Hwègbèèlì 9:6 - Mokpwe: Bakwery (New Testament)

⁶ Ò nàŋgɛ̀ rzɔ tɛ̀mɛ̀nɛ̀ ò ŋmanyu ò ɛndɛ ò kpèeyà ò eŋge mbòwà ndɛ̀ɛ̀ndɛ̀, ò òhwàhwɛlɛ mamɛ ema ò hwɛni lì gbeyà.”

Hwègbèèlì 9:6 Mawu Ofanana

Matiyò 19:30

Ndi rzayì-rzayì naŋgɛ ema hwa hwèlì ò wòrzò wɔ̀ ndi hwa ò lìiya ò mburza, rzayi-rzayi hvɛ ema hwa lìyelì ò mburza wɔ̀ ndi hwa ò hwɛ ò wòrzò.”

Lukàrzɛ̀ 3:10

È ŋgìndì rzìi e mò ijòwa nanù ema, “Mamɛ rzɔ ì tànɛyì lì gbeyà nàŋgɛ e?”

Hwègbèèlì 10:22

Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”

Hwègbèèlì 10:32

Oma mòtò mɔ̀kɔ ò mbòwà ya Jopà, ò ma mòtò mɔ̀kɔ ema lìinà la eni lì hwèlì ndi Rzìmɔ̀nì Pètrò. A hwèlì ndi ŋmɛ̀nì ò ndawò ya ama Rzìmɔ̀nì ema èwòlò ya eni e hwèlì ndi ò lì rzèeyà mèyòwò me nyàmà. A lìya ndi ò rzààwà ya ŋmanjà.’

Hwègbèèlì 10:6

A hwèlì ndi ŋmɛ̀nì ò ndawò ya ama e mòtò ema èwòlò ya eni e hwèlì ndi ò lì rzèeyà mèyòwò me nyàmà, lìinà la eni lì hwèlì ndi Rzìmɔ̀nì, a lìya ndi ò rzààwà ya ŋmanjà.”

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Hwègbèèlì 22:10

Nà mà mò ijòwa nanù ema, ‘Ìi Rzàŋgò mamɛ nà aŋgàmɛ̀nɛ̀yi lì gbeyà e?’ Rzàŋgò rzìi è nò alàhwɛ̀ nanù ema, ‘Tɛ̀mɛ̀nɛ̀ ò ŋmanyu, ò ɛndɛ ò kpèeyà ò mbòwà ndɛ̀ɛ̀ndɛ̀ yà Dàmàrzkɔ̀rzì. Aŋga ndi ò òhwàhwɛ̀lɛ̀ hweyà hwe arzɛ ema Lohwɛ̀ à mà ò rzekeya nanù ema ò gbeye.’

Hwègbèèlì 26:16

Ndi ò naŋgɛ tɛ̀mɛ̀nɛ̀ ò ŋmanyu, ehwànja imba nà ò wurzelì ndi ò lì ò hvɔ̀rzɔ̀ nàa è mògbèèlì wà ami ndèŋgànà nàa mbòŋgi ò hwahvɛhvɛ hwatò, ò lì hvòmɛ̀nɛ̀ hweyà ema ò mà ɛnɛ yawònò, nà hweŋge ema o ò ɛnɛ ò hvònda ema è ò jɛ̀ɛ̀.

Hwègbèèlì 9:5

Rzàwòlò à mà ijòwa nanù ema, “Ìi Rzàŋgò ò wà ò hwèlì ndi njɛ̀nɛ e?” Liŋgi lìlò rzìi lì mò alàhwɛ̀ nanù ema, “Imba ndì nà hwèlì Yerzù, ema ò tàkìrzɛ̀.

Ròmànì 10:20

Ndeŋgànɛ̀lɛ̀ e mòòhwèlì wà èlìŋgɛ̀ Àyìrzayà mɔ̀ hvɛ à mà emeyà ò lì alàhwɛ̀ na òma Lohwɛ̀ à mà òhwe. Mɔ̀ a òhwa ò mòte nanù ema, “Nà mà lùwahwa na hwaŋga hwatò ema hwa rzi hwɛ lì nò arza. Nà ma àwùlùhwɛlɛ imba mbiti ò hwaŋga hwatò ema hwa rzi hwɛ lì nò ijòwa.”

Ròmànì 10:3

Hwa rza rzɔ̀ŋgìtɛ̀nɛ̀ nɛ Lohwɛ̀ a tɛ̀yìrzɛ̀ hwatò ehve-ehve na mɔ̀. Wɔ̀ hwa arza ndi e ya awu njiya aŋga nanù ò ma hwà mà tɛ̀mɛ̀ ehve-ehve ò wòrzò wò ama Lohwɛ̀. O èŋgànɛ̀lɛ̀ rzɔ hwa rzi arzìirzɛ̀ wɔ hwiti ò lì òŋgama e njiya ema Lohwɛ̀ à mà rzekeya aŋga nanù hwatò hwa hwɛ ehve-ehve.

Ròmànì 5:20

Lohwɛ̀ à mà jànà ndi e mbenda aŋga nanù wòhwe wò ahwatɛ ndi ò lì ɛndɛ ò wòrzò. Ndi tɔ̀ ima èki ema wòhwe wò nyàla, e ndèli ya ama Lohwɛ̀ e nyàla lì aka nanù.

Ròmànì 7:9

O ma hwɛ hvònda ema nà mà hwɛ lòŋgɛ na rzi hwiye e mbenda. Ndi e hvònda ema nà mà hwiye e mbenda, ilema ja ami ja lì gbeyà wòhwe i ma hwema ò èŋgànɛ̀lɛ̀ nà mà ŋwa.

Hvìlipìyà 2:12

O eŋgànɛlɛ rzɔ, ìi wònyàmòwe kòkò, na oma e ma hwɛ lì gbeyà hweyà ema Lohwɛ̀ à mà ohwe nanù ema e gbeye e hvonda ema nà mà hwɛ na inyɔ, e o lɔ̀wu nanù ema e gbeye mamɛ ema a ohwi nanù ema e gbeye, nàŋgɛ ema imba na rza enje hvɛ na inyɔ. È àŋgàmɛ̀nɛ̀yi lì hwɛnɛ wɔ̀ŋgɔ̀ wo ama Lohwɛ̀ o mèèmà me anyu na o lì arzihwirzɛ inyɔ hwiti o worzo wo ama Lohwɛ̀. È keke o lì gbeyà hweyà ema Lohwɛ̀ a arza nanù ema e gbeye aŋga nanù lì kɔ̀tɔ̀wɔ̀ ema e o luwɛ e o ondìrzɛ̀hwɛ.

Jèmìrzì 4:6

Ndi e ndèli ema, Lohwɛ̀ a jo ŋgbàà e rza hwɛni lìmɛni. Ɔndèŋgàtɛ̀ e tìlahwì o kààtì ya Lohwà nanù ema, “Lohwɛ̀ a kumbɛlɛlɛ hwatò hwa àyekìrzɛ e mburza ndi e wɔ̀ ema hwa arzìhwìrzɛ̀yi a hwa ŋgbàà ììlì ja eni.”