Hwègbèèlì 5:41 - Mokpwe: Bakwery (New Testament)

⁴¹ Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.

Hwègbèèlì 5:41 Mawu Ofanana

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Yòwanìrzɛ̀ 15:21

Ndi hwa ò è gbèeyà hwenè hweyà hwe arzɛ ò lìnà là ami èhwanja hwa rza hwi e mɔ̀ ema a nò òmi.

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”

Hwègbèèlì 5:21

Iŋgi àpɔ̀rzìtòlò i ma hweyàna rzìi ò eka ya elele hwà mà ɛ̀ndɛ rzìi hwa kpèeyà ò Ndawò yà Lohwà rzìi hwa wòteya lì òkòlɛ̀ hwatò. Nà òma e Pìlìrzì e karzami na hweyòrza hwe eni hwà mà kpèeyà hwà mà hwɛlɛ hwàmbaki hwa arzɛ hwa wònyà Yudà ò wòlìya wò hwatò hwa arzɛ hwa lìkànèyà la mbòwa. Rzìi hwa òma lìlò ò ndawò ya hwèwòwà nanù ema hwa hwà jàneyà I àpɔ̀rzìtòlò.

Ròmànì 5:3

Jò òki mɔ̀nyɛ̀ŋgì hvɛ ò nyòla mètàkà ema i luwa, ndèŋgànɛlɛ i hwi nanù ema mòtàkà ndi me jànà lì àjùlɛ̀.

2 Kɔ̀rintìyà 12:10

O èŋgànɛ̀lɛ̀ rzɔ, o nyòla ya ama Krirztò, na oka mɔ̀nyɛ̀ŋgì tɔ̀ e hwɛ ndi nanù ema na rza imbami, tɔ̀ e hvonda ema hwatò hwa no hwɛnyɛ, tɔ̀ e hvonda ema hweyà hwe no ambani, tɔ̀ e hvonda ema hwatò hwa no tàkirzɛ, na tɔ̀ o e hvonda hvɛ ema na hwèlì o ndùtù. Nà ohwa ndi ene eyà nanù èhwanja, tɔ̀ ima hvonda ema na rza ohvɛ ŋginyà, Krirztò a no ŋgba e ŋginyà.

Hvìlipìyà 1:29

Lohwɛ̀ a gbeyànì ŋmèma mo eni mo gbamù nanù ema inyɔ e gbèeyà Krirztò, rzeketɛ o lì lòkɛ̀ Krirztò mɛnɛ, ndi o lì tàkirzɛhwɛ o nyòla ama Krirztò.

Hibrù 10:34

Inyɔ e ma hwɛnɛ mèèmà me ììlì o hwatò ema hwà mà hwɛ o hwèwòwà. Tɔ̀ nɛ hwà mà e lumbane erzàŋgo ya anyu, e ma hwɛni mɔ̀nyɛ̀ŋgì nanù mɛnɛ èhwanja inyɔ e ma hwiya nanù ema e hwɛni erzàŋgo ema e akayi eŋge erzàŋgo ema e o hwɛ̀ɛ natɛ̀ɛ na o gbìndèyà.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Jèmìrzì 1:2

Ìi wònyàmòwe kòkò, tɔ̀ ima hvonda ema tɔ̀ ima lìtumba la màkekirzɛnɛ ma e uŋmànɛlɛ ye e wowe inyɔ hwiti nàa e lɔ̀wu ya nyo.

3 Yòwanìrzɛ̀ 1:7

Hwanu hwatò hwà mà hwɛ lì ɛndɛ hweki nà hweki, o lì gbèeyà Yerzù Krirztò, ndèŋgànɛlɛ hwa rzi emeyà tɔ̀ lìwòŋgo ò màà mà hwatò ema hwa rzi lòkɛ̀ Krirztò.