Hwègbèèlì 8:10 - Mokpwe: Bakwery (New Testament)

¹⁰ Ndèŋgànà hwatò hwa arzɛ hwa eŋge mbòwa, hwèyùmɛ̀ nà hwatò hwa ŋgundu, hwa mà hwɛ lì mò òhwàna nanù ema, “Onò munyanà à hwɛni ndi è ŋginyà yà ama Lohwɛ̀ ema è hwɛ̀lɛ̀hwɛ̀ è Ngiŋya Ndɛnɛ.”

Hwègbèèlì 8:10 Mawu Ofanana

Hwègbèèlì 14:11

È hvònda e ŋgìndì e ma ɛnɛ eyà Pàwolò a gbèyi, hwà mà tɛ ò mbɔrzi ya hwatò hwa Lìkònìyà nanù ema, “Mòhwà ma mà jà ò rze ndèŋganɛlɛ hwà mà timba hwatò hwa hwènàmà ò lì jò òŋgòwànà.”

Hwègbèèlì 28:6

Hwà mà hwɛ lì ambɛ̀lɛ ŋga e nyò ya eni e iita ŋga a ɔ̀tɔ̀ ŋgèlì hvɔ̀kɔ rzìi a ŋwa. Ndi e hvònda ema hwà mà ambɛ̀lɛ hvòka ya hvònda rzìi hwa ɛnɛ nanù ema tɔ̀ eyà e rza mò gbèyɛ̀nɛ, hwà mà eŋgòwa mèèmà me awu rzìi hwa òhwa nanù ema ònò mòtò a hwèlì ndi Lohwɛ̀.

1 Kɔ̀rintìyà 1:24

Ndi Lohwɛ̀ à hwɛlɛyi hwatò ò lì rzuŋgahwa. Lòŋgò là awu hwa hwèlì ndi wònyà Yudà hwanɛyi hvɛ hwatò hwa Grìki. Ò hwanù hwatò monò ŋmɛ̀ndì ema ì ohwa mò hwèlì ndi Krirztò, Mɔ̀ ndi à hwèlì è ŋginyà yà ama Lohwɛ̀ nà lìhwiyè là ama Lohwɛ̀.

2 Kɔ̀rintìyà 11:19

Inyɔ hwiti e ohwa nanù ema e ohvi lìhwiyè, eŋge eyà e ma e gbeyà e emeyà na mɔ̀nyɛ̀ŋgì hweyà ema hweti hwe hwatò hwa e ohweyà.

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

2 Pètrò 2:2

Hvɛ tɔ̀ nanù, rzayi-rzayi ja hwatò hwa o òŋgama ndi hweyà hwe mbindo ema hwe hwaŋga hwà-òkòlèlì hwa mòlàŋga. Èhwànja o mamɛ ema wɔ̀ hwa gbeyà, hwatò hwa o òhwa wòhwe o hweyà hwe e Njiya ya jɔ̀kɛ̀.

Hwèwulùwèlì 13:3

Mòòhvò mɔ̀kɔ mo èŋge èembe mo ma ɛneya ndi o a ɛnɛ oma mo ma hwènìrzɛ̀hwɛ̀ ŋginyà, ndi èhwènà ndɛnɛ e ma hwɛ e ma wɔ̀wɔ̀. Hwàto hwa e rze ya mɔ̀nyɛ̀ ya arzɛ hwà mà tàmà rzìi hwa wòteya lì oŋgama èŋge èembe.