Hwègbèèlì 9:4 - Mokpwe: Bakwery (New Testament)

⁴ À mà kpa ò rze, rzìi à hweyà lìlò ema lì mò òhweyà nanù ema, “Rzàwòlò, ìi Rzàwòlò! Mamɛ ndèŋgàtɛ ò nò tàkìrzɛ̀ e?”

Hwègbèèlì 9:4 Mawu Ofanana

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Lukàrzɛ̀ 10:41

Yerzù rzìi a mò alàhwɛ̀ nanù ema, “Ìì Màta, ìi Màta, mamɛ ò akayìrzɛ̀lɛ̀lɛ nà lì atàkìrzɛ̀ lì teŋgɛ̀nɛ̀ hweyà rzayì-rzayì e?

Yòwanìrzɛ̀ 18:6

È hvònda ema Yerzù à mà òhwe nanù ema, “Nà hwèlì ndi mɔ̀,” hwà mà timbeya ò mburzà rzi hwa kpa ò rze.

Yòwanìrzɛ̀ 20:16

Yerzù rzìi a mò hwɛlɛ nanù ema, “Ìi Màlìyɛ̀!” Màlìyɛ̀ rzìi a mò ayeŋgòwɛ̀lɛ̀lɛ̀, rzìi a òhwa ò mbɔrzi ya Hibrù nanù ema, “Rabòni!” (Ène ŋgàna e hwèlì ndi nanù ema, “Mòòkòlèlì”)

Yòwanìrzɛ̀ 21:15

È hvònda hwà mà kulɛ lì làa rzìi Yerzù a ijòwa Rzìmɔ̀nì Pètrò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni lì aka hwanù hwà-òkòwèlì hwa arzɛ e?” Rzìi à mò alàhwɛ̀ nanù ema, “Ɛ̀ɛ Rzàŋgò, ò wa ò hwi òma imba na ò lìŋgàni.” Yerzù rzìi a mò òhweyà nanù ema, “Aŋgòhweya iŋguma ja ami ja mɛ̀lɛ̀ŋgù.”

Hwègbèèlì 5:10

Liwòkimɛnɛ òŋgò mòlanà a kpa ò wòrzò wò ama Petrò rzi a ŋwa. Mèŋge meleka me kpeya hwà mà ɛnɛ nanù ema à mà ŋwa, rzi hwa wurzana ŋmìimbà mò eni ò èwòka rzìi hwa ɛ̀ndɛ hwa mò imeya ò tòŋgòŋgò ya ama mòjòmɛ̀ mò eni.

Hwègbèèlì 9:5

Rzàwòlò à mà ijòwa nanù ema, “Ìi Rzàŋgò ò wà ò hwèlì ndi njɛ̀nɛ e?” Liŋgi lìlò rzìi lì mò alàhwɛ̀ nanù ema, “Imba ndì nà hwèlì Yerzù, ema ò tàkìrzɛ̀.

Ròmànì 11:22

Anù ndi i ɛnɛ ììlì na lì ambirzɛnɛyi la ama Lohwɛ̀. A ambirzɛnɛyi ò hwaŋga hwatò ema hwà mà kpɛɛ. Ndi mɔ̀ à ò òkeya ììlì, e hwèlì tɛ nanù ema ò wa ò lìya lòŋgɛ ema lì kànɛ̀yi ììlì ja eni. Ndi ò rza gbèyi tɛ nanù ò wa hvɛ ò rzenjòwahwa.

1 Kɔ̀rintìyà 12:12

Tɔ̀ nɛ ŋmita mo nyo mo òhvi rzayì-rzayì ja hwènàmà, e hwèlì ndi ŋmita mɔ̀kɔ mɛnɛ.

1 Kɔ̀rintìyà 4:7

Njɛnɛ mɔ̀ à ò kàrzàmìrzɛ̀hwɛ̀ lì aka hwanɛ̀ hwatò e? Mamɛ ema ò wà ò òhvi ema Lohwɛ̀ à rza ò ŋgbèlɛ ndi lì ŋgba e? Rzeke Lohwɛ̀ Mɔ̀ ndi à è ŋgbelì hwema hwe arzɛ ema e hwɛnì e?

Ɛ̀hvìrzìyà 5:30

Irzɔ ndi i hwèlì hwatò hwa e nyo yà èni.