Hwègbèèlì 5:5 - Mokpwe: Bakwery (New Testament)

⁵ Liwòkimɛnɛ na òma Ànàniyarzì ama hweye ene eyà ama kpàa, rzi a ŋwa. Hwàtò hwa arzɛ ema hwà mà hwèya nanù hwà mà lɛmbeya mòkambiya.

Hwègbèèlì 5:5 Mawu Ofanana

Hwègbèèlì 13:11

Nàŋgɛ rzɔ, Rzàŋgò Lohwɛ̀ a ò kɔ̀kìrzɛ̀. O kpa ndima, ò rza ò ɛnɛ hvɛ ò ŋmanà hvòka hvònda.” O lìwòkimɛnɛ, Èlìmàrzì a hweyà ndi ò a ɛnɛ òma lìmbaki lì ma mò hwanda mìirzɔ̀, rzìi mɔ̀ a à ŋmàrzɛ̀lɛ ò lì luwa mòtò ema a lɛmbɛ lìya la eni ò lì mò timba.

Hwègbèèlì 2:43

Tɔ̀ ima mòtò à mà jeja, ò nyòla rzayi-rzayi ja hweyà hwe mànyakà na hwembànèlì ema i àpɔ̀rzìtòlò i ma gbeye.

Hwègbèèlì 5:13

Tɔ̀ nɛ hwatò hwà mà hwa hwɛlɛ miinà mà gbamù, hwaŋga hwà mà òka wɔ̀ŋgɔ̀ ò lì hwa lata nanù mɛnɛ.

1 Kɔ̀rintìyà 4:21

Mamɛ inyɔ e hvɔ̀rzì e? Nà jelì tɛ na e kɔ̀kìrzɛ̀ èhwanja e ondi kumba, ŋga na jàne ndi e ndìŋgɛ, na èlìŋgɛ̀ ema ya arzirzɛ e?

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 13:2

È hvonda ema nà mà e jèeya o ŋgèlì ema e ùkirzɛ̀ ihwakɛ, nà mà e ohweyà nanù ema na o kɔ̀kìrzɛ̀ hwatò ema hwa gbeyà wòhwe o ìtììtènì ja anyu. Nà hwèlì na hwa ohweyà hvɛ nàŋgɛ, ndèŋgànɛlɛ na ohweyà hvɛ hwahvɛhvɛ hwatò ema wɔ̀ hvɛ hwa gbeyà wòhwe tɔ̀ nàŋgɛ ema na rza enje na inyɔ. È hvonda ema na o jɛ̀ɛ̀ hvɛ na rza o òkeya tɔ̀ mòtò tɔ̀ ììlì.

2 Kɔ̀rintìyà 7:11

Ndi inyɔ e ma hweyà wòhwe, na oma Lohwɛ̀ à mà arze nanù ema e hweye, o èŋgànɛ̀lɛ̀ rzɔ, e ɔ̀ŋgɔ tɛ mamɛ eŋge e ma e jàneyà, inyɔ e ma arza ema na hwiye nanù ema e keka o lì uŋmɛ̀lɛ̀ hwatò nanù ema e rza gbeyà tɔ̀ lùurzè nàŋgɛ. È ma tata nanù ema hwaŋga hwatò hwà mà gbeyà matona o e hvonda ema e ma aka, ndèŋgàna e hwa ohweyà nanù ema hwa hwɛmɛ wòhwe wo awu. È ma oka wɔ̀ŋgɔ̀ nanù ema Lohwɛ̀ a e kɔ̀kìrzɛ̀ e hwèlì tɛ nanù ema e lìmelì ndi o lì gbeyà ini nyayi ja hweyà. È ma lìŋgàna o lì no ɛnɛ na e jɔ̀kɛ̀, e ma hwɛnɛ hvɛ mèèmà mo lì no ikana ekohva, ndèŋgànɛlɛ e kɔ̀kìrzɛ̀ hwatò ema hwa gbeyà wòhwe. Nà oma e ma gbeyà hwene hweyà hwe arzɛ, e uŋmɛ̀lɛ̀ nanù ema e rzi gbèyi tɔ̀ eyà tɔ̀ yɔ̀kɔ ya wòhwe.

Hwèwulùwèlì 11:13

Ò lìŋgi lìrzàkò mɛnɛ ò mà hwɛ monyìŋgìrzɛ̀nɛ̀ mòndɛnɛ rzìi lòŋgò lɔ̀kɔ ò tenì yà lìyòmè là eŋge mbowà ndɛ̀ɛ̀ndɛ̀ è wuhweyà. Mɔ̀rzɔ̀ŋgi mò hwatò ema mò mà ŋwa ò moŋgo mònyìŋgìrzɛ̀nɛ̀ mò mà hwɛ hwèkolì lìrzamba. È wɔ̀ ema hwa mà kàrzowà hwa mà oka wɔ̀ŋgɔ̀ rzìi hwa eka Lohwɛ̀ là màyìmbì ema lì hwèlì ò ŋmanyu yà lohwà.

Hwèwulùwèlì 11:5

È hwèlì tɛ nanù ema mòtò a arzi lì hwa gbeyàna wòhwe, mùnya mo hwa wurza o iwàna ja awu rzìi mo hvàŋga hwàkɔ̀yèlì hwa awu. Nànù ndi tɔ̀ ima mòtò ema a keki lì hwa gbeyàna wòhwe a àŋgàmɛ̀nɛ̀yi lì ŋwa.