Hwègbèèlì 6:3 - Mokpwe: Bakwery (New Testament)

³ O èŋgànɛ̀lɛ̀ rzɔ wònyàmòwe kòkò, e hvɔ̀rzè lìrzamba la wunyanà ò ìtììtènì ja anyu ema hwa hwɛnì lì lòkɛ̀ hwa òndi hvɛ na Èlìŋgɛ̀ yà Wòtani, ndèŋgànà hwa òhvi hvɛ lìhwiyè. Wɔ̀ ndi irzɔ i ŋgbàà ene èwòlò.

Hwègbèèlì 6:3 Mawu Ofanana

Matiyò 23:8

Ndi inyɔ e rzi keka lì emeyà nanù ema hwatò hwe hwɛlɛ ‘Mòòkòlèlì,’ èhwanja inyɔ hwa arzɛ e yahwì ndèŋgànɛ̀lɛ̀ hvɛ e òhvi ndi Mòòkòlèlì mɔ̀kɔ.

Yòwanìrzɛ̀ 21:23

Àŋga ndì è mà òhwàhwè ò ìtììtènì jà hwatò ema hwa mà hwɛ lì nɔŋgɔ Yerzù èki yà arzɛ nanù ema òŋgò Mòòkòwèlì wà eni à rza ŋwa tɔ̀ nɛ Yerzù à rzi òhwe nanù ema à rza ŋwa. À mà òhwa ndì nanù ema, “Nà àrzi tɛ ema à hwɛ lòŋgɛ natɛ̀ɛ nà jà mamɛ eŋge yè è ɔ̀ŋgɔ e?”

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 1:21

“O èŋgànɛ̀lɛ̀ rzɔ i hwɛnì lì hvɔ̀rzɔ̀ munyanà mɔ̀kɔ. Oŋgò mòtò a hwɛni ndi lì hwɛ mòtò ema à mà hwɛ̀ɛ na irzɔ ihvònda ja arzɛ ema irzɔ na Rzàŋgò wa arzu Yerzù Krirztò i ma hwɛ lì awa e ekì ya arzɛ,

Hwègbèèlì 10:22

Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”

Hwègbèèlì 15:23

È kààtì ema hwà mà hwa òmane ò Antìyɔ̀kì e ma òhwa nanù ema, “Irzɔ I àpɔ̀rzìtòlò, na hwàtimbèlì hwa ŋmèmba, ema i hwèlì wònyànyàŋgò hwa anyu jò e òmelì inyɔ wònyànyàŋgò hwa arzu hwa arzɛ ema e rza enje wònyà Yudà iikɔ̀mi. Inyɔ ema e lìya ò mbòwà ndɛnɛ ya Antìyɔ̀kì ò erzòòkà ya Rzìrìyà na Rzìlirzìyà.

Hwègbèèlì 16:2

Hwàlòkèlì hwa imbowà ndɛnɛ ja Lìrzìtìrà na Ikɔ̀nìyùmì hwà mà òhwa gbamù lì hvòmɛ̀nɛ̀ Tìmòtì.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 22:12

“O ma hwɛ munyanà mɔ̀kɔ ò eŋge mbòwa ndɛnɛ ya Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. A ma hwɛ ndi mòtò ema à mà òŋgama Lohwɛ̀ ehve-ehve, ema à mà ika imbenda ja arzu ja wònyà Yudà. Ndeŋgànɛ̀lɛ̀ à mà ŋgbààhwà èluhwe rzayi-rzayi na hwatò hwa arzɛ hwa wònyà Yudà ema hwà mà hwɛ lì lìya ò eŋge mbòwa.

Hwègbèèlì 28:14

I ma awùlùwɛ hwatò aŋga ema hwa lòkɛ̀yì Krirztò. Hwà mà jò òhweyà nanù ema i lìye na wɔ̀ mèenyà lìrzamba. I ma anjiye aŋga rzìi jò uka ò e mbòwà ndɛnɛ ya Ròmànì.

Hwègbèèlì 6:2

Aŋga ndi lìyòmɛ̀ la hwà-òkòwèlì na hwàhwàkɛ̀ hwa a rzàŋga hwàlòkèlì hwa arzɛ rzìi hwa hwà òhweyà nanù ema, “O rza ò jò lɔɔnɔ nanù ema, irzɔ i kìnyɛ̀lɛ̀ lì ohwa eyà ya ama Lohwɛ̀ ò lì arza nanù ema jò ɔŋgeya hwèkawèlì hwe wòlì.

