Hwègbèèlì 6:5 - Mokpwe: Bakwery (New Testament)

⁵ Ène eyà ema I àpɔ̀rzìtòlò i ma òhwe e ma lìŋgìrzɛ e ŋgìndì ya arzɛ. Aŋga ndi hwa a hvɔ̀rzɔ̀ Rzìtehvànɛ mɔ̀kɔ ema à mà òhva lìlòkɛ̀ la ŋginyà à mà ònda hvɛ na Èlìŋgɛ̀ yà Wòtani, hwà mà hvɔ̀rzɔ̀ hvɛ Hvìlìpì, Pròkòrùrzì, Nìkanò, Tìmɔ̀nɛ̀, Pàmɛ̀nàrzì na Nìkòlàrzì. Nìkòlàrzì à mà uwɛ̀lɛ̀lɛ̀yi ndi ò mbòwa ya Antìyɔ̀kì a rzi hwɛ ndi mòtò wà Yudà, ndi à mà òŋgama lìlòkɛ̀ la wònyà Yudà.

Hwègbèèlì 6:5 Mawu Ofanana

Matiyò 23:15

Mòjèmà na inyɔ Hwà-òkòlèlì hwa mbenda na inyɔ Hvàlìrzàyì, e hwèlì ndi hwatò hwa mèhvìlì! È lìŋgòwa ò èkòmè yɔ̀kɔ tɛ na enɛyi aŋga nanù e lùwa mòtò mɔ̀kɔ ema a tànɛyi lì e lata. Ndi mɔ̀ à e lati tɛ, inyɔ e mò hvaŋga nyayi ema mɔ̀ à hwɛni lì luwa kɔ̀kìrzɛ̀ ya ŋgelì ihwàkɛ ya mùùnya ema mò rza lìma lì aka tɔ̀ inyɔ.

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Hwègbèèlì 11:20

Ndi tɔ̀ nanù, lòŋgò la hwàlòkèlì ema hwà mà uwɛ̀lɛ̀lɛ̀yi ò mbòwa ya Rzàyìprɔ̀rzì na Rzìlènè, hwà mà ɛ̀ndɛ ò mbòwà ya Antìyɔ̀kì, hwà mà hwɛ lì òhweyà hvɛ hwatò hwa Grìki, na ò lì hwa òhweyà ŋmɛ̀ndì mò gbamù lì hvòmɛ̀nɛ̀ e Rzàŋgò Yerzù.

Hwègbèèlì 11:22

Mòŋgò mòndeŋga mò ma hweyàhwà ò ŋmèmba mò hwatò hwa Jèrurzalɛ̀mù. O eŋgànɛ̀lɛ̀ hwà mà òma Bànàbàrzì ò mbòwà ya Antìyɔ̀kì ò lì ɛndɛ lì hwa ɛnɛ.

Hwègbèèlì 11:24

Bànàbàrzì à mà hwɛ ndi mòtò wa gbamù, à mà ònda na Èlìŋgɛ̀ yà Wòtani, à mà imbama hvɛ ò lì lòkɛ̀. Ndèŋgànɛ̀lɛ̀ rzayì-rzayì ja hwatò hwà mà tikòwahwa ò lì lòkɛ̀ Rzàŋgò.

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwègbèèlì 11:27

O ene hvònda ndi lòŋgò la hwà-òhwèlì hwa hwèlìŋgɛ̀ hwà mà anjiye ò mbòwa ya Jèrurzalɛ̀mù lì ɛ̀ndɛ ò mbòwà ya Antìyɔ̀kì.

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

Hwègbèèlì 15:22

O èŋgànɛ̀lɛ̀ I àpɔ̀rzìtòlò na hwàtimbèlì hwa ŋmèmba na ŋmèmba mò arzɛ hwà mà kulɛ nanù ema, hwa hvɔ̀rzɔ̀ e hwa awu hwatò rzìi hwà hwa òma ò Antìyɔ̀kì mòndèŋge na Pàwolò na Bànàbàrzì. Wɔ̀ hwà mà hvɔ̀rzɔ̀ Jùdàrzì ema à mà hwɛ̀lɛ̀hwɛ̀ Bàrzabàrzì na Rzàyilàrzì, wunyanà ema hwà mà hwɛ hwàtimbèlì ò tenì ya hwàlòkèlì.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 21:8

O wònɛyi wùnyà irzɔ i ma anjiya ò mbòwa ya Tòlɛmàyìrzì rzi jò uka ò mbòwa ya Kàyìrzèrìyà. Nà òma i ma uke aŋga, i ma kpèeyà ò e ndawò ya ama Hvìlìpì e mòòhwèlì wà ŋmɛ̀ndì mò gbamù, rzi i lìya na mɔ̀. Mɔ̀ à mà hwɛ ndi mɔ̀kɔ wà lìrzàmba la wunyanà ema hwà mà hvɔ̀rzɔ̀wɔ̀ nàa hwà-òŋgòwànèlì ò ŋmèmba mò Jèrurzalɛ̀mù.

Hwègbèèlì 22:20

È hvònda ema hwa mà òŋwe Rzìtehvànɛ ema à mà hwɛ lì òhwa hweyà lì ò hvòmɛ̀nɛ̀, imba mbiti nà mà hwɛ aŋga. Nà mà emeyà nanù ema à òŋwahwe ndèŋgànɛlɛ imba ndi nà mà òhva mààtù mà hwaŋga hwatò ema hwa mà mò òŋwa.’

Hwègbèèlì 6:10

Ndi Èlìŋgɛ̀ yà Wòtani e ma mò ŋgba nyayi tumba ya lìhwiyè ema mɔ̀ à mà òhwa tɛ eyà wɔ̀ hwa rzìi tànɛyi ò lì eŋgòwa.

Hwègbèèlì 6:3

O èŋgànɛ̀lɛ̀ rzɔ wònyàmòwe kòkò, e hvɔ̀rzè lìrzamba la wunyanà ò ìtììtènì ja anyu ema hwa hwɛnì lì lòkɛ̀ hwa òndi hvɛ na Èlìŋgɛ̀ yà Wòtani, ndèŋgànà hwa òhvi hvɛ lìhwiyè. Wɔ̀ ndi irzɔ i ŋgbàà ene èwòlò.

Hwègbèèlì 6:8

Nàŋgɛ Rzìtehvànɛ à mà hwɛ ndi mòtò ema lòŋgɛ la eni lì ma hwɛ lì uŋmɛ̀lɛ̀ e ndèli ya ama Lohwɛ̀ rzayi-rzayi. A ma hwɛnɛ ŋginyà ò lì gbeyà hweyà hwe ndɛnɛ hwe mànyakà ò ìtììtènì ja hwatò.

Hwègbèèlì 7:1

È Pìlìrzì e karzami e ma ijòwa Rzìtehvànɛ nanù ema, “Hwene hweyà ema hwa òhwa lì ò teŋgɛ̀nɛ̀ hwe hwèlì ndi e jɔ̀kɛ̀ e?”

Hwèwulùwèlì 2:15

Ò ŋgànà hvɔ̀kɔ hvɛ mɛnɛ, ò hwèlì lòŋgo là hwatò ò ìtììtènì jà anyu ema hwa oŋgama lìlòkɛ̀ ema Nìkòlàwùrzì à okòlɛ.

Hwèwulùwèlì 2:6

Ndi eyà ya gbàmu ema e gbeyà, e hwèlì ndi nanù ema inyɔ e rzi ikayi mèèmà me anyu o hweyà hwe hwatò hwa ehvehva ya ama Nìkòlàrzì na oma imba hvɛ na rzi ikayi.