Hwègbèèlì 6:8 - Mokpwe: Bakwery (New Testament)

⁸ Nàŋgɛ Rzìtehvànɛ à mà hwɛ ndi mòtò ema lòŋgɛ la eni lì ma hwɛ lì uŋmɛ̀lɛ̀ e ndèli ya ama Lohwɛ̀ rzayi-rzayi. A ma hwɛnɛ ŋginyà ò lì gbeyà hweyà hwe ndɛnɛ hwe mànyakà ò ìtììtènì ja hwatò.

Hwègbèèlì 6:8 Mawu Ofanana

Yòwanìrzɛ̀ 4:48

Yerzù rzìi à mò òhweyà nanù ema, “È rza lòkɛ̀! Nàtɛ̀ɛ inyɔ hwanù hwatò è ɛnɛ hwèèmbànèlì nà mànyàka.”

Hwègbèèlì 6:10

Ndi Èlìŋgɛ̀ yà Wòtani e ma mò ŋgba nyayi tumba ya lìhwiyè ema mɔ̀ à mà òhwa tɛ eyà wɔ̀ hwa rzìi tànɛyi ò lì eŋgòwa.

Hwègbèèlì 6:15

Hwatò hwa arzɛ ema hwà mà hwɛ ò wòŋgò wòlìya hwà mà rzòkɛ Rzìtehvànɛ mìirzɔ̀ rzìi hwa ɛnɛ nanù ema wòrzò wò eni wò ma hvànya ndi nàa wòrzò wò aŋgèlì.

Hwègbèèlì 6:3

O èŋgànɛ̀lɛ̀ rzɔ wònyàmòwe kòkò, e hvɔ̀rzè lìrzamba la wunyanà ò ìtììtènì ja anyu ema hwa hwɛnì lì lòkɛ̀ hwa òndi hvɛ na Èlìŋgɛ̀ yà Wòtani, ndèŋgànà hwa òhvi hvɛ lìhwiyè. Wɔ̀ ndi irzɔ i ŋgbàà ene èwòlò.

Hwègbèèlì 6:5

Ène eyà ema I àpɔ̀rzìtòlò i ma òhwe e ma lìŋgìrzɛ e ŋgìndì ya arzɛ. Aŋga ndi hwa a hvɔ̀rzɔ̀ Rzìtehvànɛ mɔ̀kɔ ema à mà òhva lìlòkɛ̀ la ŋginyà à mà ònda hvɛ na Èlìŋgɛ̀ yà Wòtani, hwà mà hvɔ̀rzɔ̀ hvɛ Hvìlìpì, Pròkòrùrzì, Nìkanò, Tìmɔ̀nɛ̀, Pàmɛ̀nàrzì na Nìkòlàrzì. Nìkòlàrzì à mà uwɛ̀lɛ̀lɛ̀yi ndi ò mbòwa ya Antìyɔ̀kì a rzi hwɛ ndi mòtò wà Yudà, ndi à mà òŋgama lìlòkɛ̀ la wònyà Yudà.

Hwègbèèlì 7:55

Ndi kanatɛ Rzìtehvànɛ à mà ònde nà Èlìŋgɛ̀ yà Wòtani, à mà ɔŋgɔ̀ ò ŋmanyu yà lohwà, rzi à ɛnɛ ŋmàye mò òma Lohwɛ̀, nà Yerzù ema à tɛ̀mì ò ehvàrzu yà lìya là mòmɛ̀ là ama Lohwɛ̀.

Hwègbèèlì 8:6

È ŋgindi è mà òkànèyà nɔ̀ke-nɔ̀ke mamɛ yà arzɛ ema Hvìlìpì à mà hwa òhweyà. Wɔ̀ hwa mà mò òkànèyà nà lì ɛnɛ hvɛ hwèmbànèlì hwe mànyakà ema mɔ̀ à mà gbèye.

Ɛ̀hvìrzìyà 4:11

Mɔ̀ ndi à ŋgbàa hwatò màahweyà. A ma gbeyà lòŋgo la hwatò ò lì hwɛ i àpɔ̀rzìtòlò, lòŋgo hwà-òhwèlì hwa hwèlìŋgɛ̀, lòŋgo hwa-ɛndɛ̀nàmɛ̀ɛndi, lòŋgo hwàtìmbèlì hwa hwatò ema hwa lòkɛ̀yi, ndèŋgàna à mà gbèeyà lòŋgo hwà-òkòlèlì o lì okòlɛ̀ hwatò ema hwa lòkɛ̀.

1 Tìmotì 3:13

Nà ohwa ndi nanù èhwanja, hwatò ema hwa oŋgowàna o lì gbeyà èwòlò ò ŋmèmba hwa gbeyà tɛ èwòlò ya gbamù, hwatò hwa hwà ŋgba èluhwe. Ène e hwa gbeyà o lì ohva ŋmèma mo lì ohwa lì hvomɛ̀nɛ̀ lì lòkɛ̀ ema hwa ohvani Yerzù Krirztò.