Hwègbèèlì 7:2 - Mokpwe: Bakwery (New Testament)

² Rzìtehvànɛ rzìi a alàhwɛ̀ wòlìya wò mbòwa nanù ema, “Wònyamòwè na hwa tààtɛ̀, e nò òkànèyà tɛ. Lòohwà la èluhwe lì ma wurzeya rzàŋgò wa arzu Abràhamù e hvònda ema à mà hwɛ ò erzòòkà ya Mèrzòpòtemìyà ndèŋgànà mɔ̀ à e ɛ̀ndɛ ò lì lìya ò e mbòwa ya Halànì.

Hwègbèèlì 7:2 Mawu Ofanana

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 12:41

Àyìrzayà à mà òhwa ndi nanù èhwanja à mà ɛnɛ èluhwe ndɛnɛ yà ama Yerzù ɔ̀ndeŋgàtɛ̀ à mà òhwa lì mò hvòmɛ̀nɛ̀.

Hwègbèèlì 22:1

“Hwa tatɛ̀ na wònyànyàŋgò hwa ami, e nò òkànèyà na òma na kàya mònò ŋmàŋgò ema na rza òhvɛ tɔ̀ njɔ̀mi ò màrzò ma anyu.”

Hwègbèèlì 23:7

Nà òma Pàwolò à mà kulɛ lì òhwa nanù, hwatò hwa ehvehva ya Ihvàlìrzàyì na e wɔ hwa ehvehva ya Rzàdùrzì hwa wòteyà lì tɔ̀wɔ mòtàŋgò. O eŋgànɛ̀lɛ̀ wòlìya wò ma kàhwahwa.

Hwègbèèlì 7:1

È Pìlìrzì e karzami e ma ijòwa Rzìtehvànɛ nanù ema, “Hwene hweyà ema hwa òhwa lì ò teŋgɛ̀nɛ̀ hwe hwèlì ndi e jɔ̀kɛ̀ e?”

1 Kɔ̀rintìyà 2:8

Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.

Ɛ̀hvìrzìyà 1:17

Ndèŋgànɛ̀lɛ̀ nà kanɛ̀ ndi nanù ema Lòohwà là ama Rzàŋgo yà arzu Yerzù Krirztò, Tatɛ̀ yà èluhwe, à è ŋgbe Èlìŋgɛ̀ yà Wòtani nà ò lì rzɔ̀ŋgìtɛ̀nɛ̀ iŋgi wùndɛ̀ jà hweyà ema hwe utamì aŋga nanù è hwe hwiya gbamù.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 11:8

Lìlòkɛ̀ lɔ̀ ndi lì ma gbeyà ema Abràhamù a hweyàne Lohwɛ̀, e hvonda ema Lohwɛ̀ à mà mo òhweyà ema a anjiya o e mbowà ema à mà lìya lì ɛ̀ndɛ lì lìya o ehvɛhvɛ èki ema mɔ̀ à mà mo rzekeya ema a lìye. A ma hweyàna Lohwɛ̀, rzìi a ɛ̀ndɛ, tɔ̀ nɛ mɔ̀ à rzìi hwiye èki ema à mà hwɛ lì ɛndɛ.

Jèmìrzì 2:1

Wònyànyàŋgo wa ami kòkò. Inyɔ nàa hwàlòkèlì hwa ama Rzàŋgo wa arzu Yerzù Krirztò, e Rzàŋgo ema èluhwe ya eni e kàrzàmi, inyɔ e rza àŋgàmɛ̀nɛ̀yi lì ɛnɛ tɔ̀ ima mòtò rzìi e mo wowa o a ɛnɛ oma a ohvi wòlìto tɔ̀ a rza ohvi wòlìto.

Hwèwulùwèlì 4:11

“Ìi Rzàŋgo hwa arzu nà Lòohwà là arzu, ò àŋgàmɛ̀nɛ̀yi lì lùwa wonyàki, èluhwe nà màyìmbì, ehwànja ò wà ndi ò hwèlì è mɔ̀ ema à wèki hwèèmà hwe arzɛ, ndèŋgànɛlɛ ò lì emeyà là aŋgɔ hwe arzɛ hwe mà wèkàhwà nà lì hwɛnɛ hwèhwɛ̀ɛ̀lì hwe awu.”