Hwègbèèlì 4:32 - Mokpwe: Bakwery (New Testament)

³² Hwàlòkèlì hwa arzɛ hwà mà òhva ŋmèma nà màlùtèyà mɔ̀kɔ. Tɔ̀ mɔ̀kɔ wa awu a rza òhwe nanù ema lìrzaŋgò la ami lì hwèlì ndi e la ami, ndi wɔ̀ hwà mà akahwanɛ mamɛ ema hwà mà òhve.

Hwègbèèlì 4:32 Mawu Ofanana

Yòwanìrzɛ̀ 17:11

O naŋgɛ na jà lì ò ùŋmanɛlɛ, ò ŋmanà hvònda na rza ò hwɛ hvɛ ò rze ndi wɔ̀ hwa hwèlì nanù mɛnɛ anù rze. Ìi Tatà wa Wòtani! O wa ò hwa kòmbɛ ò e ŋginyà ya lìna la aŋgɔ, lìinà ema ò ma nò ŋgbe, aŋga nanù hwa hwɛ mòtò mɔ̀kɔ na òma irzɔ na òhwa i hwèlì mòtò mɔ̀kɔ.

Hwègbèèlì 1:14

Wɔ̀ hwa arzɛ, nà hwàalanà nà Màlìyɛ̀ è nyàŋgò yà ama Yerzù, nà Yerzù wònyanyàŋgò hwa eni hwa mà hwɛ lì arzàŋgànɛ̀ hvònda tɛ ò màkanɛ̀.

Hwègbèèlì 2:1

Nà òma e ndèma ema e hwɛ̀lɛ̀hwɛ̀ Pɛ̀ntìkɔ̀rzì e ma uke, hwalòkelì hwa ama Rzàŋgò hwà mà arzàŋgànɛ ò èki yɔ̀kɔ.

Hwègbèèlì 5:12

I àpɔ̀rzìtòlò i ma gbeyà hweyà hwe mànyakà na hwembànèlì hwe rzayì-rzayì ò tenì ya hwatò. Hwàlòkèlì hwa arzɛ hwà mà hwɛ ndi lì taneya nàa mòtò mɔ̀kɔ ò ihvònda ja arzɛ ò marzɛrzɛ ma ama Rzòlòmɔ̀nì ò e ndawò yà Lohwà.

Ròmànì 12:5

Ŋgàna hvɔ̀kɔ mɛnɛ, tɔ̀ nɛ irzɔ i kòki, i hwèlì ndi nyò hvɔ̀kɔ, ò lì ahvìyànɛ̀ na Krirztò, ndèŋgàna ja ahwiyanɛ mɔ̀kɔ na ɔ̀nɛyi nàa rzayi-rzayi ja hwènàmà ò nyò hvɔ̀kɔ.

1 Kɔ̀rintìyà 1:10

Wònyamòwè kòkò, nà è atɛkɛ ò lìnà là ama Rzàŋgo wà arzu Yerzù Krirztò, inyɔ hwa arzɛ, è ohwe ndi eyà yɔ̀kɔ, aŋga nanù ò rza hwɛ tɔ̀ mbùnakɛ̀ tɔ̀ hvɔ̀kɔ ò ìtììtènì jà anyu. È hwɛnɛ lì ahvìyànɛ̀ ema lì ondi nà lì lùtèyà, nà etɔ̀ti yɔ̀kɔ, ò mamɛ yà arzɛ ema yà rza lì gbeyà.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!