Hwègbèèlì 6:12 - Mokpwe: Bakwery (New Testament)

¹² O ene ŋgàna rzɔ hwaŋga hwatò ema hwà mà teŋgɛ̀nɛ̀ Rzìtehvànɛ, rzìi hwa hvuŋguwa mèèmà me hwatò, hwàmbaki hwa mbòwa na hwà-òkòlèlì hwa mbenda. Hwà mà hvùma Rzìtehvànɛ rzìi hwa mò ɛ̀ndɛnɛ ò wòrzò wò wòlìya wò hwèkàyìrzèlì.

Hwègbèèlì 6:12 Mawu Ofanana

Matiyò 26:57

Hwàŋga ema hwa mà ŋgbaŋgɛ Yerzù hwa mà mò ɛ̀ndɛnɛ ò è ndawò yà ama Kàyìhvàrzì è Pìlìrzì ema è kàrzamì. Aŋga ndi Hwà-òkòlèlì hwa mbenda nà hwàmbaki hwa mbòwà hwa mà arzàŋganɛ.

Matiyò 5:22

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Lukàrzɛ̀ 20:1

Wùnya wɔ̀kɔ, Yerzù a mà hwɛ lì òkòlɛ̀ hwatò ò Ndawò yà Lohwà na lì òhwa Ŋmɛ̀ndì mò Gbamù, Ipìlìrzì ndɛnɛ, nà hwà-òkòlèlì hwa mbenda, nà hwàmbaki hwa mbòwa wɔ̀ hvɛ hwa mà mò jèeyà.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 14:2

Ndi lòŋgò la wònyà Yudà ema hwà mà rzɔ̀rzɔ̀ ò lì lòkɛ̀, hwà mà hvuŋguwa hwaŋga hwatò ema hwa rza enje wònyà Yudà, rzìi hwa hwà hvaŋga mèèmà me awu ò lì teŋgɛ̀nɛ̀ hwàlòkèlì hwa ama Yerzù.

Hwègbèèlì 17:13

Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 21:27

Nà òma hwèkuhwèlì me meŋge mèenyà lìrzamba me hwètànìrzèlì me ma kòmbɛnɛ, lòŋgò la hwatò hwa wònyà Yudà ema hwà mà uwɛ̀lɛ̀lɛ̀yi ò erzòòkà ya Èrzìyà, hwà mà ɛnɛ Pàwolò ò tenì ya e ndawò yà Lohwà. Hwà mà gbeyà e ŋgindi ò lì kanjeya rzìi e hvɔ̀ɔ̀tɔ̀ Pàwolò.

Hwègbèèlì 5:18

Hwà mà ŋgbaŋgɛ I àpɔ̀rzìtòlò rzìi hwa hwà ika ò hwèwòwà ema e ma hwɛ ò mbòwa.

Hwègbèèlì 5:27

Hwà mà kpeyane iŋgi àpɔ̀rzìtòlò ò tenì ya wòlìya rzìi hwa hwà tɛmirzɛ ò wòrzò wò wòlìya. Aŋga ndi e Pìlìrzì ema è kàrzamì ya hwa kàyìrzɛ̀ na lì hwa òhweyà nanù ema,

Hwègbèèlì 6:11

O èŋgànɛ̀lɛ̀ rzɔ wɔ̀ hwà mà aka hwatò ò jututa ò lì òhwa nanù ema, “Irzɔ i hweyi Rzìtehvànɛ a òhwa mbɔrzi ya ìrzìlàkò lì teŋgɛ̀nɛ̀ Mòrzè na lì teŋgɛ̀nɛ̀ Lohwɛ̀.”