Hwègbèèlì 4:34 - Mokpwe: Bakwery (New Testament)

³⁴ Tɔ̀ mɔ̀kɔ wà awu à rzi tàkeyà tɔ̀ yòma ò ìtììtènì jà awu. Ò hvònda nà hvònda tɛ, hwaŋga ema hwa mà òhva hwètò tɔ̀ màwòŋgì hwà ma mà àhwirzɛ̀, rzìi hwa jànà wòŋgò wòlì ema hwa mà àhwirzɛ̀ eŋge erzaŋgò,

Hwègbèèlì 4:34 Mawu Ofanana

Matiyò 19:21

Yerzù rzìi a mò alàhwɛ̀ hvɛ nanù ema, “O arza tɛ lì hwɛ ema ò rza òhvɛ njɔ̀mì, ɛ̀ndɛ ò àhwirzɛ̀ lìrzàŋgò la aŋgɔ̀ la arzɛ ò ŋgbe mèlìrza me hwatò wòŋgò wòlì. O gbe tɛ nanù, ò luwa mònàmɛ̀ ò ŋmanyu yà lohwà. Eŋge hvònda ndi ò nò nɔ̀ŋgɔ.”

Makòrzì 10:21

Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 16:9

Yerzù rzìi a hwa òhweyà nanù ema, “Nà è òhweyà ema è gbeyànè mònàmɛ̀ mò anyu mò ène rze, ò lì làtana hweyòrza hwe anyu. Èhwanja lìrzàkò mòŋgò mònàmɛ̀ mò kùwa, e kàrzɛ̀hwɛ̀ nàa hwàyɛ̀ni ò èkòmè ya mòlìkɛ̀.

Lukàrzɛ̀ 22:35

Yerzù à ma ijòwa hwà-òkòwèlì hwa eni nanù ema, “Nà òmà na mà è òme, ema è rzì lɛ̀mbɛ tɔ̀ ekpà ya wòlì, tɔ̀ lìkpà, tɔ̀ hwetambi, è mà tàkeya yòmà e?” Hwa mà mò alàhwɛ̀ nanù ema, “Tɔ̀ yòmà.”

Hwègbèèlì 2:45

Hwa mà àhwirzɛ̀ hwerzàŋgò hwe awu, rzìi hwa kahwa lì hvòmɛ̀nɛ̀ hweyàrzèlì hwe tɔ̀ ima mòtò.

Hwègbèèlì 4:37

A ma àhwirzɛ̀ etò ya eni rzìi a jànà wòlì wò arzɛ a wò ŋgba I àpɔ̀rzìtòlò.

2 Kɔ̀rintìyà 8:14

Ndi na oma inyɔ e ohvi rzayì-rzayì nàŋgɛ, o lɔ̀wu nanù ema e òŋgòwane hwaŋga ema hwa hwèlì o hvàrzɛ, aŋga nanù, e hvonda ema inyɔ hvɛ e hwɛ̀ɛ o hvàrzɛ, wɔ̀ hvɛ hwa e òŋgòwàna. Àŋga nanù i mburzà ja ahwakɛ o rza hwɛ ndando.

1 Tɛ̀rzàlonìyà 4:12

Irzɔ i ma e kòkòwɛ̀lɛ̀ o lì gbeyà hwene hweyà hwe arzɛ aŋga nanù, e luwa èluhwe ya hwahvɛhvɛ hwatò ema hwa rza lòkɛ̀ɛ Lohwɛ̀, ndèŋgànɛ̀lɛ̀ tɔ̀ ima mɔ̀kɔ wa anyu a hwiya lì àwòhvɛ̀ la eni.

1 Tìmotì 6:19

Hwatò hwa gbèyi tɛ nanù, e gbeyà ndi o a ɛnɛ oma hwa uti ndi mònàmɛ̀ mo awu o ŋmanyu yà lohwà. Ène e hwɛ ndi nàa mɔ̀nɔ̀ŋgɔ̀ ema mo eti, o lì ètìrzɛ̀ kɔ̀yi-kɔ̀yi hweyà ema hwe o jɛ̀ɛ̀ o worzo. Àŋga nanù wɔ̀ hwa o luwa lòŋgɛ la jɔ̀kɛ̀ la kɔ̀yi-kɔ̀yi.

Jèmìrzì 1:27

O lì gbèeyà Lohwɛ̀ o ŋgànà ema e hwèlì Wòrzàŋgì ndèŋgànà o jɔ̀kɛ̀ ya ama Tatɛ̀ Lohwɛ̀, e hwèlì ndi o lì ɔŋgeya i nyuhwe ja hwàna na mekurze me hwalana ema me tàka, na lì àwòhvɛ̀ la eni la gbamù e rzi hwɛ nanù ema hweyà hwe mbindo hwe e rze ya mɔ̀nyɛ̀ hwe mo atukɛ o nyo.