Hwègbèèlì 8:9 - Mokpwe: Bakwery (New Testament)

⁹ Nàŋgɛ rzɔ ò mà hwɛ munyanà mɔ̀kɔ ò eŋge mbòwa, ema lìinà là eni lì mà hwɛ ndi Rzimɔ̀ni, à mà hwɛ lì gbeyà hweyà hwe mànyakà nà è ŋginyà yà eni yà mèrzòmba ò eŋge mbòwà ndɛ̀nɛ. Ndèŋgànɛ̀lɛ̀ mɔ̀ à mà tàmìrzɛ̀ hwatò hwa arzɛ hwa eŋge erzòòkà yà Rzàmàrìyà. À mà hwɛ lì ayèkìrzɛ̀ nanù ema tɔ̀ mòtò à rza mò uki.

Hwègbèèlì 8:9 Mawu Ofanana

Yòwanìrzɛ̀ 7:18

Tɔ̀ ima mòtò ema a òhwà na è wònjà ya eni a gbeyà ndi nanù ò lì arzɛlɛ èluhwe na mɔ̀ ŋmìti. Ndi e mɔ̀ ema a arza èluhwe ya e mɔ̀ ema a mò òmi, a hwèlì ehve-ehve a rza enje mòtò ema a kɔwu hweyà.

Hwègbèèlì 13:6

Hwà mà akeyà ò yòndi ya arzɛ natɛ̀ɛ hwa uka ò mbòwa ya Pàhvɔ̀rzì. Nà òma hwà mà uke aŋga, hwa ùŋmanɛlɛ ŋgaŋga hvɔ̀kɔ ya mbòwa ema e ma hwɛ̀lɛ̀hwɛ̀ Ba-Yerzù. A ma hwɛ ndi mòtò wà Yudà ema à mà ahwɛlɛ ŋmìti e mòòhwèlì wà èlìŋgɛ̀ wa ama Lohwɛ̀.

Hwègbèèlì 13:8

Ndi e mòtò ema lìinà la eni ò mbɔrzi ya Grìki lì ma hwɛ ndi Èlìmàrzì, a rzì hwa ŋgbe eŋge hvòlò. Mɔ̀ à mà arza nanù ema e mòtìmbèlì wa eŋge mbòwa, a rzi lòkɛ̀ ŋmɛ̀ndì mò gbamù.

Hwègbèèlì 5:36

O ŋmanà hvòka hvònda ema e ma aka, Tèwùdàrzì à mà jà, rzìi a ekirzɛ ò lì hwɛ yumɛ. Eyà ya hwègbe hweni hwe hwatò hwà mà mò òŋgama. A ma òŋwahwa, hwànɔ̀ŋgèlì hwe eni hwa arzɛ hwà mà kuwa lì bùweyà, ndèŋgànɛ̀lɛ̀ ehvehva ya eni yɔ hvɛ e ma ŋwa.

Hwègbèèlì 8:11

Wɔ̀ hwà mà mò òŋgama èhwanja, ò è hvònda ema è mà aka, mɔ̀ à mà hwa tàmìrzɛ̀ nà lìyaŋga là eni ema à mà hwɛ lì aŋgba.

2 Tɛ̀rzàlonìyà 2:4

Mɔ̀ à ò teŋgɛ̀nɛ̀ tɔ̀ ima yoma ema è hwɛ̀lɛ̀hwɛ̀ lìinà nanù ema lohwà, tɔ̀ enìmìnìmì ema hwa kànɛ̀lɛ̀lɛ̀, rzìi à ò akàrzɛ mɔ̀ ŋmìti ò lì hwa aka. À ò kpèeyà, rzìi a o lìya tɔ̀ ò tenì yà è ndawò yà Lohwà, rzìi à ahwɛlɛ mɔ̀ ŋmìti nanù ema à hwèlì ndi Lohwɛ̀.

2 Tìmotì 3:2

O eŋge hvonda o hwɛ hwatò hwa ikuka, hwatò ema hwa lìŋgàni wolì, hwaŋga ema hwa ayèkirzɛ̀, hwaŋga ema hwa hwɛnyɛnɛ, hwaŋga ema hwa rza hweyàna irzàŋgo na inyàŋgo ja awu, hwaŋga ema hwa rza ekɛnɛ na hwatò ema hwa rza gbeyà mamɛ ema Lohwɛ̀ a arza nanù ema hwa gbeye.

2 Tìmotì 3:5

O ò hwɛ hwatò ema hwa awuŋmɛ̀lɛ̀ ò à ɛnɛ oma hwa gbeyà ndi mamɛ Lohwɛ̀ a arza, ndi hwa rza o arza nanù ema e ŋginyà ya ama Lohwɛ̀ e tikowe mòŋgɛ ma awu. O rzi ɛndɛ o toŋgoŋgo ya lìŋgi lìtumba la hwatò.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.