ndi nàa e ŋmanelì wa njuma ema a wɔti e tamba ya hwɛ̀ɛkɛ̀. Ndèŋgàna e ɛndɛ tɛ, e àŋgàmɛ̀nɛ̀ lì ohva e rzɔ̀lɔ̀ ema Èlìŋgɛ̀ yà Wòtani e ma e ŋgbɛ. Èŋge rzɔ̀lɔ̀ e gbèyi ndi nàa eyà ya ama Lohwà.

Hibrù 4:12

È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.

Hwèwulùwèlì 1:20

È wùndɛ̀ ema e hwèlì lì hvomɛ̀nɛ̀ lìrzàmba la rzombe ema lì hwèlì o lìya la ami la mome na lìrzamba la mboko ja gòòlù ja hwètùlù hwe hwèlì ndi: Lìrzàmbà la rzombe lì hwèlì ndi i aŋgèlì lìrzàmba ja lìrzàmba la mèèmbà, ndeŋgànɛlɛ lìrzàmba la mboko ja gòòlù ja hwètùlù hwe hwèlì ndi lìŋgi lìrzàmba la mèèmbà.”

Hwèwulùwèlì 10:1

Nà mà ɛnɛ èhvɛhvɛ aŋgèlì yà màyìmbì è uwɛ̀lɛ̀lɛ̀yi ò ŋmanyu yà lohwà, è rzihwa ò rze. È mà tòŋgahwa nà lìmbaki, è ŋguhwèlì hvɛ è mà hwɛ ò mòhvo mò eni. Worzo wò eni wò mà hvàyeyà hvɛ ndi nàa igbèyi, ndeŋgànɛlɛ mèèndè mà eni mè mà hwɛ ndi nàa lìhwondi ema lì oŋwa mùnya.

Hwèwulùwèlì 12:1

Èmbànelì ndɛnɛ ya mànyàkà e ma wurza o ŋmanyu yà lohwà. Nà ma ɛnɛ mòlana ema a wɔ̀tìrzɛhwɛyi ndi igbe. Ŋmɛ̀ɛlì mɔ̀hvɛ mo ma hwɛ ndi o rze ya màtaŋgà mà eni. O ma hwɛ ekooto ema e ma hwɛnɛ lìyome la rzombe na ihwakɛ o mohvo mo eni.

Hwèwulùwèlì 19:15

Rzɔ̀lɔ̀ ema e eeya rzayi-rzayi ema à mà gbeyàne o lì anana hwatò hwa hwèkòmè hwe e rze ya mɔ̀nyɛ̀ e ma wurza o tenì ya e wàna ya eni. Mɔ̀ ŋmìti a o hwa kànèyà na màa emà mà eti. Mɔ̀ ŋmìti a o yàaya hwehvùma ema hwa nyuka o lì gbeyà mìimba, o lì uŋmɛ̀lɛ̀ hwètàtò hwe ndɛnɛ hwe ama Lohwɛ̀ lì kàrzàmi.

Hwèwulùwèlì 19:21

È wɔ̀ ema hwà mà tɛɛnɛ hwà mà oŋwahwa na e rzɔ̀lɔ̀ ema e ma wurza o tenì ya e wàna ya e mòtò ema à mà lìya o ŋmanyu ya e wɔ̀rzi. Hwenɔ̀ni hwe arzɛ hwe ma ujeya o mburza ya hweleelì hwe inyàmà nyo ja awu.

Hwèwulùwèlì 2:1

Oŋgo ema à mà àyɛ̀kɛ̀nɛ̀ è mòtò wà hwènàmà rzìi à nò òhweyà nanù ema, “Tìleyà è aŋgèlì ema è hwèlì ò ŋmèmba mò Ɛ̀hvɛ̀rzɔ̀rzì nanù ema, è mòtò ema à tɛ̀tì lìrzàmba là rzòmbe ò lìya là enì là momɛ̀, ema à ɛ̀ndeyà ò ìtììtènì jà lìrzamba là mboko jà gòòlù ema jò ohvi hwètùlù, mɔ̀ ndi à omi mono ŋmɛ̀ndì.

Hwèwulùwèlì 2:12

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba mò Pɛ̀gàmùmì nanù ema, “‘Mono ŋmɛ̀ndì mò uwɛ̀lɛ̀lɛ̀yì ndi nà è mɔ̀ ema à ohvi è rzɔ̀lɔ̀ ema yè èeyà hwèhvàrzù hwe ahwàkɛ.

Hwèwulùwèlì 2:16

Ò eŋgànɛlɛ rzɔ è ayèŋgowɛ̀ ò wòhwe wò anyu, è rzi ayèŋgowɛ̀ tɛ ò wòhwe wò anyu, rzìi nà ò ahwèŋgɛ̀ ò lì jà lì anana hwaŋga hwatò. Nà ò gbeyàna è rzɔ̀lɔ̀, ema è uwɛlɛlɛ ò tenì yà è wàna yà ami ò lì anàna hwaŋga hwatò.

Hwèwulùwèlì 3:1

Oŋgo mòtò ema à mà àyɛ̀kɛ̀nɛ̀ è mòtò wà hwènàmà à mà nò òhweyà nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàdìrzì nanù ema, “Mono ŋmɛ̀ndì mò uwɛ̀lɛ̀lɛ̀yi ndi nà imba ema nà tɛtì lìrzàmba là hwèlìŋgɛ̀ ema hwe uwɛlɛlɛyi o ma Lohwɛ̀, ndèŋgànɛ̀lɛ̀ hvɛ nà tɛ̀tì lìrzàmba là rzòmbe. Nà hwi èwòlò ema inyɔ è gbeyà. Hwàto hwa ohwa nanù ema è hwèlì lòŋgɛ ndi inyɔ è rza enje lòŋgɛ.