Hwègbèèlì 4:3 - Mokpwe: Bakwery (New Testament)

³ Aŋga ndi hwa a ŋgbaŋgɛ Petrò na Yòwanìrzɛ̀ rzìi hwa hwà umbana ò hwèwòwà. Nà òma wùùnya wò ma hwɛ wò ma kɔ̀ɔ, hwà mà hwɛ̀ɛ aŋga natɛ̀ɛ na ò enɛyi eka ya elele.

Hwègbèèlì 4:3 Mawu Ofanana

Matiyò 4:12

Ò eŋge hvònda Yòwanìrzɛ̀ è Mòlùhwìrzèlì à mà aŋgɛhwɛ ò hwèwòwà. Nà òma Yerzù à mà hweye nanù, rzìi a timba ò erzòòkà yà Galìlì.

Lukàrzɛ̀ 22:52

Yerzù rzii à ijòwa iŋgi Ipìlìrzì ndɛnɛ̀ nà hwatimbèlì hwa merzenja hwa è Ndawò yà Lohwà, nà hwatimbèlì hwa mbòwà ema hwa mà jà lì mò ŋgbàŋgɛ̀ nanù ema, “Nà hwèlì ndi ŋmìhwɛ̀, ema è nò jàneyà ìrzɔ̀lɔ̀ nà metɔ̀nì ò lì nò ŋgbàŋgɛ̀ e?

Lukàrzɛ̀ 22:54

Rzìi hwa mà ŋgbaŋgɛ Yerzù. Hwa mà mò tìmba rzìi hwa mò ɛ̀ndɛnɛ ò ndawò yà ama è Pìlìrzì è kàrzàmi. Pètrò hvɛ à mà hwɛ lì hwa òŋgama ò mburzà, eyà yà ehvòwa màtaŋga.

Yòwanìrzɛ̀ 18:12

Rzìi hwaŋga hwanelì hwa njùma nà è mòtimbèlì wa awu, nà hwàgbèèlì hwa hwatò hwa Yudà, hwa mà lɛmbɛ Yerzù rzìi hwa mò kanya.

Hwègbèèlì 5:18

Hwà mà ŋgbaŋgɛ I àpɔ̀rzìtòlò rzìi hwa hwà ika ò hwèwòwà ema e ma hwɛ ò mbòwa.

Hwègbèèlì 6:12

O ene ŋgàna rzɔ hwaŋga hwatò ema hwà mà teŋgɛ̀nɛ̀ Rzìtehvànɛ, rzìi hwa hvuŋguwa mèèmà me hwatò, hwàmbaki hwa mbòwa na hwà-òkòlèlì hwa mbenda. Hwà mà hvùma Rzìtehvànɛ rzìi hwa mò ɛ̀ndɛnɛ ò wòrzò wò wòlìya wò hwèkàyìrzèlì.

Hwègbèèlì 8:3

Ndi Rzàwòlò mɔ̀ à mà arza ndi ò lì hvaŋga ŋmèmba. À mà lìŋgòwa ndawò nà ndawò tɛ, rzìi a rzììmà hwàlòkèlì, è wɔ̀ hwa wunyanà nà è wɔ̀ hwa hwalanà. Rzìi à hwa aŋgɛ wɔ̀ hwa arzɛ ò hwèwòwà.

Hwègbèèlì 9:2

Rzìi à mò ijòwa ama à mò ŋgbe itita, ò lì ŋgba hwàtìmbèlì hwa è ndawò yà màkànɛ̀ ema è hwèlì ò mbòwa yà Dàmàrzkɔ̀rzì. Aŋga nanù, à hwɛnɛ è wònja nanù ema à ɛni tɛ tɔ̀ ima mòtò ema à nɔ̀ŋgɔ è njiya yà ama Yerzù aŋga mɔ̀ à hwa ŋgbaŋgɛ, tɔ̀ hwa hwɛ ndi wunyanà tɔ̀ hwalanà, à hwa ɛ̀ndɛ̀nɛ̀ ò mbòwa yà Jèrurzalɛ̀mù.