Hwègbèèlì 9:10 - Mokpwe: Bakwery (New Testament)

¹⁰ Ò mà hwɛ mòlòkèlì mɔ̀kɔ ò mbòwà yà Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. Onò mòtò à mà ɛnɛ̀ jɛ̀nɛ̀nì. Ò iŋgi jɛ̀nɛ̀nì, è Rzàŋgò Yerzù è mà mò hwɛlɛ nanù ema, “Ìi Ànàniyarzì!” Ànàniyarzì rzìi alàhwɛ̀ nanù ema, “Ìi Rzàŋgò imba ònò.”

Hwègbèèlì 9:10 Mawu Ofanana

Hwègbèèlì 10:3

Ò lìrzakò là ŋgɛ̀ŋgi iyàwò ŋmèrze mɔ̀kɔ, rzìi mɔ̀ à ɛnɛ jɛ̀nɛ̀nì. Ò iŋgi jɛ̀nɛ̀nì, mɔ̀ à mà ɛnɛ è aŋgèlì yà ama Lohwɛ̀. Èŋge aŋgèlì è mà hwɛlɛ nanù ema, “Ìi Kɔ̀nɛlìyurzi.”

Hwègbèèlì 11:5

“Nà mà hwɛ lì kanɛ̀ ò mbòwà yà Jopà. Nà òma nà mà hwɛ lì kanɛ̀ rzi nà ɛnɛ jɛ̀nɛ̀nì. Yòma ema è mà hwɛ nà erzanja ndɛnɛ, ema è mà ɛnèya nàa è lɛ̀mbɛ̀hwì ò màrzùkù mà eni màànìyɛ̀ è uhweyà ò ŋmanyu yà lohwà rzi è rzììrzɛ̀hwɛ̀ ò rze ò wòrzò wò ami.

Hwègbèèlì 12:9

Pètrò à mà mò òŋgama rzìi hwa hwɛ̀mɛ̀ è ndawò yà hwèwòwà. Ndi ò ene hvònda ya arzɛ mɔ̀ à mà ɔ̀ŋgɛ̀lɛ̀ ndi nanù ema a hwèlì ndi lì ɛnɛ jɛ̀nɛ̀nì, a rzìi hwiye nanù ema eyà ema è hwèlì è mò gbèyɛ̀nɛ.

Hwègbèèlì 16:10

O mburza hvònda ema Pàwolò à mà ɛnɛ ini jɛ̀nɛ̀nì, irzɔ i ma wòŋgirzɛnɛ ŋgelì hvɔ̀kɔ ò lì ɛ̀ndɛ ò Màrzèdonìyà, èhwanja i ma kulɛ nanù ema Lohwɛ̀ à mà hwɛ lì jò hwɛlɛ ò lì ɛ̀ndɛ lì òhweyà hwaŋga hwatò Ŋmɛ̀ndì mò Gbamù.

Hwègbèèlì 16:9

O wòŋgò wuu, Pàwolò à mà ɛnɛ jɛ̀nɛni. O iŋgi jɛ̀nɛ̀nì à mà ɛnɛ munyanà wa erzòòkà ya Màrzèdonìyà ema à mà tɛ̀mɛ̀ rzìi a à mò rzòrzòmeya nanù ema, “Jà ò Màrzèdonìyà ò jò òŋgòwane.”

Hwègbèèlì 18:9

Wu wɔ̀kɔ e Rzàŋgò e ma òhwirzɛnɛ Pàwolò ò jɛ̀nɛni, à mà mò òhweyà nanù ema, “O rza òka tɔ̀ wɔ̀ŋgɔ̀, hwɛ ndi ò lì òhwa nanù mɛnɛ, ò rzi lìya ŋmɛɛ.

Hwègbèèlì 2:17

Lohwɛ̀ à mà òhwa nanù ema, ‘O mèenyà me lìrzukù, imba na òma Èlìŋgɛ̀ ya ami ya Wòtani ndèŋgànɛ̀lɛ̀ e jèeya tɔ̀ ima mòtò. Hwaana hwa anyu hwa wunyanà na e wɔ̀ hwa hwalana, hwa ò òhwa hweyà ema hwe ò gbèyɛ̀nɛ ò e hvònda ema e ò jɛ̀ɛ̀. Imberza ja anyu jò ò ɛnɛ jɛ̀nɛ̀nì ema jò uwɛ̀lɛ̀lɛ̀yi ò mba ami, hwàmbaki hwa anyu hvɛ hwa ò ɔ̀tɔ̀ indɔ̀tɔ̀.

Hwègbèèlì 22:12

“O ma hwɛ munyanà mɔ̀kɔ ò eŋge mbòwa ndɛnɛ ya Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. A ma hwɛ ndi mòtò ema à mà òŋgama Lohwɛ̀ ehve-ehve, ema à mà ika imbenda ja arzu ja wònyà Yudà. Ndeŋgànɛ̀lɛ̀ à mà ŋgbààhwà èluhwe rzayi-rzayi na hwatò hwa arzɛ hwa wònyà Yudà ema hwà mà hwɛ lì lìya ò eŋge mbòwa.

Hwègbèèlì 9:12

ndèŋgànà à hwèlì lì ɛnɛ̀ jɛ̀nɛ̀nì. Ò tènì yà iŋgi jɛ̀nɛ̀nì, mɔ̀ à ɛni mòtò ema à hwɛ̀lɛ̀hwɛ̀ Ànàniyarzì ema à kpèèlì rzi à mò hwàkɛ màà mà eni aŋga nanù mɔ̀ à ò ɛnɛ̀ hvɛ.”

Hwègbèèlì 9:9

O tenì ya mèènyà meyàwò à mà hwɛ ndima. O eŋge hvònda ya arzɛ a rzi lèè tɔ̀ lì nyɔ tɔ̀ yòma.

2 Kɔ̀rintìyà 11:32

È hvonda nà mà hwɛ o e mbowà ya Dàmàrzkɔ̀rzì, e mòkànèlì ema à mà hwɛ o rze ya lìkànèyà la ama e kiŋgɛ̀ Arɛ̀tàrzì, à mà ika hwàànà njùma o lì ɔ̀ŋgeyà mawohvà mà arzɛ ma e kɔ̀tɔ̀ ya mbowà ema hwa na o lɛmbɛ.

Gàletìyà 1:17

Nà rzi ɛndɛ hvɛ tɔ̀ o Jèrurzalɛ̀mù lì ɛnɛ hvɛ tɔ̀ hwaŋga ema hwà mà loma lì hwɛ i àpɔ̀rzìtòlò ndeŋgànɛ̀lɛ̀ imba na e hwɛ mɔ̀kɔ. Ndi nà mà ɛndɛ ndi ŋgelì hvɔ̀kɔ o erzòokà ya Arèbìyà, rzìi na timba hvɛ o mbowà ndɛnɛ ya Dàmàrzkɔ̀rzì.