Hwègbèèlì 9:3 - Mokpwe: Bakwery (New Testament)

³ Aŋga ndi Rzàwòlò à mà anjiye rzi a ɛndɛ. Nà òma mɔ̀ à mà kòmbɛ̀nɛ̀ è mbòwa yà Dàmàrzkɔ̀rzì, lìwòkimɛnɛ lìŋmɛti lì mà uwɛ̀lɛ̀lɛ̀yì ò ŋmanyu yà lohwà, rzìi lì mò hvàyeyà è nyò yà arzɛ.

Hwègbèèlì 9:3 Mawu Ofanana

Hwègbèèlì 22:6

“Nà òma nà mà hwɛ ò yɔ̀ndɔ̀ rzìi nà uka ò lì kòmbɛ̀nɛ̀ è mbòwa ndɛnɛ yà Dàmàrzkɔ̀rzì, eyàà yà kɔ̀rzi yà ŋmèrze, ŋmàye mò ŋginyà rzi mò nò hvàyeyà è nyò yà arzɛ ema mò mà uwɛ̀lɛ̀lɛ̀yì ò lìwòhwɛ là ŋmanyu.

Hwègbèèlì 9:17

O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”

Hwègbèèlì 9:27

Bànàbàrzì rzìi a tɛ̀mɛ̀ a mò lɛmbɛ lìiyà la eni, a mò timbà lì mò ɛndɛneya inɛyi àpɔ̀rzìtòlò. A ma kuwa lì hwa nɔ̀ŋgeya nɛ Rzàwòlò mɔ̀ à mà ɛnɛ Rzàŋgò ò jɛ̀nɛ̀nì ò njiya, ndèŋgànɛlɛ nɛ e Rzàŋgò e ma mò òhwirzɛnɛ. A ma hwa òhweyà hvɛ na òma Rzàwòlò à mà hwɛ lì òhweyà hwatò hweyà lì hvòmɛ̀nɛ̀ Yerzù ò Dàmàrzkɔ̀rzì e rzi hwɛ mɔ̀ lì òka wɔ̀ŋgɔ̀.

1 Kɔ̀rintìyà 15:8

O lìrzukù, à mà no wurzeya imba hvɛ, tɔ̀ nɛ na hwèlì ndi mòtò ema à mà ŋyaahwa ndi e hvonda ema hwatò hwa rzìi hwiye ema mòtò a ŋyàa ŋmanà.

1 Kɔ̀rintìyà 9:1

Nà rza ohvì wònjà nàa tɔ̀ ima mòtò e? Nà rza enjè ndì àpɔ̀rzìtòlò e? Ìmba nà rzì ɛnɛ Yerzù Rzàŋgo wa arzu na e ma amì mirzɔ̀ e? Rzeke inyɔ ndi e hwèlì e mbako ya èwòlò ema na gbèelì Rzàŋgo e?

1 Tìmotì 6:16

Mɔ̀ ndi hvɛ a hwèlì e mɔ̀ mɛnɛ ema a hwɛni e ŋginyà o lì hwɛ natɛ̀ɛ na o gbìndèyà, mɔ̀ ndi hvɛ a hwèlì ŋmàye ema mo mɔ̀tɛ̀lɛ̀ rzayi-rzayi ema tɔ̀ mòtò tɔ̀ mɔ̀kɔ a rza tànɛyi lì kombɛnɛ. Mɔ̀ ndi à hwèlì e mɔ̀ ema tɔ̀ mòtò a rza ɛni. Ndèŋgàna tɔ̀ mòtò tɔ̀ mɔ̀kɔ a rza tànɛyi lì mo ɛnɛ. Èluhwe e hwɛ na mɔ̀ ndèŋgàna mɔ̀ à o hwɛ ndi o lìkànèyà natɛ̀ɛ na o gbìndèyà. Inyɛ̀ wo lìya nanù.

Hwèwulùwèlì 21:23

Ène mbowà ndɛɛndɛ e rza arza igbèyi tɔ̀ ŋmɛ̀ɛlì o lì e hvàyeya ehwànja èluhwe ya ama Lohwɛ̀ yɔ̀ ndi e hwèlì ŋmàye mo eni, ndèŋgànɛ̀lɛ̀ e Ŋgumà ya Mɔ̀lɛ̀ŋgù ndi à gbèyi nàa ètùlu ya eni.

Hwèwulùwèlì 22:5

O rza o hwɛ hvɛ wuu. Wɔ̀ hwa rza o arza hvɛ tɔ̀ ètùlù tɔ̀ ŋmàye, tɔ̀ moombe mo igbèyi ehwànja Rzàŋgo Lohwɛ̀ a o hwɛ ŋmàye mo awu, ndèŋgànɛlɛ wɔ̀ hwa o kànèyà natɛ̀ɛ na o gbìndèyà.