Hwègbèèlì 6:5

Ène eyà ema I àpɔ̀rzìtòlò i ma òhwe e ma lìŋgìrzɛ e ŋgìndì ya arzɛ. Aŋga ndi hwa a hvɔ̀rzɔ̀ Rzìtehvànɛ mɔ̀kɔ ema à mà òhva lìlòkɛ̀ la ŋginyà à mà ònda hvɛ na Èlìŋgɛ̀ yà Wòtani, hwà mà hvɔ̀rzɔ̀ hvɛ Hvìlìpì, Pròkòrùrzì, Nìkanò, Tìmɔ̀nɛ̀, Pàmɛ̀nàrzì na Nìkòlàrzì. Nìkòlàrzì à mà uwɛ̀lɛ̀lɛ̀yi ndi ò mbòwa ya Antìyɔ̀kì a rzi hwɛ ndi mòtò wà Yudà, ndi à mà òŋgama lìlòkɛ̀ la wònyà Yudà.

Hwègbèèlì 6:6

Hwà mà jana hwanu hwatò ò wòrzò wò I àpɔ̀rzìtòlò. I àpɔ̀rzìtòlò rzìi i hwa kanɛ̀lɛ̀lɛ̀ i hwa hwàkɛ̀ hvɛ màa.

Hwègbèèlì 9:30

Nà òma hwàlòkèlì hwà mà àyɛ̀mbɛ̀ nanù ema ò hwèlì ŋmanò mò lì arza lì òŋwa Rzàwòlò, wɔ̀ hwà mà mò anjiyana lì mò ɛ̀ndɛ̀nɛ̀ ò mbòwa ya Kàyìrzèrìyà rzìi hwa mò òma ò mbòwa ya Tàrzùrzì.

1 Kɔ̀rintìyà 12:8

Èlìŋgɛ̀ yà Wòtani e lìyɛlɛ mòtò mɔ̀kɔ o lì ohwa hweyà hwe lìhwiyè, èŋge èlìŋgɛ̀ yà wòtani mɛnɛ e lìyɛlɛ o hvɛhvɛ mòtò o lì okolɛ̀ hwatò na lìhwiyè.

1 Kɔ̀rintìyà 16:3

Imba nà jelì tɛ, hwatò ema e hvɔ̀rzì na wa omana itita o lì wowa wòŋgo wolì ema e ma rzàŋgɛ o lì wo ɛ̀ndɛnɛ o mbowà ya Jèrurzàlɛ̀mù.

Ɛ̀hvìrzìyà 5:18

È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

Jèmìrzì 1:17

Tɔ̀ ima jàhwèyà ja gbamù nà tɔ̀ ima eyà ema e ondìrzɛhwɛyi gbamù, hwe uwɛ̀lɛ̀lɛ̀yi ndi o ma Tàtɛ ema a hwèlì o ŋmanyu yà lohwà. Tatɛ̀ ndi à weki hwèèmà hwe arzɛ ema hwe uŋmɛ̀lɛ̀ ŋmàye o ŋmanyu yà lohwà. Hwene hwèèmà hwe hvànya ŋmàye ndèŋgànɛ̀lɛ̀ mono ŋmàye mo ayèŋgowɛ̀ ndi Lohwɛ̀ a rza ayeŋgòwɛ̀.

3 Yòwanìrzɛ̀ 1:12

Tɔ̀ ima mòtò a ohwa nanù ema Dɛ̀mɛ̀trìyùrzì a hwèlì ndi mòtò wa gbamù. Lòŋgɛ la jɔ̀kɛ̀ ema mɔ̀ à lìya lì uŋmɛ̀lɛ̀ nanù ema a hwèlì ndi mòtò wa jɔ̀kɛ̀. Nà e ohweyà hvɛ nanù ema, mɔ̀ à hwèlì ndi mòtò wa gbamù, ndèŋgànɛlɛ e hwi nanù ema tɔ̀ mamɛ ema no òhwa e hwèlì ndi e jɔ̀kɛ̀.