Hwègbèèlì 8:7 - Mokpwe: Bakwery (New Testament)

⁷ Hvìlìpì mɔ̀ à mà gbeyà hwèlìŋgɛ̀ hwe wòhwe hwe mà anjiya nà mòrzeya mòndɛ̀nɛ̀ ò inyò jà rzayi-rzayi jà hwatò. Hwatò rzayi-rzayi ema hwa mà ɔ̀kirzɛ̀ è nyàmbɛ yà njɛmbu nà mbòkò, hwa mà wɔ̀wìrzɛ̀hwɛ̀.

Hwègbèèlì 8:7 Mawu Ofanana

Matiyò 10:1

O mburza hvònda Yerzù à mà rzàŋga lìyòmɛ̀ la eni la Hwà-òkòwèlì nà hwàhwàkɛ̀. Rzìi à hwa ŋgbà è wònjà ya lì hvayà hwèlìŋgɛ̀ hwe wòhwe ò inyò ja hwatò, na ò lì wɔ̀wìrzɛ̀ hwà-òkèlì nà inyayi ja nyàmbɛ̀ ja arzɛ.

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Makòrzì 9:26

Èŋgè èlìŋgɛ̀ e ma tɛɛ nà ŋginyà, e mò rzòkòmɛlɛ̀ nà ŋginyà rzìi e wurzà. Oŋgò ŋmanà a mà ɛnɛya ndi nàa èèmbè ò marzò mà hwatò. Lòŋgò la hwatò hwa mà òhwa nanù ema, “A ma ŋwa.”

Lukàrzɛ̀ 10:17

Mènì Lìrzàmba me hwà-òkòwèlì nà hwàhwàkɛ̀ ema Yerzù a mà òme hwa mà mò tìmbeya. Hwa mà mò òhweyà nà mɔ̀nyɛ̀ŋgì nanù ema, “Rzàŋgò e! Tɔ̀ hwèlìŋgɛ̀ hwe wòhwe hwe mà jò arzìrzɛ̀ nà òmà imà tuhwe lìinà la aŋgɔ̀.”

Yòwanìrzɛ̀ 14:12

Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Hwègbèèlì 5:16

Ŋgindi ya hwatò ema e ma uwɛ̀lɛ̀lɛ̀yi ò màmbowà ema mà kòmbɛ̀nɛ̀ Jèrurzalɛ̀mù, hwa jànà hwà-òkèlì hwe awu, na hwaŋga ema hwà mà tàkìrzɛ̀hwɛ na hwèlìŋgɛ̀ hwe wòhwe. I àpɔ̀rzìtòlò i ma hwa wɔ̀wìrzɛ̀ wɔ̀ hwa arzɛ.

Hwègbèèlì 8:6

È ŋgindi è mà òkànèyà nɔ̀ke-nɔ̀ke mamɛ yà arzɛ ema Hvìlìpì à mà hwa òhweyà. Wɔ̀ hwa mà mò òkànèyà nà lì ɛnɛ hvɛ hwèmbànèlì hwe mànyakà ema mɔ̀ à mà gbèye.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.