Hwègbèèlì 8:2 - Mokpwe: Bakwery (New Testament)

² Ŋgurzu ja hwatò ema hwà mà ika mèèmà me awu me arzɛ ò lì gbèeyà Lohwɛ̀, hwà mà imeya Rzìtehvànɛ. Hwà mà hwɛ ò lì mò eyà na ò lì mò ɛhwɛ.

Hwègbèèlì 8:2 Mawu Ofanana

Makòrzì 6:29

Nà òmà hwà-òkòwèlì hwa ama Yòwanìrzɛ̀ hwà mà hweye nanù, rzìi hwa jà lì wòwa èèmbè ya eni, hwa e imeya.

Lukàrzɛ̀ 2:25

O èŋge hvònda, ò mà hwɛ mùnyanà ò Jèrurzalɛ̀mù, à ma hwɛ̀lɛ̀hwɛ̀ Rzimìyɔ̀nì. Ò nò mùnyanà à mà tɛ̀mɛ̀ ehve-ehve, nà lì òkà Lohwɛ̀ wɔ̀ŋgɔ̀. À mà ambɛlɛlɛ è hvònda ema Lohwɛ̀ à mà hwɛnɛ lì òŋgìrzɛ̀ hwatò hwa Irzàyɛ̀lì, Èlìŋgɛ̀ yà Wòtani e mà hwɛ nà mɔ̀.

Hwègbèèlì 10:2

Kɔ̀nɛlìyurzi à mà hwɛ̀ ndi mòtò ema à mà hwɛ lì òŋgama hweyà hwe ama Lohwɛ̀. Mɔ̀ na lìtumba la eni la arzɛ hwà mà gbèeyà Lohwɛ̀. A ma òŋgòwàna mèlìrza me hwatò me wònyà Yudà. A ma kanɛ̀ hvɛ Lohwɛ̀ ihvònda ja arzɛ.

Hwègbèèlì 2:5

O eŋge hvònda, wònyà Yudà ema hwà mà hwɛ lì kanɛ̀ Lohwɛ̀ hwà mà hwɛ ò Jèrurzalɛ̀mù. Hwanu hwatò hwà mà uwɛ̀lɛ̀lɛ̀yi hwehvɛhvɛ hweki ò e rze yà mɔ̀nyɛ̀.

Hwègbèèlì 8:1

Rzàwòlò à mà ukeya ndèŋgànɛ̀lɛ̀ mɔ̀ à mà emeyà nanù ema hwa òŋwe Rzìtehvànɛ. O wòŋgò wùnyà mɛnɛ ŋmèmba mò Jèrurzalɛ̀mù me ma tàkìrzɛ̀hwɛ ŋginyà ò màà mà wònyà Yudà. Hwàlòkèlì hwa arzɛ hwà mà kuwa lì wuhweyà ò hwèrzòòkà hwe arzɛ hwe Jùdeyà na Rzàmàrìyà. Ndi I àpɔ̀rzìtòlò mɛnɛ ndi i ma lìiya.

Hwègbèèlì 8:3

Ndi Rzàwòlò mɔ̀ à mà arza ndi ò lì hvaŋga ŋmèmba. À mà lìŋgòwa ndawò nà ndawò tɛ, rzìi a rzììmà hwàlòkèlì, è wɔ̀ hwa wunyanà nà è wɔ̀ hwa hwalanà. Rzìi à hwa aŋgɛ wɔ̀ hwa arzɛ ò hwèwòwà.