Hwègbèèlì 5:2 - Mokpwe: Bakwery (New Testament)

² Ndi mɔ̀ à mà uta lòŋgò la wòŋgò wòlì ndèŋgànà e jòjìyɛ̀ wa eni mɔ̀ à mà hwiya lì hvòmɛ̀nɛ̀ wòŋgò wòlì ema à mà ute, rzìi Ànàniyarzì a ŋgba I àpɔ̀rzìtòlò wɔ̀nɛyi wòlì.

Hwègbèèlì 5:2 Mawu Ofanana

Matiyò 23:5

Tɔ̀ mamɛ ya arzɛ ema hwa gbeyà, hwa e gbeyà ndi nanù ema hwatò hwa hwà ɛnɛ. Hwa gbeyà hwanà hwewòŋgò ema hwa tìla mòtìla mò Eyà ya Lohwà ò tenì rzi hwa hwe kaka ò mbɔ̀mbɔ̀ na ò mèyɔ̀yɔ̀ mè awu. Hwa gbeyà ŋmàamba mò èluhwe ema mà wàwà rzi hwà mà wɔ̀tɔ̀ ò ŋmanyu ya meŋgòmbe me awu.

Yòwanìrzɛ̀ 12:6

À rzìi òhwe ndi ene eyà èhwanja à mà lutaneya mèlìrza me hwatò gbamù, ndi èhwanja à mà hwɛ ndi ŋmìhwɛ̀. Mɔ̀ ndi à mà òhva lìyamba la wòlì, à mà hwɛ lì a òŋgòwanɛ mɔ̀ ŋmìti na wòŋgò wòlì.

Hwègbèèlì 2:44

Hwàlòkèlì hwa arzɛ hwà mà hwɛ lì arzàŋganɛ ekì yɔ̀kɔ na ò lì akahwanɛ tɔ̀ mamɛ ema hwà mà òhve.

Hwègbèèlì 4:37

A ma àhwirzɛ̀ etò ya eni rzìi a jànà wòlì wò arzɛ a wò ŋgba I àpɔ̀rzìtòlò.

Hwègbèèlì 5:1

O mà hwɛ mùnyanà mɔ̀kɔ à ma hwɛ̀lɛ̀hwɛ̀ Ànàniyarzì, e jòjìyɛ̀ ya eni ema hwɛ̀lɛ̀hwɛ̀ ndi Rzàhvilàrzì. Wɔ̀ hvɛ hwà mà àhwirzɛ̀ lòŋgò la erzàŋgò ya awu.

Hwègbèèlì 5:3

Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò.

Hwègbèèlì 5:8

Pètrò rzìi a mò ijòwa nanù ema, “O nò òhweyà tɛ, wòlì wò arzɛ wò arzɛ wònò ema ò wa na mòjòmɛ̀ wà aŋgɔ̀ ema mà àhwirzɛ̀ erzàŋgò ya anyu e?” Rzàhvilàrzì rzìi a mò alàhwɛ̀ nanù ema, “Ɛ̀ɛ, wòlì wòŋgò.”

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.

1 Tìmotì 6:10

Mòtò ema a ohvi nyɔ̀ŋgi ndɛnɛ o lì arza wolì rzayi-rzayi a gbeyà hweyà hwe wòhwe o lì luwa woŋgo wolì. Ène eyà e ma gbeyà lòŋgo la hwatò hwà mà rzɔnjɛ̀lɛ̀ lì lòkɛ̀ Krirztò ndèŋgànɛlɛ hwa ohvi ndùtù rzayi-rzayi o mèèmà me awu.