Hwègbèèlì 8:12 - Mokpwe: Bakwery (New Testament)

¹² Ndì nà òma wɔ̀ hwa mà lòkɛ̀yi Hvìlìpì nà òma mɔ̀ à mà òhwe Ŋmɛ̀ndì mò gbamù mò lìkànèyà là ama Lohwɛ̀, nà lì hvòmɛ̀nɛ̀ Yerzù Krirztò, wunyanà nà hwààlanà hwa arzɛ hwa mà lùhwìrzɛ̀hwɛ̀.

Hwègbèèlì 8:12 Mawu Ofanana

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Lukàrzɛ̀ 9:2

Rzìi à hwa òma ema hwa ɛ̀ndɛ hwa òhwe Ŋmɛ̀ndì mò Gbamù mò Lìkànèyà là ama Lohwɛ̀, nà lì wɔ̀wìrzɛ̀ hvɛ hwatò.

Lukàrzɛ̀ 9:60

Yerzù à mà mò alàhwɛ̀ nanù ema, “Hwɛ̀mɛ̀ hwaŋga hwatò ema hwà mà ŋwɛ, hwa ìmeyà hwaŋga hwatò ema hwa ŋwelì. Ò wa ɛ̀ndɛ ò òhwèyà è rze Ŋmɛ̀ndì mò Gbamù mò Lìkànèyà là ama Lohwɛ̀.”

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

Hwègbèèlì 11:20

Ndi tɔ̀ nanù, lòŋgò la hwàlòkèlì ema hwà mà uwɛ̀lɛ̀lɛ̀yi ò mbòwa ya Rzàyìprɔ̀rzì na Rzìlènè, hwà mà ɛ̀ndɛ ò mbòwà ya Antìyɔ̀kì, hwà mà hwɛ lì òhweyà hvɛ hwatò hwa Grìki, na ò lì hwa òhweyà ŋmɛ̀ndì mò gbamù lì hvòmɛ̀nɛ̀ e Rzàŋgò Yerzù.

Hwègbèèlì 18:8

Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

Hwègbèèlì 19:5

Nà òma hwaŋga hwatò hwà mà hweye mamɛ ema Pàwolò à mà òhwe, hwà mà hwa lùhwìrzɛ̀ lì akeyà na lìinà la ama e Rzàŋgò Yerzù.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Hwègbèèlì 20:25

“Nà ma hwɛ na inyɔ, rzìi na a e òhweyà lì hvòmɛ̀nɛ̀ lìkànèyà la ama Lohwɛ̀. O naŋgɛ na hwi nanù ema tɔ mɔ̀kɔ wa anyu a rza ò nò ɛnɛ hvɛ.

Hwègbèèlì 28:31

À mà hwɛ lì òhwa ŋmɛ̀ndì lì hvòmɛ̀nɛ̀ lìkànèyà là ama Lohwɛ̀ ndèŋganɛlɛ à mà hwɛ lì òkòlɛ̀ hwatò lì hvòmɛ̀nɛ̀ Rzàŋgò Yerzù Krirztò è rzi hwɛ lì òka tɔ̀ wɔ̀ŋgɔ̀, ndèŋgànɛlɛ tɔ̀ mòtò a rzi mò keka ò lì òhwa tɔ̀ eyà tɔ̀ yɔ̀kɔ.

Hwègbèèlì 5:14

Ndi tɔ̀ nanù rzayì-rzayì ja wunyanà na hwalana ema hwà mà lòkɛ̀ e Rzàŋgò Yerzù, hwà mà hwɛ lì kpèeyà ò ehvehva ya awu ndèŋgànɛ̀lɛ̀ mɔ̀rzɔ̀ŋgi mò hwatò ema mò ma lòkɛ̀ mò ma hwɛ lì ahwàtɛ.

Hwègbèèlì 8:4

Hwàŋga hwàlòkèlì ema hwa mà wuhweyà hwa mà òhwa Ŋmɛ̀ndì mò Gbamù ò hwèki hwe arzɛ ema hwa mà ɛ̀ndɛ̀.

Ròmànì 10:10

Èhwanja ò lì akeyà na lì lòkɛ̀ la arzu ɔ̀ndi irzɔ ji ikahwa ehve-ehve na Lohwɛ̀. I rzùŋgàhwa ndi ò lì akeyà na lì purzɛlɛ la arzu.

1 Kɔ̀rintìyà 11:11

Nà oma i hwèlì ndi mòtò mɔ̀kɔ na e Rzàŋgo molanà a rza tanɛ lì hwɛ e rzi hwɛ e mùnyanà, e mùnyanà mɔhvɛ a rza tànɛyi lì hwɛ e rzi hwɛ e molanà.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.