Hwègbèèlì 4:21 - Mokpwe: Bakwery (New Testament)

²¹ Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

Hwègbèèlì 4:21 Mawu Ofanana

Matiyò 15:31

Hwàŋga hwatò hwà mà jeja rzayi na òma hwà mà ɛnɛ nɛ imbùke jò òhwa, imbòkò i wɔ̀wìrzɛ̀wɛ̀yi, hwaŋga ema hwà mà kperzòhwa hwà ma ɛ̀ndɛ gbamù, na òma indima hvɛ i ma ɛ̀nɛ, rzìi hwa eka Lòohwà la hwatò hwa Irzàyɛ̀lì.

Matiyò 21:46

Wɔ̀ rzìi, hwa wòteya lì arza ŋmanò mò lì mò lɛmbɛ. Ndi wɔ̀ hwà mà òka wɔ̀ŋgɔ̀ ò lì gbeyà nanù èhwanja wɔ̀ hwà mà ayèmbɛ nanù ema eŋge ŋgìndì e ma ɛnɛ ndi Yerzù nàa Mòòhwèlì wà èlìŋgɛ̀.

Matiyò 26:5

Hwà mà kaka nanù ema, “I rza hwɛni lì gbeyà nanù ò wùnyà wò e ndèma èhwanja hwatò hwa ò jana lùwànje.”

Matiyò 9:33

Nà òma Yerzù à mà wurzirzɛ eŋge èlìŋgɛ̀ ya wòhwe, ò ma òŋgò mòtò ema à mà hwɛ mbùke rzìi òŋgò mòtò a wòteya lì òhwa. È ŋgìndì ema e ma hwɛ aŋga e ma tàmà rzìi hwa wòteya lì òhwa nanù ema, “Ene nyayi ya eyà e rzìi gbèyɛ̀nɛ ò èkòmè ya arzɛ ya Irzàyɛ̀lì.”

Matiyò 9:8

Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Lukàrzɛ̀ 13:17

Mamɛ Yerzù a mà òhwe, e ma gbeyà hwatò ema hwà mà mò teŋgɛ̀nɛ lì lɛmbeya ìrzɔnì, mòtò tɛ à mà òka mɔ̀nyɛ̀ŋgì lì hvomɛ̀nɛ̀ hweyà hwe mànyàka hwe arzɛ ema Yerzù a mà gbèye.

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 20:6

Jò òhwi tɛ nanù ema, ‘O hwatò hwa hwènàmà,’ ène ŋgìndì ya àrzɛ è jò àŋgbà mànyayi. Èhwanja hwa hwi nanù ema Yòwanìrzɛ̀ à mà hwɛ ndi mòòhwèlì wà èlìŋgɛ̀”

Lukàrzɛ̀ 22:2

È Pìlìrzì ndɛnɛ nà hwà-òkòlèlì hwa mbenda, hwà mà òka hwatò wɔ̀ŋgɔ̀. Ndi hwa mà hwɛ lì àrza ŋmanò mò lì òŋwà Yerzù ò jùtuta.

Lukàrzɛ̀ 5:26

Tɔ̀ ima mòtò à ma hwɛ aŋga à mà ònda nà hwètàmìrzèlì. Ò èŋgànɛ̀lɛ̀ hwa mà èka Lohwɛ̀ nà lì òndà nà wɔ̀ŋgɔ̀ rzìi hwà òhwa nanù ema, “Jà ɛnì hweyà hwe mànyakà yàwònò.”

Hwègbèèlì 4:17

O lì arza nanù ema mònò ŋmɛ̀ndì mò rzi nyàla ò ekì ya arzɛ, inyɛ i hwa kòkòhwɛ̀lɛ̀ kɔ̀yi-kɔ̀yi nanù ema, hwa rzi keka lì òhweyà tɔ̀ mòtò eyà lì hvòmɛ̀nɛ̀ Yerzù.”

Hwègbèèlì 4:22

Oŋgò mòtò ema mànyakà mà hweyà ma mà wɔ̀wìrzɛ̀ à mà aka mènìmenì me meya.

Hwègbèèlì 5:13

Tɔ̀ nɛ hwatò hwà mà hwa hwɛlɛ miinà mà gbamù, hwaŋga hwà mà òka wɔ̀ŋgɔ̀ ò lì hwa lata nanù mɛnɛ.

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.

Hwègbèèlì 5:40

Hwà mà hwɛlɛ I àpɔ̀rzìtòlò ò lì kpèeyà ò tenì ya e ndawò. Rzìi hwa hwà gbìiyɛ̀ hvònji, rzìi hwa hwà kànèyà nanù ema hwa rza arza lì hweyà nanù ema hwa gbeyànì lìinà la ama Yerzù hvɛ. Rzìi hwà hwa hwɛmɛ nanù ema hwa ɛndɛ.